[جارية العترة]

[mark=#00eeff]في حق الزهراء (ع)[/mark]



[frame="9 80"]

الله اشلون امصاب - - - يالزهره يالزهـره
بين الحايط والباب - - - يالزهره يالزهـره
كسـروا ضلعهـا - - - هـلّـت دمعـهـا
الله اشلون امصاب - - - يالزهره يالزهـره


صرخت ألـم منـه بچت - - وتصدعت املاك السمـه
وارتعش من عدها العرش - - من سمع صرخة فاطمـه
حتى محمـد ص بالگبـر - - ضلعـه عليهـا ايألمـه
وعالحسن وحسين اوعلي - - خيمـة احـزان امخيمـه
زينـب بالعيـن اتلـوج - - دمعـتـهـا دمعـتـهـا
من صاحت امها الصوت - - سمعتـهـا سمعـتـهـا


مصاب الفجعها - -هلـت دمعهـا

________________


زينب والاخوه ابياوضع - - يصبـر بيهـم
من بعد فگد المصطفى - - كسر الضلـع يچويهـم
امهم اولوعنهم مشـت - - اليانايـبـه اتخليـهـم
جانت الزهره الهم امل - - عين الهـم اتباريهـم
تبقى اجـروح الايـام - - ويـاهــم ويـاهــم
ام عگب الام ياعيـن - - ترعـاهـم ترعـاهـم


عصره اشجرعها - - هلـت دمعـهـا


_________________


ظلت اعيـون ام الحسـن - - شبـاحـه وتديرالعـيـن
ساعه اعله زينب والحسن - - ساعـه تعايـن لحسيـن
ايفارگهم اشلـون القـدر - - وعدها ولدهـا ارياحيـن
مادروا صدرامهـم بعـد - - منـه تكسـرن ضلعيـن
نـادت بفـراش المـوت - - يـاحـيـدريـاحـيــدر
بوصيتـي ارد اوصـيـك - - يـاحـيـدر يـاحـيـدر


حيدر سمعها- - هلت دمعها

______________


يا حيدر اوصيتي الـك - - بيدك تغمض اعيونـي
و ثوبي عليه بالغُسـل - - ياعلي إمن اتغسلونـي
لو نامت اعيون الخلگ - - ابليل اظلم اتشيعونـي
وگبري تضيعه ياعلـي- - اطلب إمـن اتدفنونـي
للهادي اشعندي اهموم - - احجيـلـه احجيـلـه
وشعملـت بيـه الگوم - - اشكيـلـه اشكيـلـه


حتى بدعها- - هلت دمعها

______________


من بعد ماوصت علـي - - اصبحت عدهم خطـار
ودعتهم اوداع المحب - - بالصدر جمرات النـار
وتعالت صرخات الحزن - - اعليها بچت حتى الدار
عافتهم المـن فاطمـه - - عالمحن اولاد ازغـار
راحت بدمـوع العيـن - - مهمومـه مهمـومـه
كسروا منها ضلعيـن - - مظلومـه مظلـومـه


اتغير وضعه - - اهلت دمعهـا

_______________


للنبي راحت للنبـي - - تشكيله ظيم البيهـا
وتخبره بويه امتـك - - غيرت نهج هاديهـا
للدار حرمه مارعوا - - وانته الذي راعيهـا
يدرون مهبط للوحي - - جسروا يبويه اعليها
عگبك الباب الـدار - - حرگوهـا حرگوهـا
اوديعتك من وصيت - - ينسوهـا ينسوهـا


غيرت شرعها - - هلت دمعهـا


[/frame]

[جارية العترة]

[mark=#00ffea]في رثاء الزهراء (ع)[/mark]



[mark=#00ff51]

صدگ يم الحسن هليتي دمع العين - - من عندچ ضلع مكسور لو ضلعين
[/mark]


[frame="9 80"]

صدگ تبچين و انتي المابچت عينچ - - ومن كثر الحزن الله الـذي يعيـنچ
گالـوا ينسمـع يافاطمـه اونيـنچ - - وليل انهار من كثر الهظم تبچيـن


_____________




لاتبچيـن دمـعچ غالـي لتهليـه - - وگلبج بالألـم يالزهـره لتسليـه
مولجلچ سمـاءه الخالـق امعليـه - - وباري الكون يغضب لمن اتغضبين


