[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين


مانعرف بينه شيصير = لوزرناه
والله اليعلم لوگـبرچ = شاهدناه
أعله أعتابه قبل لنفوت ـــــ جائزمن لهفتنه أنموت
يازهراء يازهراء


أذا ليله بحياتي أنساچ = ما أحسبهه من عمري
وسطرعيني كون أسمچ = يمر والعين ماتجري
يمن يومچ ترك جمره = بين اضلوعنه وتسري
يمن لاكـبه لاشـباچ = وكبـرچ وين ماندري
وماتقبل هالعين أتنام = كل ليله
الى الدمــع عالخدين = اتسيله
من يمر أسم البضعه ــــــ عودناهه أتهل دمعه
يازهراء يازهراء



ابوســط محاره يادره = ومكنونه أبحر واسع
حتى انزوره كل ليله = ومن عدنه الكلب خاشع
رضينه أنعيش بالأحلام = حتى انشوفه ونطالع
لأن بس بالحلم شـفناه = منظر گبرچ الضايع
من البچي نعمي العين = لوشفناه
ولو نندله ويـن يصـير= نتعناه
مانمشي نزحفله أزحوف ـــــــ وموبالچف نلطم بسيوف
يازهراء يازهراء

وعله أغياب القـبر تدرين = يمظلومـه اليصبرنه
أذا گــبرچ علينه ضــاع = نلگـاچ ابمجالسنه
بس يبقى الحــزن بينه = لأن گـبرچ نريده احنه
نريد انطوفـــــه ونادي = يحسين ابضمايرنه
لوهل اهلاله عاشور = بالويلاه
انصيح يازهره حسين = ماننساه
ولمن نذكر احنه حسين ــــــــ أنسمعچ ويانه اتنادين
يازهراء يازهراء

كلب كل شيعي بالحسره = ويزهره ينعصر بالآه
وتلطم خـده دمعاته = من أسمچ يمر طـرواه
حسرة گبرچ الضايع = نترجمهه أبدمعنه أهناه
نـخاف أيامنه تكظي = وگبرچ أحنه مازرناه
بين اليقضه والأحـــلام = ضيعناه
جنه ومن روض الفردوس = أرسمناه
عطره أطيب من الريحان ـــــــ وخدامه حور ولدان
يازهراء يازهراء

قبل لاينوجد هالـكون = وبيدچ سبـحة الغفران
بقعودچ صوتچ يمجــد = بقيامچ ترفعين أذان
مثل ماســجدت الأملاك = وأدم للنبي العدنان
أنس وجان الچ سجدت = بأمر الواحد الديـان
حتى أبكلمة التوحيد = أشطبتي ألا
اللهُ أنتــــه ربي = أنتى الله
خيرة نساء الكونين ـــــ أم الحسن وام حسين
يازهراء يازهراء

قطب بيت الرساله انتي = ونور الله في أرضه
نظل اعله القبر نسئل = وذهب مانطلب وفضه
حتى لو بلا بنيان =أبگــبرچ هم تره نرضه
نشوفه نريد بس بالعين = ونشم أترابه لو لحظه
لوندري أنزوره ونموت = نمشيله
يم گبرچ نلـطم انريد= بس ليله
وبترابه انعفر الخدين ـــــــ ونصب كل دمعات العين
يازهراء يازهراء

لأن مظلومه مهضومه = رحتي والضلع مكسور
ولأن بيت الحزن لسه = دمعج بي يظل يفور
قبلتي ينخفي كبرج = عن اهل الظلم والجـور
حتى الي كسر ضلعج = الكبرج مايجي ويزور
عن عين أبليس وجنده = ضيعتيه
لأن الباري يسامح = أليكصد ليه
ونتاني المهدي الموعود ـــــــــ ياخذنه الكبرج ويعود
يازهراء يازهراء


أختي الجبيبة ثم أهتديت

اجدت حقاً باختيارك لهذا الموضوع

لكن مني خالص الدعاء لنا ولكم بشفاعة أم الحسنين يوم الفزع الأكبر

نسألكم الدعاء لنا ولوالدينا