[سكوؤن]

السلام عليكم ورحمة الله وبركاته
اللهم صلِّ على محمد وآل محمد

اتمنى من السيد ان يلبي طلبي واجره وجزاءه على أهل البيت
الحلم مو لي إلى صديقتي وهذي الحلم كما كتبته لي هي بنفسها

كأن عمي علي مع زوجته الثانيه في سيارتهم ومعصب وبعدين نزل طاوله من سيارته وحطها وجانا
كنا جالسين انا وكوثر وكم وحده مو ذاكره مين بالضبط المهم جا
عصب على كوثر
يقول لها ليش تعاملين عيالي هذي المعامله شنو مسوي لك أنا
وبعدين راح سيارته مره ثانيه وكوثر حطت راسها على رجولها وهي دموعها على خدها من الصياح
وبعدين جاووني البزارين قالوا بتول متهاوشه لحقي عليها
بتول هذي بنت عمتي تروح رابع قلت لهم وينها
قالوا لي راحت بيت أهلك تدور اخوك ناصر بتكمل هواشها معاه
وقمت بروح لها الا نادوني في المطبخ كان في عماتي ومن ضمنهم عمتي أم بتول وأختي أم محمد وأمي
قلت لأم محمد شرايك أسأل عمتي عن بنتها يمكن تدري عنها وين
قالت لي خبله انتي تبينها تجلس تحاتي وتخاف وتمرض ولا يصير فيها شي لا تقولين لها
قلت لها اوك وبعدين
قالوا لي روحي أبوك يبيك ورحت له كان في غرفتهم يصلي
وانتظرته ليما خلص وشفته رافع ايدينه ويدعي وبعدين
قالي جيبي الورقه والقلم اللي على الكمدينه بكتب وصيتي ونفذوها بحذافيرها خلاص ماراح تشوفوني
عطيته اياهم وانا دموعي على خدي قلت له لا تقول كذا قالي بعد أمر الله شنو بيدينا نسوي
وبعدين أخذ ورقه وهو مبتسم ويقولي اخذي بس اقري هالأبيات اللي فرح (الأبيات كانت عن أهل البيت )
وفرحي ولا تصيحين انا زادت دموعي خلاص كنت أحس روحي بتطلع من كثر ما انا متضايقه من هذا الكلام وجلست من النوم

والسلام عليكم ورحمة الله وبركاته

[سيد جلال الحسيني]

في الشروط لا افسر الاحلام الطويلة لضيق الوقت فاعتذر جدا