[سامي الكعبي]

علمنه الزمن نتبع اثر لحسين
ولانهمل جرح ثارات تتردد
نشوفه ضريح ينزف من رزايه البين
ولجمات الحوافر بيك تتعدد
صعدت عله المنايه جبال ابدمتلين
ولاحفرة ذليل بهالحفر ترتد
صحت هيهات للذله وحملت اثنين
كتاب الله والعتره بقلب تنشد
كطعوا هالنحر زمرة شياطين
لان صرحك عداله ورايتك مسند
ولان جدك محمد سيد الكونين
للباري اصطفاه وظل صرح يشهد
ولان كيد السقيفه وهالدواوين
اشخلف جم شمر جم طاغيه وملحد
اذا ندرس مصابك بالمضامين
الجواب ايصيح شبل وعالثرى موسد
مضمونك حصيله واثمرت جفين
ومعبارك سفينه بهالجزر والمد
ذبحوك الردى ودمك صراط الدين
لان حيدر ابوك الانزع الامجد
وموذنب السيوف الذبحتك ياحسين
بس ذنب الايادي الكافره التلحد
تطوي عله الرمل طعن السكاكين
وتكطع كل نفس شهكات تتخلد
علي القران خلد هالعناوين
من علم وركن للدين ظل مكصد
اذا بيوم الولاده وهالنياشين
انفتح بيك الجدار وهيبتك تشهد
الكعبه اتفاخرت رادت قرابين
لان فخر الجلاله بمولدك ورد
بحضن صلب الرساله وهالميامين
لابن خير البريه بهالنسب تمتد
يافي الرسول وترجمان الدين
يالذايب حزن لوعات ماتبرد
سافرت بركب مالت اراضين
اثر ضعن الفواطم للنبي المكصد
اشد رحلات هامت من احد وحنين
وفقارك تعنه بهالثرى ويحصد
سيف اعله الرقاب امحضر اسنين
وينطر ساعته وللسوح يتوعد
الحناجر صعدت وماتت شرايين
وبرزت من الصفوف وقائمك يرعد
من بدر واحزاب مالت هالموازين
وجبت راس الوليد وكنطرت بن ود
وطبرتك اضحت وشهدت ميادين
من برز مرحب شطرته بطبرتك اجود
حمل هالراس ارعب هالسلاطين
ورفع بابك ياخيبر ظل جسر يشهد
علي السيف اليحوم وما يهاب البين
علي الحامل صفات المصطفه الاحمد
بدت رحلات ابن طيب ورياحين
تمهد للوصيه بهالكرم تعضد
رسول الله كريم بهالقوانين
وعكب حج الوداع اشقرر وانشد
نزل جبريل رفرف بالجناحين
يحمل للنبي التبليغ والمكصد
عله مفرك طرق كتبت عناوين
اسم تربة غديرك ياعلي الامجد
رفع صرحه الرسول بهالذراعين
وبياض الآبط بان وهالعهد جدد
نص الخطاب اتضح ماحاجه للتبين
وعيون شافت امس ذاك الحكم ردد
واسرار هالمكرمه من الباري هالتعيين
لكن تامرهم مكيده ودوم مايرتد
دنت ليك المنايه اتلاطمت صوبين
ودفع سيف ودرع للمرتضه يجدد
اثر فكدك تمايل كل سمع كل عين
ولاضلت ذمم درب الغدر حدد
وانت الما ملت تثمر بساتين
لان بابك كرم للناس ماينسد
زهدت بهالثرى وحولك ثعابين
وعله اعتاب الصبر اهات ماتنعد
وطبع بيك التسامح من تدير العين
ولا تعرف حقد حاشاك ماتحقد
حفرت ابار حزنك للمساكين
وصرت خيمة يتامه وللفقر تطرد
علي كوخ الفقير وسوره من طين
يلم عوز اليتامه بخبزته ويحمد
قرب يومك امير بهالبراهين
والاماره بذمتك من هالقدم وابعد
خمس سنين حكمك والدرب لاوين
لاراحه الشفت حملات تتعدد
من نهروان وجمل صاحت ميادين
وتزداد الفتن نيران ماتخمد
وماننسه الوصي برحلة حرب صفين
ورحلاتك فداء وغربتك تشتد
مشت رحلات صبرك ياعمود الدين
عله وسام الشهاده بهالنحر قلد
واذا مات المجد هاجت براكين
يظل طبعك سفينه وعصمتك تمتد
جمعت نور الامامه وعالدرب ماشين
نتبع خطوتك للمهدي نتوعد
-*-**-*-*-*-*-*-*-*-*-*-*-*-*-*-*-
20-11-2010الكعبي

[جارية العترة]

علمنه الزمن نتبع اثر لحسين
ولانهمل جرح ثارات تتردد
نشوفه ضريح ينزف من رزايه البين


صح لسانكم
هاهي الوفود المليونية تزحف نحو كربلاءسيرا على الاقدام لم يثنيها الارهاب ولم يرعبها القتل والتقتيل الجماعي
على يد التكفيرين ومن وراءهم
انه الولاء المطلق لرسول الله اوصياؤه المعصومين صلواتالله عليهم ابد الدهر من اول الدنيا الى فنائها ومن الاخرة الى بقائها
اهلا بالاخ الفاضل سامي الكعبي ننتظر جديدكم وأعظم الله اجوركم باستشهاد ثامن الائمة