بسم الله الرحمن الرحيم
محمد صح بشـــر بس معدنـك نور
على صفحات وجــة الكــاع ينخط
ومنو يكدر يخطك وانت ابو الكون
ويا جف على اسمــك كـــدر ينحط
اذاً قطعـاً الالــة الشكــــل النـــــور
ومن جـف الجـلالـة ابتدى المهبـط
***ــــــــــــــــــــــــ***
عني افكـــــــار حبة منو شظن
حب طــة محـمــد علـــي شظن
وحكك كلبـي بيهم صار شظين
وكـــل شظ بي اظم حبهم سوية
***ــــــــــــــــــــــــ***
بكل شظ انجمع حبهم وظل بيه
وكلبي لاذ بفياية وظــــــل بيه
اهيمن ريت واجنن وظــل بيه
حب المصطفى وحيدر خـوية
***ــــــــــــــــــــــــ***
حب المصطفى وحيدر سند لي
وكلبي تلـــول من حبهم سند لي
صيحو بصوت ياشيعة سنـدلي
حيـــــــدر بالشــهادة الاحمـدية
***ــــــــــــــــــــــــ***
حيدر بالشهــادة اندرج ونخاط
ونورة بنور طه نمزج ونخاط
وبسمة اطـــرز الاذان ونخاط
و التفصال بجفــــوف الزجية
***ــــــــــــــــــــــــ***
حب ال محمــــــد الـي تفصــل
سرة بية ومشـة بعضاي تفصل
حياتي بغير خطهم علي تفصل
وبس خطهم بقه شغــــــال بية
***ــــــــــــــــــــــــ***
بس خطهم بقة وماخط سواهم
وحكك ما ملك كلـــبي سـواهم
لان ربك بجف قــدرة سـواهم
وبفاضل خلقهـــــــم مـن علية
***ــــــــــــــــــــــــ***
انا بفاضل خلقهـم طين صبني
وبقالب عشكهــــم طين صبني
يهالناصب انا من طين صبني
شتظن تثرعلارض الغاضرية
***ــــــــــــــــــــــــ***
شتضن تثر وانا منالطف ترابي
وجـــم طعنة باثر طعنة ترا بي
وحكــك عيني ابن حيدر ترابي
ولمــن طــــاح طــاح ابين ادية
***ــــــــــــــــــــــــ***
لخادم اهل البيت
: صادق الجبوري
سلسلة ابوذيات بحق الرسول الاكرم للشاعر صادق الجبوري
وأهل بيته وأنصاره سلام الله عليهم