_____________




اشلون اتجاسرت چف الغدر عالباب - - ومن صدرج ضلع يم الحسن ينصاب
هو لـو جـرح يافاطمـه چا طـاب - - اجروح اهواي منهن ياجرح تشكين


_____________




تشكين المصايب عگب سيد الكون - - يالزهره ومندري يامصيبه اتهون
فگد المصطفى والحگچ ايغصبون - - لو محد فزعـلچ لمـن اتناديـن


_____________




ناديتي علي عنچ علي وينـه - - وشچان العذر مابينچ وبينـه
موضلع المهشم شافته عينـه - - ويسمع چان من الآمچ اتونين


______________




ونيتي وگبل ماتغمض اعيونچ - - ابظلمة ليل وصّيتي يدفنـونچ
گبل الموت انتي منخطف لونچ - - المن زينب اتعيفيها والحسنين
[/frame]

[جارية العترة]

[mark=#00ff8c]في حق الزهراء (ع)[/mark]




[frame="9 80"]



آنه الزهره تشوفك يالمحب عيني - - - - كل مأتم احضره البيه تواسينـي


_______________




وين الي يهل دمعه على امصابي - - - ويذكرني ابهظمتي وشدة صوابي
آنه الَمنّي ضلع يتكسـر أبّابـي - - - - يمظلومه اريدك مـن تنادينـي


_______________




ناديني يمظلومه بدمـع عينـاك - - - اسمعك يالمحب بالمآتم آنه اوياك
وباچر لاتظن من تنلحد انسـاك - - - گبل ماتنـزل ابلحـدك تلاگينـي


_______________




تلاگيني عليـه يالتهـل دمعـه - - - بالوحشه دمعتك هاي الك شمعه
تدريها المحمد فاطمـه بضعـه - - - وياذيك الذي يالمحب ياذينـي


_______________




ياذيني الذي للمحب مـن آذاه - - - باچر بالحشر اتخاصم آنه اوياه
شفيعه الكل موالي والله ماانساه - - - احضرله گبل ميصيح حضريني


_______________




احضر للمحب يم راسه وبلحده - - - ماخليه ابساعة رهبته وحـده
ومنكر لو اجاه اورايد اينشده - - - اگله هالمحب ماچان ناسينـي


_______________




الينساني خسر كلمن نسه الزهره - - - لا آني أحضره ولاعلي ايحضره
بس اللي جره لمصيبتي العبـره- - - فاز وماخسـر غيـر


--------------------------------------

[/frame]

[جارية العترة]

[mark=#00ff84]في رثاء العقيلة زينب (ع)[/mark]




[frame="9 80"]
زينب تودع همهـا - - -مظلومه هم مثل امها
ختمت حيـاة الآلام - - - ماتت غريبه بالشام

_____________
اشعظم المصيبه اليوم الغريبه ابهمها اودمعها اتروح
ياهي المثلها فگدت اهلها وبيها نزيف اجروح
دمعه حزنها جرحت جفنها من البچي والنوح
من يسروها عافت اخوها من النحر مذبوح


بالطف عزيز الزهره - - - نظرة وداع اتنظـره
تشكيله من الظـلام - - - ماتت غريبه بالشام

_____________
يوم الرزايا ودم الضحايا صبرت صبر ايوب
شافت مصاعب حملت متاعب لو صخر منها ايذوب
واعظم فجيعه حسين ورضيعه ابحرّ العطش ويلوب
مكسوره خاطر اتشوف النواظر اشرف جسدمسلوب


رادت من ايساعدها - - - وغير الجثث ماعدها
ابحيرة گلبها المنظام - - - ماتت غريبه بالشام

______________
ابلوعة گلبها ابدمهه التصبها محتاره بين اشرار
نار ابخدرها اتلاهب جمرها شيطفي هاي النار
عگب النشامه ونور الامامه ايلمها بعد يادار
وناس الولوها شتموا ابوها حيدر علي الكرار


نادت ابن والدهـا - - - للعده ايگوم ايردها
وتصيح ظلينه ايتام - - - ماتت غريبه بالشام



راحت اسيره اطويله المسيره بيها العدو حّداي
عافت اهلها وراس الكفلها ماخله عدها راي
ابرمح الاعادي وهيه تنادي ابن الأبو وفاي
اتگله جبتني وتالي عفتني ياخويه بين اعداي


