[الامين]

دكات الزمن يحسين اذني
وسنين الالم يبنمي لاوني

يلاوني المصايب ولتوي وياهن
وكولن كوم يبنمي وتلكاهن
وحيدة والحرم شمر التولاهن
دكات الوكت يبنمي هدني

تون كامت مثل ون الحمام تون
تجري دموع بلجن ترجع انت الهن
سياط الكوم ماخلت كتر منهن
سياط الكوم فوك متوني يجوني
يجوني السياط وصحت يازهرة
شوفي حسين واكع يمي عل غبرة
وحيدة بغربة يمي بس اجر حسرة
واجن يمي الحرم كامن ينشدني

تنشدني الرباب علل طفل وينه
ورملة تصيح شاب وخلصت سنينه
تجري دموع منهن ونكطع بينه
اصبرهن يخويه وهم يصبرني

يصبرني بزمان الاثر بحالي
وغيرك يل اخو منهو الي يبرالي
من شحت علي الدنيا بالوالي
والوالي الشمر صار ويكومني

يكومني الشمر ياخوية للكوفه
البيها جان خدري محد يشوفه
يجرني بالحبل يحسين مجتوفه
بشوارعها اطوف ميسره لني

لني بمجلس ابن زياد وي الناس
لايمي عشيرة وهيبة العباس
يشتمني بلسانه وما اطخ الراس
لن السان حيدر خويه يلهمني

يلهمني بجالس كمت اطب ليهن
وحجي يل اخو وي اليحاجيهن
حرم ويتام كلي شلون احاميهن
لاواحد يخوي بغربه ذب عني

يذب عني النظر ياخويه برض الشام
وعيون الشماته تنظر الايتام
لكضي الليل خويه بالبجي وآلام
ويام الغرب ياخوية سلني

سلني وصيحا ياعظم بلواي
طر باب الكبر ياخوية وحجي وياي
اجينه من اليسر نار وتشب بحشاي
تلكانه التعبنه والكبر سني

طر باب الكبر ياخوية وخذ الراس
حتى نكوم كلنه ونكصد العباس
اخاف ام البنين التسأل من الناس
عليك ويل كمر ياخويه تسألني

بقلم
الامين

[الامين]

لسلام عليكم اهل بيت النوبة ومعدن الرسالة ومختلف الملائكة
السلام على الحسين وعلى علي بن الحسين وعلى اولاد الحسين
وعلى اصحاب الحسين
السلام عليك يا ابا الفضل العباس ابن امير المؤمنين

[جارية العترة]

إن لقتل الحسين حرارة في قلوب المؤمنين لا تبرد أبدا
اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ.


دكات الزمن يحسين اذني
وسنين الالم يبنمي لاوني

السلام على العقيلة الهاشمية
الف شكر لك اخي الامين على هذا العطاء الولائي ننتظر جديدك واجرك على الله

[الامين]

الجارية
جزاك الله كل خير لمرورك الكريم