[مرتضى]

عيسى ينادي الكرار *** ما الأمر يا حامي الجار
الكون كبر ***** لهفي لحيدر
....................
يحيدر نادى بن مريم اشوفن وجهك تغير
عجيبة ويا أسد غالب يبو الحسنين تتكدر
تغير من مرار الهم تــكدر خاطرك حيدر
تغسل فاطم بــدمعك بقيت أعليها تتحسر
للحسرة ضجت لملاك *** واللوح ينوح اتعناك
جدمة يتعثر ***** لهفي لحيدر
....................
مثل همك جره عليه حزن ليل العلي غيم
بدي الغسلت أمي ورجعت أبحزني ويه الهم
لون تنحب فلا ألومك عليها وكلبك اليغتم
لان أم النبي الهادي ولاهي أم عيسى بن مريم
حسرات ألك من حسرات *** ممزوجه ويه الآهات
كلبي تكدر ***** لهفي لحيدر
....................
يعيسى ينادي مو مثلي الجراك بالغسل أهون
لون شفت الذي شفته ابـــد مــا بطليت ألون
يعيسى وبالغسل صدك شفت صدر الذي أتسحن
شفت عالخد اثر سطره ودموعي أعلى الوجن كتن
تعذرني يا عيسى بهاي *** ما شفت شوفة عيناي
عيسى تفجر ***** لهفي لحيدر
....................
هوه فوك الكسر كلبي أبهمومه أيعالج اصوابة
بعدني أبحزن أبو ألزهره الآوي ويلهب أمصابة
كتب لوعة ومصاب وهم فــــــــلا مكتوبة بكتابة
وداع ألي بعد وكتـــــه حبيب أيـــــودع احبابة
فاطم تجالب بالويل *** واتهدم من عدها الحيل
والوحي اغبر ***** لهفي لحيدر
....................
مصيبة حيدر أبهمه مثل كسر الضلع صارت
حنه فوك الأرض ظهره وآهاته أبألم جارت
تهشم حال أبو أليمه ومسامير الدهر دارت
سكط مثل الجنين الطاح وركان السمه انهارت
ول يا حال الكون ايلوع *** للزهرة لو للمفجوع
لكن تحسر ***** لهفي لحيدر
....................
دمع وجه السمه أبحسره لمن شاف الوصي وحاله
عجيبة شكد صبر شايل يــــــــهدِّم كونه واجباله
يأ شباه الـــزلم وسفه صفت للباطل أبطالـــــه
لان شافتــــك امجتف وصـــــية الهادي لرجاله
لوما وصاك المختار *** لا تشهر سيف البتار
ولدينك اصبر ***** لهفي لحيدر

[جارية العترة]

يحيدر نادى بن مريم اشوفن وجهك تغير
عجيبة ويا أسد غالب يبو الحسنين تتكدر
تغير من مرار الهم تــكدر خاطرك حيدر
تغسل فاطم بــدمعك بقيت أعليها تتحسر
للحسرة ضجت لملاك *** واللوح ينوح اتعناك
جدمة يتعثر ***** لهفي لحيدر

عظم الله اجركم باستشهاد ام أبيها صلوات الله عليها

اقتباس يأ شباه الـــزلم وسفه صفت للباطل أبطالـــــه

طيب الله انفاسكم
أشباه الرجال ولارجال اضحت صورة الابطال ............لكنها خيال ختى انها ليست صورة
ولولا صبرك سيدي ياعلي صلوات الله عليك بامر المختار انه الايثارلرضى الجبار
لعن الله من آذى بضعة المختار ووصيه وذريته صلوات الله عليهم
شكرا للاخ الفاضل السيد مرتضى ننتظر جديكم