امن القهر حرگت دمها - - - اشلون العدو ايكلمهـا
وحيدر ابوها الضرغام - - - ماتت غريبـه بالشـام
[/frame]

[جارية العترة]

[mark=#00ffff]في وفاة العقيلة زينب (ع)[/mark]





[frame="9 80"]

بالموت احس اوگبل متودعوني- - - عباس ردته لي يغمض اعيوني

اخـتـه واريــده يـمــي - - - يحضرنـي بــمچان امــي

______________

على افراش الموت زينب والمنيه دنت يمها

عينها ماغمضتها اتموت بالغربـه ابألمهـا

رادت العباس يحضر اتودعه بمچان أمهـا

ابيـاحـال زيـنـب تحتـضـر- - - تلـهـج ابـعـبـاس الـبــدر

الزيـنـب تـجـي لاتـعـتـذر- - - ابـيـن ذرعـانـك اتظـمـهـا

بيدك يبو فاضل تنگطلـي المـاي- - -ابحضنك تخلي راسي وتسد عيناي

ويـنـه الـحـرس لخـيـمـي- - - يحضـرنـي بــمچان أمـــي

_______________

وين عباس اخته آنه اشعجب ماينشد عليه

اسنين بالغربه اكابد حرمه والاحزان بيـه

اليوم محتاجه وجوده وآنه بفراش المنيـه

شتجرعـت ظـيـم اوألــم- - - شحملـت ﭽم رميـة سهـم

ابحال اختـه ماظـن ماعلـم- - - اتنـازع ابهـاي المسـيـه

عباس لختك ﮔوم رد اچفوفك- - -والعين ماتغمض ﮔبل متشوفك

ايخـفـف علـيّـه هـمـي- - - ويحضرنـي بـمچان امـي

_________________

گوم من لحدك يخويه وأعلم اچفوفك گطيعـه

وادري بالعين الطفاها السهم بالرميه الفظيعه

اوشيلها ابزندك الرايه عالنهر لتظل صريعه

للـشـام طــب ابهـمـتـك- - - يبـن الأبـو اتـرف رايتـك

انشـد علـى اختـك غايتـك- - - عـنـدك الچانــت وديـعـه

من توصل اختك خويه انظرليها- - - بس الجسد لا روح ظلت بيهـا

محـتـرگ بالـهـم دمــي- - - يحضرنـي بــمچان امــي

بس جسد ظليت خويه وروحي چنها تفيض مني

اليوم اودع عمري هذا اولا بعد ينسمـع ونـي

خلصت ايامي انحـب والحـزن مامـال عنـي

مــن فگد امــي فاطـمـه - - - ومصـاب حـمـاي الحـمـه

ورمـاد بالـطـف اودمــه - - - والـرزايــه الـروّعـنـي

والاشد راسك عالرمح يبرالي - - -وراس الحسين اللي هدم آمالي

خـل يجـي ايشاهـد هظمـي- - - يحضرنـي بــمچان امــي

_________________

بالله ياهو المثلي شافت بالله ياهو المثل حالي

انه شفت اعزاز گلبي اتذبحوا كلهم اگبالـي

عزيزة العباس آنه اولانظر واحـد خيالـي

للـشـام اجـيـت اميـسـره- - - -عفـت الجثـث فـوگ الثـره

وجـثـة حسـيـن امــوذره - - - والـصـور لـسـا ابـالــي

واليوم اريدن اخوتي ايحضروني - - - لو متت غربه ليش اليشيعونـي

لاوالــــدي اولاعــمــي- - - يحضـرنـي بــمچان أمــي

__________________

ليش اموت ابدار غربه اوناس غربه يشيعوني

وينها حزمة الاخوه ابلحدي همـه ينزلونـي

اشعجب ماگالوا اختنه هاي اظن كلهم نسونـي

عـبـاس ماينـسـه ابــد- - - عـبـاس وفّــاي الـوعـد

چاوينـه مايـوصـل بـعـد- - - وشابحـه الجيتـه اعيـونـي

غمضيها عينچ مايجيچ العباس- - - عفتيه يزينب لاچفوف ولاراس

وديعـة العـبـاس اسـمـي- - - يحضرنـي بــمچان امــي

__________________



ايست للموت سلمت روحها زينب ابهمها
ولااجه العباس تالي ولااجت فاطمه امها
عيونها ماغمضتها محد من الاهل يمها
ابلحظات المنازع تون
دمعتها نشفت بالجفن
خلصت من الهم والحزن
ودعت دنيتها زينب والحزن اخذته وياها
[/frame]

