[جارية العترة]

[mark=#00fff2]تقريض الشاعر عامر عزيز الانباري [/mark]



[frame="9 80"]
بسم الله الرحمن الرحيم
(( من يهدي الله فهو المهتدي ومن يظلل فما له من هاد ))
هكذا يتجسد للقاريء وهو يتصفح ديوان السيد الحمامي الايمان الصادق و العقيدة الراسخة و هما ينسجان خيوطهما بشغاف قلبه ، فأنت ترى وفي كّل قصيدة ٍمن الديوان مرآه صافيه تعكس انفعالاً حقيقياً ينبعث من عمق وجدانية هذا الشاعر المرهف . فتارةً تجده يصّفق تصفيق الغدير الرقراق و يغرد تغريد البلبل الصداح و يتألق حُسناً تألق الجلنار في عنفوان الربيع و هو يفرح لفرح آل البيت ويفخر بشأبيب سعادتهم في مناسباتهم السعيدة ، وتارةً تجده قد تحول الى كتلةٍ ملتهبةٍ من الاسى و اللوعه وتفجر كالبركان الثائر شجىً و حزناً لمصاب آل محمد صلى الله عليه واله وسلم ، تعينانه على ذلك موهبته الفذه و براعته في تصوير الحدث التاريخي بصياغةٍ شعريةٍ رائعة تأخذ طريقها الى قلب المتلقي من غير استئذان ...






رَفّـتْ كأجنحـة ِ الحمـام__ صفحاتُ ديـوان الحمامـي
بيضاءَ تحملُ سيرَّها __القُدسيَّ فــي ظُـلـل الـغـمـامِ
تهفـو لأكــرم مـنـزلٍ __و لخيرِ ركـنٍ و أعتصـامِ
تسعى الى الهادي البشيـرِ__و فضـلَ عترتـهِ الكـرامِ
ترجـو مـلاذَ الآمنـيـن__ هنـاكَ فـي دار الـسـلامِ






الكاظمية المقدسة
10-4-2001م

[/frame]

[جارية العترة]

[mark=#00ff26]
تقريض الشاعر الكبيرصباح امين
[/mark]

[frame="9 80"]

للعواطف لغـة ايترجمهـا الدمـع __والقوافي ادموع بجفـون الحيـاة
وين ماشافت جرح صـارت نبـع_يفيض احساس اعله دم التضحيات

_________________

للولاء ادموع يسكبهـا الشعـور__ازهرة الاحزان من عدها ارتـوت

لئن بالطف مانشـف دم النحـور__عود لوجف كول هالزهـره ذوت

مو قوافي اجروح مختزنه الصدور__يندحر كل ليل بالدم لـو ضـوت

كل حرف لجل العقيـده ينـزع من ولاء اتصيرله الدمعـه زكـاة

ابعبرة الحمامي مـن يزهرفـرع__كول بالعبـره زهـر ورد النجـاة

النجف الاشرف
5-3-2001 م
[/frame]

[جارية العترة]

[mark=#00ffaa]تقريض الشاعر الكبير علي حسين التلال [/mark]


[frame="9 80"]
عَبرة الشاعر العِبـره النافعـه __هوه مو كلمن كتب نال الشرف
هوايه زعموا بالشعر الهم سعه__مايميزون الرطب من الحشـف
جلمت الشاعر الدرّه الساطعـه__واذن راعي الذوق للدرّه صدف
فكرة الشاعر يوصفوها شمـع __تنافس انجوم السماء الزاهرات
لو ظلام الدنيـه كلـه يجتمـع__مايطفّي هالشمـوع النّيـرات




النجف الاشرف
10-3-2001 [/frame]

[جارية العترة]

[mark=#3300ff]تقريض الشاعر رحيم ابو عليوي[/mark]


[frame="9 80"]
العبره الها اشكثر عالشاعر افضال__ مـن يريـد يحـلـق ابتفكـيـره
يوصـل الامكنـه ابأبعـاد الخيـال__ ابـد مايوصلهـا يكـدر غـيـره
لو رسم صورة وعي ابدرب النضال__ يضل منتهـا الفيلسـوف ابحيـره
عبرة الشاعر نغم تحيـي السمـع __اتشوفـه تتكلـم بـكـل اللـغـات
و عبرة الحمامي لحسيـن الـورع__ لبو اليمه اشأحلـه مـن العبـرات



