زينب تخاطب العباس (ع) :
1. خويه شودليلي احتار شعدها الخيل ملتمه
وروحي حست اباخطار جنها الكوم مهتمه
2. حيل الكلب ماضل بيه اشوف العيله مغتمه
ليله يم ولدها اتلوب سترك ربي وتشمه
3. ورمله حضنته الجسام اسمعتها اتكلفه ابعمه
اتكله اوليدي هذا اليوم ذخر ردتك لبو اليمه
4. جنها اوصية اموادع ودلالي كثر همه
يسبع الكنطره شرايك والدنيه غدة ضلمه
5. من كثرة كتايبها وهذا الجيش شيكحمه
بيهم ميت الف واكثر يخويه ومن يرد هالخيل
جواب العباس للعقيلة بعدماابتسم في وجهها:
6. يختي الميت الف شنهو عندي وانه ابن حيدر
شما زادوا بعد ولله وكتايبهم تجر تكثر
7. اخوج وماتهمني الخيل تشوفيني علي لوكر
لخلي الرايه والصارم من دم العدو ايكطر
8. واصير اعليهم الطاعون يختي وصدي للمنضر
وحك جدج وابوج احلف وحك الضلع اللتكسر
9. ابوجودي موش يوصلج عدو لو راد بس ينضر
اصب ماي العمه ابعينه ويضل طول الدهر يذكر
قصيده حواريه بين زينب واخيها العباس 
كانه في ليلة العاشر من محرم زينب ع تنضر الاالجيوش والكتائب والرايات تزحف لقتال الحسين ع فكانت هذه الصوره التي صورتها بمقطوعه شعريه عسى ان تنال رضاكم
تم تحرير القصيدة بواسطة محمد جمعه في تاريخ 28/11/2009 الساعة 5:06 مساءً
حوار بين زينب واخيها العباس عليهم السلام