[جارية العترة]

[mark=#00ffb7]
في وفاة امير المؤمنين (ع )
[/mark]

[frame="9 80"]
ياموت اجاك اومااجيته انته - - - هـذا عـلـي معرفـتـه
وشكثـر سـرت ابدربـه- - -مارجـف مـنـك گلـبـه
اومــــر هـبـتــه- - -هـذا عـلـي معرفـتـه
__________________



دنت ساعات الرحيل اوفجر مرعب راح ينطر
مدري يابدر اليغيب واجه الموت ابمشيه يعثر
مايهابك لايموت اوليك اجه حيـدر امـوزر



عـازم طلعـلـك حـيـدره- - -اتعنـاك ويـشـد مــأزره
يامـوت لـولـه امـقـدره- - -الباري چان اعليـه مـتگدر
هذا الذي ضحاك دوم الوجهك- - -لـو فـارس انتـه تهـلـك
تنخطـف روحـه اليـدنـاه- - -بالوغـه يـامـوت اويــاه
مـــــو شـفــتــه- - -هــذا عـلـي معرفـتـه

__________________



شفته چم غزوه غزاها وبفقاره انته لايـد
لو ضرب ياموت ضربه مايثنيها اعله واحد
وذيچ الارواح الفناها حاضره ابعينك تشاهد



يـامـوت وبچفــك تـلــم- - -مـن فـيـض ارواح الـزلـم
حـيـدر تشـوفـه مايـهـم- - -اگبالـك امشـمـر السـاعـد
عصاة موسى والبحر شگ مايه- - -يـامـوت حـيــدر ايـــه
وتجـلـه نــور الـكــرار- - -وچف موسى ابيض من صـار
مـــعـــجـــزتـــه- - -هــذا عـلــي معـرفـتـه

__________________



معجزات اشكثر بسمه وبيها جبرائيل كبـرّ
لافتى ناده ابسمائه مرّه لامو مـرّه اكثـر
وسيف لاواحد يحمله من يجرده الكون يغبر



تشهدله مـن جـن اوانـس- - -شمابطـل چان شمـاشـرس
لو شـاف حيـدر ينخـرس- - -وللمنيـه وجــه يصـفـر
وبيوم خيبر من برزارمد عين- - -هـل اتـى نزلـت بالحيـن
السـورة الحـج والتوحيـد- - -يامـوت تفجعـهـا اتـريـد
لـــــو صــبــتــه- - -هــذا عـلـي معـرفـتـه

___________________



حيدره بالموت هذا اوكلشي تعرف انته عنه
من بدنها الروح يسلب من انس وانچان جنه
ياهو يمه گدر يوصل وانته هم تبتعـد منـه



مبياتـه فــوگاه اشـرفـت- - -اعله افراش ابن عمـه طفـت
مطمئـن نـايـم خوشـفـت- - -وگرب حـيــدر مـاتـدنـه
ابكل فخر يم راسه گعد جبرائيل- - -يحـرس اويــاه ميكائـيـل
والبـاري شـانـه ايعلـيـه- - -كـل ملـك يتبـاهـه بـيـه
مـــفـــخـــرتـــه- - -هــذا عـلـي معـرفـتـه

__________________



وبأُحد ياموت شردوا منك اصحاب ابن عمه
من اجت ذيچ الكتايب والرسول اعليه يغمـه
علي اليتلگاك صدره اعليك سوّه الدنيه ظلمه





ياموت مـن عنـده اشـردت- - -لهـل الاصـنـام اوطــاردت
سيـاف حـيـدر شـاهـدت- - -وشوفـتـك لـيـه ماتهـمـه
ماعرف گلبه كل رعب لاماخاف- - -منـه جفـل كــل سّـيـاف
يامـوت شافـت كـل عـيـن- - -مـاطـعـن الاّ ابرمـحـيـن
طــــاوعــــتــــه- - -هــذا عـلــي معـرفـتـه