الكاظمية المقدسة
15-3-2001 م [/frame]

[جارية العترة]

[mark=#ea00ff]تقريض الشاعر جابر الشكرجي[/mark]


[frame="9 80"]

عبرة المظلـوم بركـان اولهيـب__و جمر يصرخ حمم بعيون الضمير
واشد من شدة الـزلازل النحيـب__و جرح من ينزف متاهات المصير
ومن تصير الدمعه لحسين الغريب__الروح ويه الدمع فوك الخد تصير
او عبرة الحمامي تصوير الوضع__و صاغ دمعة كربله بكل الصفـات
اختار اعظم صورة بالوان الدمـع__من بجت دجله علـى دم الفـرات





النجف الاشرف
10-3-2001 م
[/frame]

[جارية العترة]

[mark=#00ffcc]تقريض الشاعر احمد العبادي
[/mark]


[frame="9 80"]سطّـر الحمامـي منهـاج الـولاء__خطّه من شذر الدمع مو من حروف
واشرقت روح المحب تنثر ضيـاء__شعشع ابنور الولايه اعله الألـوف
تعلن ابيوم الحشـر عـن انتمـاء__للوصي واولاده والنهج الطفـوف
احنه نحيا ابهالنفس مـن ينكطـع __مايظـل متـن البشرغيـر الرفـاة
بس قوافي حسين تسمو وترتفـع__اوللكتبهـا اتصيـر معبرللنـجـاة




سوريا – السيده زينب (ع)
14 رمضان 1423 هـ
19-11-2002 م

[/frame]

[جارية العترة]

[mark=#aeff00]
بــا ب وفــيــا ت ألأئــمــة عــلـيــهــم ألــســلا م
[/mark]



[frame="9 80"]
[mark=#00eeff]في وفاة الرسول ( ص)[/mark]

فگد الابو ميهـون ___ يالهادي بيه شلون

تبچي تضل العيـن ___ ويه الحسن وحسين
------------------

صعبه يالهادي رحيلك ترتحل وبغفله عنـي___المن تخليني بويـه و النوايـب لـو لفنـي

من گلت بنت الزچيه هيه روحي وبضعه مني___بالحزن والهم اضلن و انگطع هليلـه ظنـي

خيمة الابـو مريـود ___ ابعطفه وحنانه ايجود
ابحضنه ربيت سنيني ___ ويه الحسن وحسين

----------------

ياحبيب الله اورسوله والوحي دايم يزورك___أبغفله ياشمس الهدايه هالقدر غيبلي نورك

وانه محتاجه الحنانك انه محتاجه الحضورك___يالچنت سلوه اليه اوشوفتي تكثر سـرورك

بويه صعب فـرگاك__بويه اخذني اويـاك

لتگلـي لا تبچيـن___ويه الحسن وحسين
-------------------

بس غفت عينك علينه اتأمرو اهل المنافع____هدموا دين البنيته يالنبي لجـل المطامـع

حرفوا نهج القويم وزمره للجاهل تبايـع ____بويه ما بطلوا طمعهم بالغدر عدهم طبايع

اهل المكر والـزور___ما رادوا الدستـور

عگباك بعد لاويـ___نويه الحسن وحسين

----------------

انته للامه ابوصيتك مـو گلـت حيـدر خليفـه ___و بخبخت كلها ابلسنها و نكرته انفوس الضعيف

اتأمروا بعدك علينـه بالحقـد نصبـوا سقيفـه__و ضيعوا بويه تعبنه وكـل مواقفنـا الشريفـه

حيدر علي اينكـروه __و أمر الوحي ايحرفوه

اذوا لابو السبطيـن ___ويه الحسن وحسيـن
----------------

مو گلت واجب نطيعه وحب علي تعلن فريضه __الجنه مايدخلها احـد الا يمضيلـه العريضـه

اتحالفوا ضده ابضراوه عدهم عقول اومريضه __وصبوا اعلينه حقدهم للحقـد بيّـن وميظـه

ابصبره علي مچتوف __ريتك تجي وتشـوف

وهوه حمـه للديـن __ويه الحسن وحسين
----------------

امتدت اچفوف الخيانه بويـه للـدار اعتنونـي __من لذت بالباب منهم وانـه بنتـك مارعونـي

