[منتظرة المهدي]

يا دائم الفضل على البرية
يا باسط اليدين بالعطية
يا صاحب المواهب السنية
صلى على محمد وآل محمد
خير الورى سجية
وغفر لنا ياذا العلى في هذه العشية

يــــــــــــــــــا محمد يــــــــــــــــــا رسول الله

يالباري ظلت تنحب سمائك و الليلة نزلت كل أنبيائك

يارب حبيبك مات ما أعظم المأسات

*****

عبيدك احنه ياالجلت صفاتك بالربوبيه

نناجيك بدمع يرسم مناجات العبوديه

حبيبك هذا يالخالق محمد ما سطع ضيه

اختفت هالليله أنوراه و صحيفة عمره مطويه

ياربي دفنوا جسم العداله و الفقده ناحت روح الرسالة

بالحسره و الآهات ما أعظم المأسات

****

الرسل و الأنبياء اليوم نزلت من سماواتك

و الحروف السماويه تحن و اتعزي آياتك

حبيبك هذا هالمفقود و المأسات مأساتك

محمد هذا مبعوثك خلقته من لطف ذاتك

عالهادي صلي و سلم و بارك كل مرسلينك نزلت تشارك

و اتشيعه بعبرات ما أعظم المأسات

***

الرسل دفنوا جسم طاها حبيبك و الد الزهره

عقب ما تمموا دفنه السمائك صعدوا بحسره

كئيبة الدنيه من بعده و تهل عبره بأثر عبره

تنوح إعله النبي تاره و تحن تاره عله العتره

بغيبة رسولك ياربي اشهد مظلومة أمست عترة محمد

باللوعه حيدر بات ما أعظم المأسات

***

حبيبك من قضه نحبه ترك بعده الوصي حيدر

وجوده العروة الوثقى التمسك بيها ما يخسر

علي و لو ما علي بسيفه يحطم قلعة المنكر

ما جان اعتمر هالدين و لا شرع العدل يظهر

ليش اليعمر سور الدنيانه اتخونه و تحيطه اجيوش الخيانه

و اتساوره النكبات ما أعظم المأسات

****

رسولك يا إله الكون محمد خاطب الاصحاب

مدينة للعلم آنه و حيدر للمدينه باب

مثل ما أنزلت يارب عله الهادي الرسول اكتاب

علي قرآنك الناطق و ينطي الكل اجواب

كلمن يخالف حيدر وليك لا شك يخالف سيرة نبيك

و الينكر الآيات ما أعظم المأسات

****

يخلاق العرش اشهد بصوت من القلب ناديت

مسلم آنه ياربي و بنهج الرسول امشيت

و بايعت الوصي الكرار و اتمسكت بهل البيت

عله كل محنه صابتهم بجيت و دمعي دم هليت

بكل مأتم أحضر هتافي بدموعي هاي القوافي

و أرسمها بالدمعات ما أعظم المأسات

[khadija]

أقول والدمـــع من عـينيّ منسجــــمُ
لمّا رأيــــت جــدار الـقبـرِ يُستَلـــــمُ

والناسُ يغـشـونه باكٍ ومـنقـطـــــــعٌ
مـن الـمهـابـة أو داعٍ فـــــــــملتـزمُ

فما تمالكت أن نــــــــاديتُ من حَرَقٍ
في الصدر كادت له الاَحشاء تضطرمُ

( يا خير من دُفنت في القاع أعظمــه
فـطـاب من طيـبهـن القاع والاَكــــــمُ

نفسي الفداء لقبــرٍ أنـت ساكنــــــــه
فيـه العـفاف وفيـه الجود والكــــرمُ )

وفيه شمس التقى والدين قد غربــــت
من بعـد ما أشرقت من نورها الظُــلُم

حاشا لوجهك أن يبلى وقـد هُدِيَـــــتْ
في الشـرق والغرب من أنواره الاَممُ

وأن تمـسّك أيدي الـترب لامســــــــةً
وأنـت بيـن السمـاوات العلى علـــــمُ

لئـن رأينـاه قبـراً إنّ باطـنـــــــــــــه
لروضة من رياض الخـلد تبـتســــــمُ

طـافه به مـن نـواحيــه ملائكـــــــــةٌ
تغـــشـاه في كـل يوم مـا يـوم تزدحـمُ

لـو كنـت أبـصرته حيـاً لقــلت لــــه
لا تمشي إلاّ على خـدي لك القـــــدمُ


أحمد بن عبدالعزيز بن محمد المقدسي

[الزيزفونة]

اللهم صل على محمد وآل محمد وعجل فرجهم

عله امصيبة رسول الله الكلب مجمر و من بين المحاجر دمع يتنثر

مدامعكم يشيعه حين تتفجر تواسي ادموع عين المرتضه حيدر

ابغيبة محمد دمعتنه تشهد

بجفن دامي إجينه

***

لون رحتوا يشيعه للنبي و كَبره تشوفها كَبلكم حاضره الزهره

عليكم واجب اتواسوها بالعبره بحال الزهره بس رب العرش أدره

و اتشاركوها بلوعة أبوها

و تعينون الحزينه

***

يا شيعة علي يا شيعه يا أطياب الليله نور أبو إبراهيم عنكم غاب

كَبلكم حضر يم الكبر داحي الباب حزين و فوك راسه ظل يهيل اتراب

بجمرة عذابه و دمعة مصابه

علي اينوح بونينه

***

كَبر سيد الأنام و شافع الأمه مو بس فاطمه مو بس علي يمه

الليله الرسل كلها اهناك ملتمه و الأملاك كلمن سارح بهمه

يا شيعه و احنه بلوعتنه صحنه

الحزن واجب علينه

***

يا شيعة علينه الحزن واجب صار سبحانه الجمع بينه الدمع و النار

يشيعه اشلون ننسه امصيبة المختار مصيبه الفجرت دمع الوصي الكرار

و احنه انجمعنه الجمره و دمعنه

و تدور المحنه بينه

***

يا شيعه الصخر من هالمصيبه ايذوب ونين و نوح من كل جانب و كل صوب

دمعنه بدمع جفن المرتضه مصحوب كَلبنه مثل كلب أم الحسن منشوب

و نار النوايح بين الجوانح

لون متنه ارتضينه

أحسنتِ أختي منتظرة المهدي
وفي ميزان حسناتك
ودمتي بتوفيق الله

[منتظرة المهدي]

دايم الفضل على البرية
يا با سط اليدين بالعطية
يا صاحب المواهب السنية
صلى على محمد وآل محمد
خير الورى سجية
وغفر لنا ياذا العى في هذه العشية ..



نورتوا صفحتي أخواتي

خديجة و الزيزفونة

رزقكم الله زيارته في الدنيا
وفي الأخرة تحشر في زمرتهم

إلهي با لرسول نور قبر من زار صفحتي بنوره