__________________




لا تغيب بـدر حيـدر لليقيـن السـوّر ينهـد
وناس من هالامه عگبه عن طريق الرشد ترتد
وينهدم كهف اليتامه وللارامـل يرعـه محـد



للـديـن لاتـهـدم ركــن- - -وتلبسـه اثيـاب الـحـزن
واعليه تجـرح كـل جفـن- - -وعيـن للاسـلام تـرمـد
بيه نفجع الهادي وتيتم عياله- - -يـامــوت لاتـدنـالــه
والزينـب اتـريـد الـهـم- - -وچبد الحسـن گبـل السـم
جـــرّحــــتــــه- - -هــذا عـلـي معرفـتـه

__________________



لاتجرح اگلوب بيها جـرح فاطمـه الزچيـه
مايره لساعه ينزف النوب تلجمها ابرزيـه
لاياموت ارحم اعياله اوشيعته الحامي الحميه

بوجوده خلها تستظل
لتغيب اهلال الامل
حي على خير العمل
وتنفجع امة الهادي او لليقين ايطيح صرحه
[/frame]

[جارية العترة]

[mark=#00a6ff] في وفاة الامام علي (ع) [/mark]


[frame="9 80"]

[mark=#00ff59] يشيال النعش لاوين - - - -ردّ النعش لمچانـه [/mark]

زينب عالحسن نـادت - - - خويه النعـش ردونـه

نلطم حيل يبـن امـي - - -ابوسط الـدار خلونـه

اوسد الباب خاف الناس - - -غربـه لايسمعـونـه

اوهاي ام البنين اوياي

اتشاركني ابدمع عينـاي - - -ابچي اوتنحب اعله ابچاي

بـلچن والـدي يسمـع - - -اوفك عينه على ابچانـه

__________________

بـلچن يسمـع ابچانـه - - -واعلينـه يفـك العيـن

وينظر حالـة ام عبـاس - - -تنعه اوشـابگه لحسيـن

وتنـادي گبـل عمـرك - - -گضه عمري يبو الحسنين

خليني يبو محمد

لبوك ابكتره اتمـدد - - -واريد ابلحده اتوسد

عگبه العمر ماينراد - - -ظلمه اعلينه دنيانه

__________________

صاحت للحسين النـوب - - -زينب واشكبـر همـك

تعـال اواگعـد اگبالـي - - -يخويـه لواجـي يمـك

تدري ايتام واحنه ازغار - - -عافتنه اومشـت امـك

والليله ابونه ايريد

يمشي او للاحزان ايعيد - - -يحسين البچي شيفيـد

ابچينه اهواي عالزهره - - -ودم الدمـع جريـانـه

__________________

دمعنه دم جره يحسين - - -تگله زينـب الكبـره

والفنه الحزن والهـم - - -والشوغات والحسره

من يوم الضلع بالباب - - -كسروا لمك الزهـره

والنوبه على الكرار

هاليلـه صبـح خطـار - - -ساعه اويرحل امن الدار

بينه اشلون يبن امـي - - -الظيـم الدهـر خلانـه

___________________

يبن امي دگوم اوشـوف - - -جرحه اوراس ابوك اشبيه

يحسيـن اگعـد ابـسـده - - -وراسه ابحضنك اتخليـه

اعزيز انته يبو السجـاد - - -عنده اوبلجـن اتحاچيـه

يسمع صوتك اويگعد

عن جرحه الكلف تنشد - - -بيدك للجـرح ضمّـد

گبل مانعشه من الدار - - -خويه ايشيلـه دفانـه

__________________

يدفان اللحد وسعه - - -وبعد اتوسعه البابه

ابهيده نزله ابهيده - - -خافن ينزف صوابه

اريد اتمدد ابكبـره - - -عليه يصعب اغيابه

علي بويه اخذني اوياك
عمري اشينفع بلياك - - - چنت امدلله اوبحماك
شلي ابدنيه مابيهـا - - - ابو بعيونه يرعانـه

[/frame]

[جارية العترة]

[mark=#ff00d9] في رثاء امير المؤمنين (ع)[/mark]


[frame="9 80"]

علي بويه تنـازع بالمنيـه - - -عسن لابيك ريت الطبره بيه


علي بويه عليك الدمع ينصاب
عسن هامي ولاهاماك ينصاب
الك جبريل مأتم حزن ينصاب
وتعزي املاكها السيد البريـه