جسروا اوسطروني سطره وفجروا مدمع عيوني __ و الضلع مني تكسّر يالنبـي مـن اعصرونـي

محسن ضحيه يـروح __وصدري الذي مجروح

احمل كسـر ضلعيـن __ويه الحسن وحسيـن

---------------------

[/frame]

[جارية العترة]

[mark=#00aeff]
في وفاة الرسول ( ص ) للشاعر السيد عدنان الحمامي

[/mark]


[frame="9 80"]

[mark=#00eeff]

يم حسين ودعي والدچ ودعيه ____عگبه ياهظم بعيونچ اتشوفيه

[/mark]








يالزهره ابوچ الليله عنچ غـاب___ وخلف بالدليل اغيابه چم اصواب
اولهن كسر ضلعچ ابذيچ البـاب___ ودمع الغالي من اعيونچ اتهليه
_______

اتهلين الدمع عگب النبي المختار___تدرين القّذر يتجاسر اعله الـدار
ضلعچ ينكسر و الصدر بيه بسمار___ولافـزاع يفـزع لمـن اتناديـه
_____________

اتنادين الذي چفه الشمس ردهـا___ولافـزاع كـال الزهـره وحدّهـا
عگب المصطفى فاطمة شظل عدها___بس حيدر بگه اونار الهظم هم بيه
________________

بيه نارالهظم عگب النبي مـن راح ___صبره ايچتفه وهالصبر صار اوشاح
علي بالعتبه شاهد محسن اللي طاح___ ومايختاض حيدر شنهـو المخليـه
___________-

اوديعة فاطمه خلاها يم حيـدر__گله المصطفى عالنايبه اتصبر
لو چف الغدر من عگبي تجسر__حفظ الدين اريده ابعينك اتباريه
________________

باري الدين عگبي ياعلي ابصبرك___ وانته الي فديته الدينـك ابعمـرك
باچر اشر خلق الله الذي ايطبرك__ والمحراب دمك ياعلـي ايغطيـه


[/frame]

[جارية العترة]

[mark=#00ccff]في رثاء الزهراء (ع)[/mark]


[frame="9 80"]
بين الحزن والهم __خلصـت ايامـي
يابويه شحچيلك __من كثرة الآمـي

ذبلن يابويه امن البجي عيونـي ___كسروا ضلع من صدري هظموني
______________________________________________

جيت بجروح الليالي البيها - - -بويه من عفتني
جيت والدمعه اعله خدي - - -ابدلاما فارگتنـي
شدة لو راحت تجيني - - -اشد من ذيچ الاجتني

ابصدري ألم ما ينجـرع - - -يابويـه ايـدك عالضلـع
وامسح امن اعيوني الدمع - - - امـن البـواچي ألمتنـي
انشدنـي گلـي شـبـيچ - - -و احچي هظـم چبــدي
بـويـه بـعـد لـلـدار - - -داسـوا اجـوا حــدّي

من لذت بويه اّبابي عصرونـي - - - - - -كسروا ضلع من صدري هظموني
____________________________________________
يارسول الله ابوجودك چنت اتباها ابدلالـي
بضعه منك و انته يمي رغد بعيون الليالي
مابچت فد يوم عيني ولا حزن مرّاعله بالي

ابحضنك يابويه امنعّمه - - -واعله الـدلال امعلمـه
عندك عزيـزه فاطمـه - - -وعاين اليوم اعله حالي
عاين الوجهي اوشوف - - -صفـرة ألــم بـيـه
يابويـه بعـد الصـار - - -والاصـعـب اعلـيـه

حتى البواچي اعليـك منعونـي - - - - - -كسروا ضلع من صدري هظموني

________________________________________________
بويه دار احزان عندي عگبك اوانصب مناحه
لو اجه الليل ابدمعها العيـن تنطـر صباحـه
ماشفت ساعه هنيه ولاشفت فدلحظه راحـه


ينگضي يومي ابهالوضع - - - يابويه والفنـي الدمـع
حسرات تچوي بالضلـع - - -والگلب تنزف اجراحـه
حيـل الگلـب مابـيـه - - -وشيحـمـل اهمـومـه
ضيم اوبچي و احـزان - - -مـن مثلـي مظلـومـه

حگي يبويـه حگي سلبـونـي - - - - - -كسروا ضلع من صدري هظموني

_____________________________________________-

بويه شحچيلك مأسي من غفت عينك عليه
اوديعتك من ودعتني لأمتك وصيت بيـه
چانوا ايشوفون بويه شفافك اتقبل ايديـه

