[عدنان الحمامي]

وفاة الحسن المجتبى ع =========
+++++++++++++++
يعباس الحسن نعشه رموه بسهام -- أبغمده اشلون سيفك ياوسافه اينام

--


سيفك بالغمد ياوسفه نام شلون -- وتنظر للسهام اعله النعش يرمون

هذا الحسن ياعباس هوه الكون -- وهوه الدين والقرآن والاسلام

--

يعباس الحسن هوه عمود البيت -- عزيز أمه الزجيه وهاي بيها ادريت

نعشه بالسهام انرمه شلون ارضيت -- وماهزك يبو فاضل بچي جسام

--

بچه جسام شبله اعله الحسن عوده -- يعباس وعمامه كلها موجوده

أكو الغير الشدد هالخوّه مريوده -- وتتحزم لخوها كلها فرد احزام

--

منعوا دفنته يم جده مو معقول -- ريحانه اليّه الحسن چان ايگول

اشلون ايصير ريت الدنيه هاي اتزول -- ولايتجاسرون اعله النعش ظلام

--

صبرت اشلون ياعباس عاللي صار -- يالسيفك غضب ويصب حمم من نار

دار المصطفى جد الحسن هالدار -- والبيها نزل جبريل والاحكام

--

لو گاطع ارگاب اهل الحقد والزور -- وكل سهم انرمه تگطعله عشر انحور

ياعباس عينك ماغفت عالجور -- ياجرح الصبر يالما بعد يلتام

--
سيد عدنان الحمامي

[بنت الهدى2]

اخي الفاضل تألمت عند قرأة القصيدة فكيف حال صاحب الزمان
عندما قرأتها كنت اتوقع ان تختم القصيدة بأبيات تبين كيف صبر العباس
نصيحة لك اضف للقصيدة ابيات تبين لم العباس لم يجرد سيفه عندما رموا نعش الحسن بأسهام
اعذرني اخي فأنا مجرد قارئة لاافقه شي من الشعر لذلك لاتعير لكلامي اهمية لكن خذ بالنصيحة فهو الافضل برأيي
واجدد اعتذاري مرة اخرى