[نور العتره]

بسم اللة الرحمن الرحيم و بة نستعين
اللهم صلي على المبعوث رحمة للعالمين محمد و آل بيتة الطيبين
الطاهرين
اخواتى العزيزات و نحن على أبواب شهر رمضان المبارك يطيب لى أن اقدم اطيب التهانى و كل عام وأنتم بألف خير و أنتهز هذة الفرصة لاقدم لكم طريقة عمل الكشرى المصري طبعا الكشرى من أشهر الاكلات الشعبية المصرية اللذيذة وطريقة عملة جدا سهلة

وأحب أقولكم أنة كالعادة من بيت لبيت في شوية أختلافات في النكهة و طريقة التقديم و طبعا دة يرجع لكل واحد بيحب أية فى الطعم . وهو يتكون من اولا الكشرى عبارة عن عدس و أرز ثانيا صلصة الطماطم أو بنسميها (الدقة )وكمان مكرونة صغيرة الحجم مسلوقة
و بعدين في كمان حمص مسلوق لو بتحبوا .مش ح أطول عليكم ( قولوا طولي ) و حقول أنا بعملة ازاى و بعدين نقول الملاحظات



المقادير للكشرى

2كوب عدس بنى غير مقشور

5 كوب أرز

6بصل وكلما أزداد مقدار البصل صارت أطيب

نصف كوب زيت ويزيد لو احتاج الأمر علشان البصل يتحمر كويس

(مكونات الدقة )



فصوص ثوم مهروسة ,عصير طماطم ,شوية زيت صغيرة , فلفل حار ناعم بنسميها (شطة ) و هذا حسب الرغبة شوية ملح . أربع ملاعق خل لمحبي الخل

كوب معكرونة حجم صغير مسلوقة و عليها قليل من الزيت و الملح و توضع على جانب إلى موعد التقديم

الطريقة

يبشر البصل و يحمر جيدا جدا في الزيت حتى يقرب لونة من اللون البنى الغامق و نشيل نصف المقدار من الحلة (الطنجرة ) و يوضع في طبق جانبي للتقديم
في نفس الزيت الذى أستخدمنا فية البصل يوضع 7 كوب من الماء البارد هو نفس مقدار العدس و الأرز
يغسل العدس و الأرز معا و يوضع في الطنجرة بعد أن يغلي الماء ثم يضاف الملح و يترك ليغلي بضعة دقائق و يقلب ثم تخفض درجة الحرارة و يترك لينضج بالطريقة المعتادة لطهي الأرز في هذة الأثناء قومى بتحضيرالدقة الحارة يعنى ( صوص الطماطم )
و هذا أن يوضع الثوم المهروس في قليل من الزيت و يقلب حتى يصفرلونة ثم يضاف عصير الطماطم و الشطة و الملح و يغلي قليلا و يضاف قليل من الماء لتحصلي على صوص مناسب القوام و أضبطى الملح جيدا ممكن أضافة شوية خل لمحبي الخل .

إذا حبيتى حمص مسلوق أضيفي لة شوية عصير ليمون و شوية كمون ناعم و شوية شطة و معلقتين خل لو عايزة وأتركية للتقديم


عندما ينضج الكشرى صبية فى طبق التقديم و يكون كبير شوية ورشى علية المكرونة المسلوقة ثم البصل الذى حمرتية سابقا وشوية من الحمص وشوية من صوص الطماطم و كل ما تبقي يقدم إلي جانب الطبق الرئيسي كل واحد يزود زى ما هو عاوز.
تقدرى تقدمى معاة سلطةخضراء يعني خس و طماطم و خيار ...إلخ أو حلقات الطماطم بالليمون و الكمون . أو قطعي2 بصل حلقات و ادعكيها بشوية ملح و شوية عصير ليمون و أضيفي لها طماطم مقطعة صغيرة و شوية زيت . معلش بشرح بالتفصيل الممل علشان يطلع مضبوط و محدش يقول العيب في الوصفة
ملحوظة نوعية الأرز والعدس تختلف من بلد لبلد فأرجوا مراعاة النضج بأضافة الماء إذا أحتاج الأمر ...إما إذا متأكدة أن العدس ممكن يأخذ وقت أكتر من الارز في النضج تقدرى تسلقى العدس على حدة و لكن قبل أن ينضج أضيفية إلى الأرز و كملي عادى و لو أنة مهم جدا ماء سلق العدس لأنة بيعطى طعم طيب ( المهم منسوب الماء يكون متوازن لأن أهم حاجة أنة ما يكنش معجن ) يعنى يكون حبات حبات . ولكن اوصيكم أكثروا من البصل المحمر سواء داخل الطنجرة مع الأرز أو اللى على السطح ويحمر جيدا .
أما عنى أنا شخصيا بحب كمان أقدم معاة (كفيار المائدة ) الا و هو البذنجان المقلى بالصلصة و الثوم


يعنى نقول حبة أو حبتين باذنجان و تقشر و تقطع قطع مستديرة بسمك الاصبع,ثم تدهن بالزيت من الناحتين (بأيدك الحلوة ) و ترص في صنية الفرن و ياريت على ورق , في الرف الوسط حتى تحمر من الناحتين و لا داعي لقلبها, في هذة الأثناء قشرى عدة فصوص من الثوم قطعيها حلقات و حمريها فى شوية زيت صغيرة حتى يصبح لونها ذهبى و اضيفي عصير الطماطم و نقول كوب مثلا و أضيفي شوية ملح .و اتركية يغلى شوية ثم اضيفي قليل من الماء حتى تحصلي على قوام مناسب للصلصة ثم ارفعيها من الحرارة , عندما يشوى الباذنجان رصية في طبق عميق و صبى علية صلصة الطماطم و قدمية مع الكشرى و مع معظم الاكلات و خاصة مع الاسماك و يأكل مع الخبز علشان كدة أنا بسمية كفيار المائدة .

و ألف هناء و شفاء

و أذكرونى بالخير
واطيب دعواتى لكم بالتوفيق و السعادة

[بعين الله]

يعطيك الف عافيه انا رح اطبق وصفتك بحذافيرها باين عليها لذيـــــــــــــــــــــذه