|
|
مشرفة سابقة
|
|
|
|
|
|
|
الدولة : مدينة الشمس بعلبك
|
|
|
|
|
|
|
المستوى : 
|
|
|
|
|
|
المنتدى :
ميزان المنبر الحسيني لشعر أهل البيت (ع)
وداع الامام الحسين لامه فاطمة عليهما السلام
بتاريخ : 28-Nov-2009 الساعة : 01:42 PM
اللهم صل على محمد
وآل محمد وعجل فرجهم والعن أعدائهم
بسم الله الرحمن الرحيم
وعمرك ربي اليسلمه -- يسمع فاطمه اتكلمه
تودعني تودعني
--
حسين ودمعه يتهامل -- للزهره يودعها
يسمع من لحدها الصوت -- تبچي ابحرگه يسمعها
هذا اوداع وين اتريد -- لمك ليش تفجعها
مو تدري الصدر مجروح -- والبسمار روعّها
وين اتريد وين اتريد -- يبني حسين وين اتريد
ضلعي يبني لتلچلمه -- يسمع فاطمه اتكلمه
تودعني تودعني
--
گاللها بحزن گلبه -- ويتلاهب دليله ابنار
يمّه عنچ امسافر -- هليله اصبحت خطار
وباچر احدي بضعوني -- ولا واحد يظل بالدار
عندي بس عليله اتظل -- ماتحمل سفر وأخطار
تبچيني تبچيني -- اعاينها تبچيني
كثرت للگلب همه -- يسمع فاطمه اتكلمه
تودعني تودعني
---
سمع من اللحد فد صوت -- صوت اختنگ بالعبره
ونتها ابضلع مكسور -- بألمها أتكلمه الزهره
يحسين المسير اطويل -- يبني ورحلتك خطره
وعني لو خذت ولياك -- گبر أمك منو ايحضره
لاترحل لاترحل -- يبني حسين لاترحل
گبري من يجي يمه -- يسمع فاطمه اتكلمه
تودعني تودعني
--
جاوبها ييمه الدين -- حرفوا كل معانيه
وعالذل مابعد اصبر -- ولا ارضه بعبوديه
ابدمي ارد اضحيله -- ولآخر نفس بيّه
حتى لو عدوي ايجور -- تذبحني مواضيه
اجاهدله اجاهدله -- ديني كون اجاهدله
وتراب الگبر شمه -- يسمع فاطمه اتكلمه
تودعني تودعني
--
ظل ايسولف او تسمع -- ويسمع من گبرها اونين
گالتله يرحانه -- المحمد يبني ورياحين
ولمك يبني چنت الروح -- ومهجتها وضواها العين
وحدك عالسفر ناوي -- لو كل الاهل ماشين
شبانك شبانك -- تظعن كلها شبانك
مو صدري نزف دمه -- يسمع فاطمه اتكلمه
تودعني تودعني
--
يُمه فاطمه الشبان -- واخوتي كلهم الطيبين
بحزام الوفه وياي -- يمه ابغيره متحزمين
عباس وثلاث ابطال -- ابسوح الموت معروفين
وحتى البلمهد يرضع -- ايجاهد رايد الهل الدين
رايدهم رايدهم -- يمّه المجد رايدهم
قربان الدمه انقدمه -- يسمع فاطمه اتكلمه
تودعني تودعني
--
نشدت يبني اختك وين -- زينب خل اكلمها
اودعها وتودعني -- عزيزة فاطمه امها
لختك من يباريها -- ابها المسره ويلازمها
ماريد الدهر يحسين -- منك يبني يحرمها
ترعاها ترعاها -- لختك يبني ترعاها
حسين اتوادع اويه امه -- يسمع فاطمه اتكلمه
|
| توقيع torbat karbala2 |
يا نازلين بكربلاء هل عندكم .. خبرٌ بقتلانا و ما اعلامها
ما حال جثة ميتٍ في أرضكم .. بقية ثلاثاً لا يُزار مقامها
بالله هل رُفعت جنازته و هل .. صلى صلاة الميتين إمامها
بالله هل واريتموها بالثرى .. و هل استقرت باللحود رِمامها
يا جسمهُ انتفض التراب و عانقت .. أطيافه روحي فأنت سلامها
لو تنحني نفسي لجسمٍ عُفرت .. أوصلاهُ فتعفرت آلامها
|
|
|
|
|
: 
وعترته. ألا وإنّه لم يَمشِ فوق الأرض بعد النبيين والمرسلين أفضل من شيعةِ عليٍّ ومحبيه الذين يُظهرون أمره وينشرون فضله، أولئك تغشاهم الرحمة وتستغفر لهم الملائكة. والويلُ كلّ الويل لمن يكتم فضائله وينكر أمره، فما أصبرهم على النار). كتاب (الدمعة الساكبة) ص82. 
