|
|
عضو مميز
|
|
|
|
|
|
|
|
|
|
|
|
|
|
|
المستوى : 
|
|
|
|
|
|
المنتدى :
ميزان المنبر الحسيني لشعر أهل البيت (ع)
اليوم نكصد كربلا اوننعاهه
بتاريخ : 20-Jan-2011 الساعة : 09:36 AM
اللهم صل على محمد
وآل محمد وعجل فرجهم والعن أعدائهم
الى كل الموالين من شيعة أهل البيت(ع)
ولكل من عشق مسيرة الخلود الى كربلاء الحسين(ع)
ولكل من واسى زينب الحوراء والآمام علي السجاد( )
المستهل
-----
اليوم نكصد كربلا اوننعاهه*****نواسي زينب والسبايا اوياهه
النص
--------------
يله ياشيعة علي حيلكم هالليلة وينه
المايهل دمعة العين مانريده ولايجينه
المن انظم الحزن حسين هذا امكطعينه
اوهذا ابوفاضل وكع وابسهم ممروده عينه
,,,,,,
من طحت يم النهر........ظهر ابو اليمه انكسر
منهو بعدك زينب اليرعاهه
------
واقعة طف كربلا بكلوبنه امخليهه
حتى لومتنه تظل أجيالنه تحييهه
عين ربنا ماتنام حارسه تربيهه
الموت مايمنعنه عنهه ارواحنه تفديهه
,,,,,,
ربت بينه عالشعائر........عله عناد أهل الكبائر
ويانه عاشت لافلا ننساهه
------
زينب الحملت مصايب والحزنهه سلته
وكفت ابوجه الطغات او لبن هند الذلته
جنهه حيدر لو نطق والعدوهه راوته
الآباء بيهه صرح شامخة اتظل رايته
,,,,,,
اتحملت ضيم اوأذية........هناك بأرض الغاضرية
بالعقيلة الخوه جل معناهه
------
بالسلاسل قيدوهم أهل بيتك يالرسول
كربلا والشام تشهد والعده بيهم تجول
اوكلمن اللي ماتبعهم للشفاعة ماينول
بالحشر انته خصمهم يوم ساعة المثول
,,,,,,
من يجي يوم الوعد........الندم ماينفع بعد
الله يلعن كلمن السواهه
------
جعفر الصادق وصيته اتباعنه تحيي أمرنه
يرحم الله من حياهه بالدمه نكتب عهدنه
ابغيرهم دنيانه ظلمة اوغير حُبهم ماعرفنه
المنتظر يمشي ويانه الكربلا اويضوي دربنه
,,,,,,
نكله وين الوعد وين........يالثارات الحسين
تبقى هالمشية عشك نهواهه
------
اربعينك ياحسين انمجده اونرفع شعار
واللي يمنعنه نسحكه تدري بينه الك انصار
ساعة الجد لو لفت حتى جاهلنه يغار
اننفذ الكلمة الكلتهه الموت أولى من العار
,,,,,,
والشهادة انخط اسمهه........كربلا انزين رسمهه
انشَوِفْ العالم أجر ممشاهه
اليوم نكصد كربلا اوننعاهه*****انواسي زينب والسبايا اوياهه
نسألكم الدعاء
خادم أهل البيت(ع) زاهر المعموري
بيرث -استراليا 2011م
|
| توقيع زاهر المعموري |
هزني هوة أهل البيت(ع)كل حيله خلاني
أكتب لهم أفراح وأحزان سواني
|
|
آخر تعديل بواسطة جارية العترة ، 20-Jan-2011 الساعة 01:07 PM.
|
|
|
|
|
