اللهم صل على محمد
وآل محمد وعجل فرجهم والعن أعدائهم
بسم الله الرحمن الرحيم
اللهم صل ِ على محمد وآل محمد
السلام عليكم ورحمة الله وبركاته
أرجوك سيدنا فسر لي هذه الرؤيا كانت ليلة الاثنين قبل ليلة الاربعين بليلة
رأيت كأني حاظره مأتم حسيني وفي نساء وكنت جالسه وأتت إلي طفلة صغيره ولديها لطميه حابه تقرأها وقالت لي أبي أقرى هذي اللطميه قلت لها قولي لهم وكنت أقصد المطاوعه اللي يقرون
قالت لي لا ماراح يرضون انتي إذا عطوك المايك عشان تقرأين دعاء التوسل عطيني المايك وأقراها قلت لها إن شاء الله وانا مبتسمه لها وشكرتني وبعد كذا في احد من الاطفال اللي في نفس عمرها نادوها
وراحت لهم بره المأتم وقبل لا تروح لهم عطتني أوراق اللطميه وقالت لي برجع قلت لها طيب وإذا خلصوا وماجيتي قالت لي لا مابتأخر إن شاء الله بس بشوف شنو يبون وبجي انتظريني قلت لها لا تتأخرين قالت لي إن شاء الله وراحت بره شوي إلا خلصوا وبدوا يقولون ياوجيها ً عند الله اشفع لنا عند الله بصوت جماعي وبعدها عطوني المايك وقالوا لي ابدي دعاء التوسل
أخذت المايك وقلت لهم باخذ من وقتكم عشر داقايق بس من أجل نيل شفاعة الزهراء وحظورها
بقرأ ليكم هذا النعي اللي يحمل قصة وهي معجزة وبديت أقرأ ليهم البدايه قلت لهم هذا شخص يا علماء الجماعه الباقريه يسموهم يعلمهم عن معالم كربلاء
يقول زرنا الحسين وجينا للعباس
أخذت مجامع قلبي مرأه عراقيه معيونيه مسكينه لازمه سباش العباس شنو تقوله ؟
تقله هذا ولدي مشلول ماينمو ورحت للحسين عشرة أيام والحسين باب ويستجاب الدعاء تحت قبته لكن خيبني ماستجاب وهذا ولدي كما تراه ما تغير وانت بعد بواب الحسين وانت قاضي الجاجات واسمك باب الحوائج تقله إذا تردني يبو فاضل والله لآوخذ ولدي واروح لأبوكم علي في النجف واشكيكم عنده ولكن هاي القصه يكون ليها تكمله بهالابيات إن شاء الله
وبعد كل مقطوعه نصيح آه آه آه واعباساه كانت وحده من عماتي قدامي وقالت لي عشان نتراح شويه قلت ايه عشان نرتاح شويه نقول آه وبعدها بديت أقرأ البدايه
تقـــــــــووووول اني رحت لحسين ياعباس ودمعي بوجنتي بادي
وبعدها صحيت من النوم
...............................................
لكن أذكر اني في الحلم كنت امد كلمة تقووول أكثر حتى من مدي لها وانا اقراها
كان عندي نفس طويل
.................................................. .
الغريب في الأمر إني ليلة الثلاثاء ذهبت إلى الحسينيه لأنهم طلبوني للمشاركة في التشبيه وكنت في دور السبايا كنت أول مره أشارك معهم في التشبيه ولكن قبل كل شي المأتم بدأوه بقراءة دعاء التوسل وقلت في خاطري ممكن هذي الرؤيا كانت رساله لي إني اقرأ هذا النعي في هذي الليله وأيضا اللي معاي في التشبيه كانوا مستغربين إن المسؤولات عن المأتم بدأوه بدعاء التوسل العاده مايقرؤونه لأن طويل وماعدهم مجال وحتى لو بيقرؤونه يكون في الختام وليس البدايه
في النهاية استأذنت من المسؤوله عن القراءة وقالت لي إذا كان في مجال مو مشكله اقريه بعد مايخلص اللطم المهم بعد ماخلصت من قراءة اللطميات عطتني المايك وبديت أقرأ النعي لكن من بعد اول مقطع وهي تقولي بس خلاص أحسنتي وماسكتت لكني كملت ما أبغى أقطع النعي وخاصه إن الحضور كانوا متفاعلات ويبكون بحرقة لأن كلمات النعي مؤثره كثير لكن مع الأسف بعد ما قرأت المقطع هذا
إذا ردني أبو الحسنين للطلم بايدي ع الخدين والله لروح الروضه يا عباس لعد مكسورة الظلعين .. إذا ردني أبو الحسنين للطم بايدي ع الخدين والله لاروح الروضه ياعباس لعد مكسورة الظلعين واقلها قعدي يا أم حسين ترى ردني البطل وحسين يازهرا أني لا عباس جاوبني ولا حسين التفت ليا آه آه آه واعباساه ,,
بعد هذا المقطع ماقدرت أكمل وانا اسمعها تقولي بس خلاص وقفت النعي واطالع الورقه قدامي ابغى أكمل لكن أحس اني مو مركزه ع اللي مكتوب التفت ليها وقلت ماعليه خليني أكمل ماباقي شي قالت لي لا نتأخر ومافي وقت الحين باقي النخوة عطيتها المايك وطلعت من المكان وانا كان خاطري اكمل وتضايقت كثير يوم رجعت البيت تقولي زوجة اخوي ان المسؤوله تطلب مني أسامحها لأن ماخلتني أكمل وماكان ودها تكسر خاطري قلت لها حصل خير لكن لما جلست بيني وبين نفسي قلت يمكن الرؤيا هذي لها علاقة باللي صار ولا كيف كنت مركزه من البدايه وما تشتت تركيزي إلا بعد ماقرأت المقطع الخاص بالزهراء
وقلت في تفسي أنا مسامحتها لكن هل أهل البيت والعباس وأم البنين والسيدة زينب عليهم أفضل الصلاة والسلام مسامحيني لأني ماكملت وكان المفروض أكمل النعي ؟
الله يخليك ويحميك سيدنا فسر لي
