الك رايات ثبتت سيدي الهالنــــاس والك دمعات يامظلوم ماتنشــــف
ويضل تاريخك انه يجدد الآهـــــــــات وتاريخ الزمن بس بيكم اتشــــرف
وجم مر اليمرنة انجرعة بالحســـرات بيه احنة بذكركم نقوة ما نضعــف
وغصنه بحور بيها من الالم والجــــور لان شيعة وعلى حبكم زمنة التـف
لكن نصرخ بذكر النبـــــي والــــــه من صوت الصلا هم الزمن يتلــف
************************************************** ************
اريد اسال زمان الضيم بالاهــــــــات ليش يمر على الطيبين دون احساس
ليــــش يمـــر عليهــــم بالقهر والاه وليـــش يفرق بهالدنيا نــاس وناس
يعز ناس الترافة يصير بيهم طيــــف ويذم ناس الفقر هم شيب الها الراس
ويشب نارة ويذبها ويحرك اهل الذات ويقلع كل جبل بهمومة من السـاس
لذلك نمتعن لاعمار اهـــــل الطيــب نلكاها بقهر وموشل الهــا الكــــاس
وياريته يذب همة علينـــــه بـــــراي ميذبة بسهم ذبة علينه ابفــــــاس
شيعة حيـــدر الكـــــرار معروفيــــن تلكة بكل كلب مابـــــي الم ينقاس
من يوم البدا وي حسين ابو السجاد ومن يوم الغدر اوفة البشـــــر عبــاس
بقلم الشاعر
احمـــد رفيــــــش
لان شيعة ؟..... للشاعر احمد رفيش