اتگلهم الزهره بضعتي - - - بيها احفظوا اوصيتي
تاليها سلبوا نحلتـي -- - المنّك الچانت هديـه
دار الوحـي داسـوه - - -ماهـابـوا اعتـابـه
ماخافـوا الرحـمّـن - - -مـن حـرگوا البابـه

بالحقد عگبـك بويـه جازونـي - - - - - - -كسروا ضلع من صدري هظموني

____________________________________________

بويه ظل الحسن بويه وزينب اويه حسين بالهم
شافوا الظلع التكسّر و الصدر من ينزف الـدم
ياهو يرعاهم يبويه ازغار وانته البهاي تعلـم

ماترحم اقـدار الزمـن - - - يابويه ظلـوا للمحـن
زينب والحسين اوحسن - - -عليهم الشمـات تلتـم
ازغار اوغبت عنهـم - - - يـاهـو اليبـاريـهـم
ملهوفه عينـي اتظـل - - - و بحسرتـي اعليهـم

ارياحين منهم بويـه حرمونـي - - - - - -كسروا ضلع من صدري هظموني

[/frame]

[جارية العترة]

[mark=#00ffea]في وفاة الزهراء (ع) [/mark]

[frame="9 80"]
بويه الليالي .... تبچي اعله حالي وانه بضعتك .... تدري اشجرالي
ضلعي شيجبره لوشفت كسره تبچي اعله حالي
________________


يهادي الناس عگبك بالمراره اوهم - - - وبعيني النهار امن الحـزن اظلـم
يتيمه واليتم فـوگك الحـزن خيّـم - - - شسولفلـك يبويـه خـاف تتألـم
بويه المآسي ... شيبـت راسـي - - - من عدها تنهار ... اجبال الرواسي

ابساعة العصره لوشفت كسره تبچي اعله حالي
_______________


غبت عني يبويه اوغابت احلامي - - - ابدار احزان خلصت بويه ايامـي
وگلبي امن المصايب والجفن دامي - - - كبر بيه القهـر واشـدت آلامـي
بچاني دهري .... وشكبره صبريواتجرع الآلام .... لو بيه تـدري

تجذب الحسره لوشفت كسره تبچي اعله حالي
_______________


يبويه من عفتني اوودعت دنيـاك - - - صعب شفته عليه من رحت فرگاك
ليل انهار ابجي امن الهظم وانعاك - - -لوماخذ حياتي من رحـت ويـاك
ريتك تشاهد ... ابصبري اجاهـدبويه اوعدوك ... يهظمني رايـد

وحگي ينكره لوشفت كسره تبچي اعله حالي
_______________


يبويه اجروح بيّه ابياجـرح ابـدي - - - احچيلك مصايـب لوهظـم چبـدي
اشاگف بالنوايب من رحت وحـدي - - - وسلبوا نحلتي يابويه مـن عنـدي
الحگي يغصبه .... الماعرف ربـه - - - وبت نبي آنه .... واشگف الضربه

واعليه جسره لوشفت كسره تبچي اعله حالي
______________


بعـدك لاشـرع لالزمـوا اكتابـه - - - الدارك يامحمـد داسـوا اعتابـه
وبنارالضغينـه اتلاهبـت بـابـه - - - وصدري من حقدهم ينزف اصوابه
ويوگع جنيني .... وتنظرله عيني - - - والمن اعاتب ... ابدمعي وانينـي

كل دمعه جمره لوشفت كسره تبچي اعله حالي
________________


مّر بيه حـزن لاماتحملـه الـروح - - - ولاعيسى اوموسى اولايحمله نوح
آنه بت محمد والصـدر مجـروح - - - واگبع بالبواجي يالنبـي والنـوح
دمعه اعله دمعه ... وظيمي اجرعه - - - وانه الوديعه ... عدهـم امودعـه

وبصدري حسره لوشفت كسره تبجي اعله حالي
______________


عدهم ودعتنـي بويـه نكرونـي - - - وحتى امن البواجي اعليك منعوني
وماغير المصايب شافت اعيونـي - - - جمر دمعي يبويه اويحرگ اجفوني
صبرالصبرته ... ابضلعي جمرته - - - ايهيج احزاني ... بويه اوحملتـه

وبصدري حسره لوشفت كسره تبجي اعله حالي

[/frame]