[عمار جبار خضير]

كل ارواحنه فدوه لأيمتنه
----------
كل ارواحنه للعتره ننطيها = مو دعوة لسان وقلقلت بيها
شيعتهم نظل ما همنه تاليها = لو كل البشر بالكون عادتنه
كل ارواحنه فدوه لأيمتنه
----------
عشـﮕناهم عشـﮓ ما ينوصف حاله = وبحبهم رضينه الموت وآجاله
سلام الله على الهادي النبي وآله = مصابيح الهدى وبيهم عقيدتنه
كل ارواحنه فدوه لأيمتنه
----------
الحياة بلا قيم من غير منهجهم = للحق للعدل مرفوعه دعوتهم
بس هم الشفاعه اطلبها من عدهم = باب المرحمه واصحاب نعمتنه
كل ارواحنه فدوه لأيمتنه
----------
كنوز المعرفه وبحر العلم والجود = حبل المغفره و من العرش ممدود
لولاهم ابد ما ﭼان النه وّجود = ولا شفنه الحياة وهيه شافتنه
كل ارواحنه فدوه لأيمتنه
----------
دعوة كل نبي آل النبي المختار = مثل وجهه الشمس منهم تشع انوار
تراتيل العشــﮔﮯ بوصافهم تحتار =بفنون الشعر صاروا قصيدتنه
كل ارواحنه فدوه لأيمتنه
----------
آنه من الازل واليت آل البيت =عفت كل البشر بس الهم تعنيت
ما ينفع عمل لو صمت لو صليت = اذا ما تعتقد بالعتره سادتنه
كل ارواحنه فدوه لأيمتنه
----------
من تــﭼبل علي يا صاحبي الصعبات = اصيحن يا علي يا كاشف الشدّات
ميخيب الذي ينخه ابو الحملات = وحب المرتضى اصبح هويتنه
كل ارواحنه فدوه لأيمتنه
----------
كل ارواحنه ننطيها للعتره = والغايه الـﭼبيره بساعة العسره
تحضرنه الزﭼيه فاطمه الزهره = بنت المصطفى وهيه شفيعتنه
كل ارواحنه فدوه لأيمتنه
----------
ولو ردنه الدليل القاطع البرهان = عابس هاك اخذ بالطف صبح عنوان
نزع حتى الدرع وتلاﮔه بالفر سان = واحنه ان شا الله بعابس طريقتنه
كل ارواحنه فدوه لأيمتنه
----------
شعر – عمار جبار خضير
2010

[mowalia_5]

بسم الله الرحمن الرحيم
الحمدالله رب العالمين والصلاة على محمد وآله الطاهرين واللعن الدائم على أعدائهم أجمعين ..


من تــﭼبل عليّ يا صاحبي الصعبات = أصيحن يا عليّ يا كاشف الشدّات
ميخيب الذي ينخه أبو الحملات = وحب المرتضى أصبح هويتنه

طيب الله أنفاسكم الولائية وعاشت هالأبيات المحمدية العلوية
ونترقب الجديد منكم دوووم

وحب المرتضى أصبح هويتنه


مأجووور أخونا عمّار

[عظيم الشوق]

طيب الله أنفاسك وأدآم عطائك

[منتظرة المهدي]

اللهم صل على محمد وآل محمد وعجل فرجهم واللعن عدوهم .

اقتباس عشـﮕناهم عشـﮓ ما ينوصف حاله = وبحبهم رضينه الموت وآجاله سلام الله على الهادي النبي وآله = مصابيح الهدى وبيهم عقيدتنه كل ارواحنه فدوه لأيمتنه

أحسنت وسلمت يمكنك العلوية على هذه الدرر
وطيب الله أنفاسك وحشرك الله في زمرتهم

[عمار جبار خضير]

اقتباس المشاركة الأصلية كتبت بواسطة mowalia_5 بسم الله الرحمن الرحيم الحمدالله رب العالمين والصلاة على محمد وآله الطاهرين واللعن الدائم على أعدائهم أجمعين .. من تــﭼبل عليّ يا صاحبي الصعبات = أصيحن يا عليّ يا كاشف الشدّات ميخيب الذي ينخه أبو الحملات = وحب المرتضى أصبح هويتنه طيب الله أنفاسكم الولائية وعاشت هالأبيات المحمدية العلوية ونترقب الجديد منكم دوووم وحب المرتضى أصبح هويتنه مأجووور أخونا عمّار

لكم من الشُكرِ أضعافاً يطوّق هذا الحضور
ويصافح حروف تعقيبكم المتوشحةِ بالنور
كل العرفان والإمتنان

[عمار جبار خضير]

اقتباس المشاركة الأصلية كتبت بواسطة عظيم الشوق طيب الله أنفاسك وأدآم عطائك

الشكرُالجزيل والثناء الجميــل
لطيبِ حضوركم المبارك
....
جُزيتم خيراً .. وأثابكم المولى
بِــ أضعافِ دعواتكم الراقية

[عمار جبار خضير]

اقتباس المشاركة الأصلية كتبت بواسطة منتظرة المهدي اللهم صل على محمد وآل محمد وعجل فرجهم واللعن عدوهم . أحسنت وسلمت يمكنك العلوية على هذه الدرر وطيب الله أنفاسك وحشرك الله في زمرتهم

تشرفت الكلمات بإن يكونَ لها بالآلِ وجوداً
وعلى اعتابِ انظارِ الموالينَ سجوداً

..........
مقدمكم شرفٌ لي ، أقلّده بالثناءوالدعاء

**