بعدك يخوية العدا**للسبي اخذوني**وحركوا خيامي وبعد**بسهام يرموني
ياجافل ضعوني يخوية شلون تنساني
بعدك غريبة وصرت مابين عدواني
وحركوا خيامي وبعد**بسهام يرموني
وينك يا كمر عدنان خوية انت رحت عني ودمع عيني يون سكتة
خوية وكلبي ضل ينخاك وبونتة واخوك حسين بين العدا من شفتة
ياخوية يصرخ يالكمر عباس عدواني
حاطوني بسهام ونبل يانبض وجداني
وحركوا خيامي وبعد**بسهام يرموني
وطاح حسين واتوجت عليه جروح وانت اعلى النهر يا ابالفضل مطروح
وتوجهلة الشمر وبسيفة ضل يلوح وانه اعلى القهر دم الدمع بالنوح
وشال الرجل حطها بعد خوية على ظهرة
بكل قسوة مد ايدة لزم شيبة يحز نحرة
وحركوا خيامي وبعد**بسهام يرموني
وفصل راس الشهيد حسين عن جسمة وشفت عين السبط ياخوية مبتسمة
لان يدري انتصر دين النبي وامــــــــة لكن بي رســم واضح جبل همـــــة
لية تصد عينة بالم والعين الك تربة
ياخوية ياراعي العلم وحدي انة بغربة
وحركوا خيامي وبعد**بسهام يرموني
وينك ياكمر عدنان شوف الكوم ذبحوا خوية اخونة حسين هذا اليوم
وشبت بالخيم نار وطحت بهموم وشب نار الكلب بي صدري ضل مالوم
ياخوية وجروح ودمع غطت على ايتامي
من ضيم واحزان الوضع اشكيلك الامي
وحركوا خيامي وبعد**بسهام يرموني
الونين ينوح ياعباس لفراكك بلهيب ونار شبت خوية لمصابك
شكلك يا كمر عدنان وغيابك هيج هالكلب ويون على اعتابك
ياخوية اعذر هالكلب من هاج بعتابك
بس ضيم خوية وبقهر يوم السهم صابك
وحركوا خيامي وبعد**بسهام يرموني
خادم اهل البيت 
:::::::::::::::::::::::::::::::::::::::::::::::::: ::احمــــد رفيش 
بعدك يخوية العدا .... لطمية ..... للشاعر احمد رفيش
