[اسمي من صفاتي]

ريتك لو شربت المـــاي ياعبـــاس يوم الاسرت بجفـــوفك الجرفيـــــــن
شمرتة من ايدك انت اشلون يامولاي وذبيته لان اذكرت جبــــد حســــين
مايحتاج اخوك حسين أي اثبـــات يعرف خوتك موثوقة كلــش زيـــــن
يعني لو رويت ضماك يا عباس شتضن اعداك ذاك اليـــوم مخلوقين
يعني لو رويت ضماك يامظلوم يوكف هالزمن ويتيـــــه دربة منيـن
مو بيدك يبو فاضل تهد افلاك وتكلب كربلة وترجع حرب صفيــــــن
مو بيدك تزيح اجبال فوك الكاع وجـــــــا طاحت الدنية اتلوذ بالجفين
ريتك لو رويت احشاك ذاك اليوم جــــــــــا محد نحب ويكول عطشانين
وجان حسين اصلا مابقة ضامـــي ولا صارت فجيعة ولا يصوبة البيـــــن
ولا يكرب لعند خيامك اهل الجـور ولاتسمع نحيب اطفال منهـــــا ونين
ريتك لو شربت الماي يا عبــــــاس حتـــــــى الحرة زينب بالامان اتحين
ولايبقى اسم لجيوش امية وصيت ولايبقى يزيد الاســــــمة كــــل تعيين
ريتك لو شربت المـــاي ياعبــــاس مو بفراح ضل طـــول الدهر هالديــــن
مو اعراس جاصار بشــــهر عاشور وتضل افراح ايامـــــة شتدور اســــنين
يعني الماي لو مرة يمر بحشــــاك جا صاح الفلك وينك يبو الحســـــنيـن
وينك يا علــــي شاهد كمر عدنان شـــككـ كربلة ودمرهــــا بالصوبيـــن
اعذرنــي يبو فاضل على المكتوب شك كلبي ضماك وهدني سهم العين
واعذر كلبي يا مولاي هذا اليوم نصرتوا الدين لكن ! وانتوا مذبـــوحين
يعني لو شربت الماي يا عباس ما يبقى حزن دوم احنة فرحــــــــانين

خادم اهل البيت

احمد رفيش