[مريومة]

اللهم صل ِ على محمد وآل محمد وعجل فرجهم


السلام عليكم ورحمة الله وبركاته

أرجو تفسير حلمي

حلمت في يوم وفاة الإمام زين العابدين يعني قبل عشرة تقريبا من اليوم ...

كأني في مكان مكشوف وفي نساء يرتدون السواد
وكان جنب هذا المكان ضريح وفوقه قبة وفي أعلام لونها أسود وأعلام ثانيه لونها أخضر
اللي لونها أخضر مكتوب داخلها كلام لكني مو ذاكره شنو الكلام بالضبط
وكنت جالسه جنب وحده على يسارها وشوي جابوا نعش وحطوه بين الحريم مر في خاطري إن نعش الإمام موسى بن جعفر الكاظم شوي سمعت وحده من الموجودات تقول إن هذا نعش الكاظم سوو مجال استغربت لأن اليوم وفاة الإمام زين العابدين كيف جايبين نعش الإمام الكاظم ؟..
وبدى اللطم و النعش كان قريب مني وقمت بروح جهه ثانيه لأن جات وحده تبي تجلس عند النعش قالت لي هذي اللي كنت على يسارها تعالي هنا وجلستني على يمينها كأنها ما تبيني أروح بعيد عنها ماكنت أعرف ولا وحده منهم
المهم جلست أعزي معاهم وأذكر كانوا يكررون نور من بيت فاطمة وكنت أردد معاهم نور من بيت فاطمة وأعزي والعيون كلها ع القبه
كنت أطالع القبه والأعلام وأقول يعني هذا بيت الزهراء ؟ او هذا ضريح العباس ؟
ومنو في داخل الإمام الحجه ؟
وصحيت من النوم


واليوم حلمت
كأن رحاتي العلويه اللي في الجهة اليسرى فيها خيط أسود ومضايقني وحاولت أطلعه من بين أسناني بالقوة طلع وطاحت معاه رحاتي وصار الدم يسيل بكثرة وأنا ضاغطه عليه بالمنديل والمنديل تعبى وهو مو واقف ..

</b></i>

[سيد جلال الحسيني]

اللهم صل على محمد واله وعجل فرجهم
ان شاء الله خير