[اسمي من صفاتي]

انت اسمك ياعلي يعني الكتاب ......والكتاب اباسمك ايضل معتلـــــــــي

علي للسائل صرت انت الجواب ....... وانت بالقرءان يا حيدر علــــــي

***********

انت جوهر ياعلي ومن الجنان ..... وانت كوثر تروي بيه الضامــــي

يعني شخصك هو كل معنى الحنان ....... وانت للمؤمن شفيع وحامي

***************

بت اسد ماجابتك يوم المخاض ...............ياعلي الطلكت الكعبة وجابتك

وجانت امك بالوصل حبل الغذاء ............ والحجر جان المشيمة الغذتك

***********

بحر علمك بحر ميغوصة انس وجان ... ويالعلمك بحر علم النبي ودينة

ومشهودة الك ايات بالقرءان ... والايات شهدت انـــــــــــــــــــت والينة

*****************

انت اسمك يا علي يعني الصراط ......... والصراط اباسمك يضل مستقيم

الها لسبب كلمن يقرلك بالـــــولاء .......... يعبر بحبـــــك يحيدر للنعيــــم

****************

احمـــــــــــدي الله يكعبة صار الج جدران ...... وبطولج بقيتي واحلى صرتي اكثر

من امر الجليل وغايه اله تبقين ..... . لولا الغاية صرتــــــــــــــــــــي اتراب يطشر

من يـــــــــوم الاجة فيل ابرهـــــــــة لليوم ...... صار الفيـــــــــل بالخطوات يتعثر

على اترابج تمرغل والجسد مشلول ..... ونفــــــوس الــــــــــــــــي اجت وياه تتدثر

بطيـــــــور السما الوداهه رب الكون ...... ابابيل وحجر من امرة الـــــــــــج مطر

وسورج خالق الاكوان لو يحمي ....... مـــــــــــــــــو لجلج حماه وصار هالمظهر

تفاجئتي وتعجبتي علـــــــــــى الي صار ...... وتوقعتـــــــي الج يا كعبة هالمنظر

راد الباري تبقين الهذاك الــــــــــيوم ...... لان يدري تجيلــج بت اســــــد تحضر

ربج غايتة خطاها بالاقـــــدار ...... يلم الدين كلـــــــــــــــــــــــــــة بهالرحم قدر

من الله المشيئه وصرتي الة تزهين ...... يريدة اسلاح للمختار الة صـــــــــــــور

واختار الاسم من اجمل الاسماء ...... كولي اشلون ربج لـــــــــــــــــو خلق جوهر

جمال الخالق اتصور ببوالحسنين ...... ابن عم النبــــــــــــــــي واختارة هالمصدر

واجتج بت اسد وياها حور العين ...... تريد اتشوف وجه الدين والكـــــــــــــــــــوثر

وامر بمرة الجليل اعليها تبقــــــــــــى ادور ...... ملائكت القدير والـــــــــه تتحضر

وبيوم المخاض انبهرت الاكـــــــــــــــوان ......من شافن جدارالكعبه يتفــــــــــــطر

ياكعبة الجدار من انشطر نصين ....... صرختي بصوت عالي وصحتي ياحيــــدر

هلة بجيتك يبو الحسنين سيف الدين ........ ومن كثر الفرح ركـــــــــن الهدى اتنور

ونزل حيدر علـــــي عالامة شع النور ....... وطــــــــــــــــه بهالولادة اتبشر وكبر

يكله ياهله بحيدر علي الكرار ....... هلة بنافـــــــــي الكفر واصنام اهـــــــل الشر

وانتي بهالشرف ياكعبة تتنورين ...... لان بيج انــــــــــــــــــولد خير العمل واطهر

*********

خادم اهل البيت

احمـــــــــــد رفيش

*************

[جارية العترة]

اقتباس انت اسمك ياعلي يعني الكتاب ......والكتاب اباسمك ايضل معتلـــــــــي

اقتباس انت اسمك يا علي يعني الصراط ......... والصراط اباسمك يضل مستقيم الها لسبب كلمن يقرلك بالـــــولاء .......... يعبر بحبـــــك يحيدر للنعيــــم

اللهم اجعلنا من الفائزين بولاية امير المؤنين

شكر للشاعر صاحب الابيات الرائعة جعل الله سيد الاوصياء شفيعه وشفيعنا جميعا

[اسمي من صفاتي]

اختي الفاضلة
شكرا لمرورك الكريم هذا واسال الله ان يرزقنا واياكم شفاعة امير المؤمنين ........... تحياتي

[منتظرة المهدي]

اقتباس انت جوهر ياعلي ومن الجنان ..... وانت كوثر تروي بيه الضامــــي يعني شخصك هو كل معنى الحنان ....... وانت للمؤمن شفيع وحامي

[اسمي من صفاتي]

شكرا لمرورك اختي منتظرة المهدي عج ...... نسال الله العلي القدير ان يجعلنا من انصاره بحق محمد وال محمد ............... تحياتي