[خادم الجوادين]

الف الف رحمة ونور تنزل عليك يا ملا عبود الكرخي

من قبل 70 سنة كتب هاي القصيدة عن البرلمان

وليهسه ترهم

يا سبحان الله

كأنها مكتوبة اليوم





قيم الرگاع من هاي اللحه

اتشوفه هيبه وعنده لحيه امسرحه

يشتم ابلا خجل وبلا مستحه

من ايحس المقعد اشويه اندحچ

قيم الرگاع من ديرة عفچ

***

برلمان اهل المحابس والمدس

عگب ماچانوا يدورون الفلس

هسه هم يرتشي وهمّن يختلس

ولو نقص من راتبه سنت انعقچ

قيم الرگاع من ديرة عفچ

***

اتشوف واحدهم امعگل بالوقار

وبالاصل تاريخه اسود كله عار

ابضرف ثلث اسنين مليونير صار

ايريد عالوادم ايعبرله چلچ

قيم الرگاع من ديرة عفچ

***

گمت ما اعرف حماها امن الرجل

ياهو التكضه اهو ايمثل العدل

وگمنه نستورد الشلغم والفجل

لان كلها ضلت اتدور ودچ

قيم الرگاع من ديرة عفچ

***

والله ضيعنه الصدگ من الچذب

اتشوفه هيبه وحچيه المصفط عذب

ياخذك وايردك ابشرق وغرب

وبسچاچينه يدچك حيل دچ

قيم الرگاع من د يرة عفچ

***

حيل دوخني الحچي الماله ربط

وصار عندي سكر وحصبه وضغط

نفترش عاگول ونتغطه ابحسچ

قیم الرگاع من ديرة عفچ

***

گمت ما اميز الذيب امن الحمل

امنين ما التفت گلبي يشتعل

انه ما شايف شعب يتبع خبل

شاب راسي وتيهت كل السچچ

قيم الرگاع من ديرة عفچ

***

يا حكومتنه الرشيده ام الوقار

الفساد المالي عنوان الچ صار

ندري جابوكم ابدبابه وقطار

ليش ضليتوا سمچ ياكل سمچ

قيم الرگاع من ديرة عفچ

***

لازم انميز الزين امن الزلم

وننتخب كلمن شهم صاحب علم

ونرفض اللي يجي كل يوم ابفلم

من ايشوف المنصب اشويه اندرچ

قيم الرگاع من ديرة عفچ

[جارية العترة]

الاخ الفاضل قصيدة لاتحاكي الوضع العراقي فقط بل العربي ككل الا ماندر من نواب الشعب
طبعا كون لهجتي الام عراقيةفهمت القصيدة الرائعة المعاني

شكرا لكم اخي

[سليلة العترة]

اللهم صلي على محمد وآل محمد وعجل فرجهم واعن اعدائهم الى يوم الدين
كل الشكر اخي الفاضل حيدر حبيب
رحم الله الشاعر
كما قالت الأخت جارية القصيدة تحاكي الوضع العربي عموماً

اقتباس اتشوف واحدهم امعگل بالوقار وبالاصل تاريخه اسود كله عار ابضرف ثلث اسنين مليونير صار ايريد عالوادم ايعبرله چلچ قيم الرگاع من ديرة عفچ

وصفهم الشاعر بدقة