[اسمي من صفاتي]

صبر شالت مدامعها العقيلة ابـــاه ..... وحملت بالجروح جروح تمحي جبـال

ورسم كلب العقيلة الفلك راية يريد ..... بس عباس هدة وما قبل تنشــــــــال

لان بيدة الصميدة واعد الكـــــــرار ..... ودك صدرة وكفلها الوالدة من كال

طبك جفنة الدهر والقهر بيه ارتاب ..... لان فولاذ جلماته الكمر واثكـــــال

*********

زينب بت علي والعلي هي جفـــــوف ..... ولزنود الصبر والغيرة والاحســـــاس

زينب كربلة والكربلة الميـــــــــــــدان ..... من ساحة كلبها اتكفلة النـــــومــــــاس

هي الخيمة صارت لليتــــــــــاما ودار ..... وهم الهم درع وبيادرع تنقـــــــــــاس

او وصلت للعرش والعرش بيه اسرار ..... واسرار العقيلة اكداس فوك اكـــــداس

صارت سيف بتار ويطر جيــــــــوش ..... وكل الكون جوة اسم العقيلة انــــــداس

ونظر عين الحسين وبالحسين دمــوع ...... فاضت من دمعها انهار تجلي ارجاس

يعني الحرة شالت كربلة والشـــــــــام ...... بجفوف الصبر سوتهن الها الطــــاس

ودموع الحزن من عدها صارت فيض ..... ولمتهن بديها بجربة العبــــــــــــــاس

وبيها اسرت كل الاسر بــــــــــــــالاه ...... وبنار الصبر جوت جميع النــــــــاس

ويوم الحرة من راحت لعند يزيد ..... هدت عرشة كلة وذبتة من الســــــــــــــاس

**********

خادم اهل البيت

احمد رفيش

[امل موسى]

مأجور أخي الكريم إسمي من صفاتي ويا ريت تنقل لنا حوارات بين الزهراء وأيتامها أو كلمات من الأيتام على أمهم بعد استشهادها

والسلام عليكم

[ابومحسد]

بسم الله الرحمن الرحيم
ماشاء الله احسنت اخي احمد رفيش واجدت بقصيدة رائعة
جعلها الله في ميزان حسناتك ان شاء الله
اخوك الشاعر ابو محسد

[اسمي من صفاتي]

شكرا لمروركم الكريم احبتي واخوتي واسال الله ان يوفقكم ويوفقنا على حب ال بيت رسول الله ص
تقبلوا تحياتي وامتناني لكم احبتي