__________________


يحيدر ياگلـب ياچبـد منسـال
عليك اودم دمعها العين منسـال
تغض طرفك السيف الغدر منسال
ويصوّب هامتـك ابـن الرديـه

__________________


روحي ياعلي جزعت ولابت
تگطعن بالگلب ماظل ولابت
بت المصطفى وغيري ولابت
يتيمه ابفگد حماي الحميـه

__________________



من مثلي تعذبت من صباهـا
ودم يجري دمعها من صباها
علي هامتك بويه من صباهـا
السمه اتمنيت تطبگ عالوطيه

__________________


الوكت چم نايبه رحمه ولدها
على السگطوا ابعتبتها ولدها
ابويه بالصلاه ساجد ولدهـا
يغدره ابسجدته ابن الدعيـه

_________________


عگب امنه الدهر زادت بلاياه
حزن لايوم مّر بينـه بلايـاه
علي ايعوز اليتامه اتظل بلاياه
يغيب اشلون من الها لرعيـه

__________________


المصايب من عگب امي لوني
على بويه لون تسمع لونـي
گبل عمرك گضه عمري لوني
ولاشوف اشبچت عينك عليه


[/frame]

[جارية العترة]

[mark=#00ffcc] في وفاة امير المؤمنين (ع )[/mark]



[frame="9 80"]
[mark=#ff00ee]يمُه فاطمه اتلگي علي اتلگي- - -هوبعينج الراسه المنطبر شوفيه [/mark]

__________________


يمه فاطمه اتـلگي علـي يمـه- - -اجاچ وشيبته متخضبـه ابدمـه
لتعيفيـه ظلـي گاعـده يـمـه- - -ابحظنچ خلي راسه وللجرح شديّه

__________________


شدي راسه بيدچ جرحه مايلتم- - -ومسحي شيبته يايمه من الدم
لاينزف ابهيده وخاف يتألـم- - -عن الآمه يمه فاطمه نشديـه

__________________


نشديه عن طبرته وعن هظم چبده- - -ايسولفلج مصايب شافهـن عـدّه
اشعملت امته چي شافتـه وحـده- - -من جدي مشه ومن يوم ودّعتيـه

__________________


من عفتيه ورحتي ابضلعچ المكسور- - -واصبحنه يتامه اوبالمآسي انـدور
صار الكل يتيم امن الفقـر ناطـور- - -يمـه الـزاد بيـده ليهـم ايوديـه

__________________


يودي الزاد للجايع ابكـل امچان- - -ماظل لافقـر اولابگه جوعـان
حتى ثياب ياخذ يچسي للعريان- - -لافد يوم للمسكين مـرّ ناسيـه
ماينسه الرعيـه دوم يفگدهـا- - -شمحتاجه يجي كل يوم ينشدهـا
واذا شاف اليتيمه صار والدهـا- - -بويه اتصيحله ياعلي من اتلاگيه

__________________



بويه اتصيحله لو شافته ايتيمـه - - -وكل ايتيم ابويه ايصير إله خيمه
هظيمه ايعيفهم يافاطمه اهظيمه - - -يالوالي اليتيم الوالدي ايناديـه

__________________


ياما لليتامه اشكثر باراهـم - - - يشعرون ابحنانه دوم خلاهم
والليله اظن لأيتامه ينساهـم - - -للمسكين عگبه ياهو اليباريه

__________________


ياهو اللي يباريه او يبارينـه - - -صرنه ايتام وياهم عگب عينه
علي بويه حيل فراگ مابينـه - - -عمري اوياك اخذه بويه لتخليه


[/frame]

[جارية العترة]

[mark=#88ff00]
في وفاة الامام الحسن (ع)
[/mark]

[frame="9 80"]

هل دمعك على ابن امك مسموم الحسن يحسين
__________________


ناده الحسن خويه حسين - - - جرحـي بعـد مايـبـره
نـار اتلاهبـت بحشـاي- - -وبگلبـي تشـب جمـره
خويه السم مـرد چبـدي- - -اعضيدك چن خلص عمره
لوّن جدي وابويـه اهنـا- - -ويمي اوتحظـر الزهـره

يواسوني يودعوني يغسلوني ابدمع العين
__________________


يحسين اگعد اگبالـي- - -خويه لوتجـي يمـي
راسي ابحضنك اتخليه- - -يحسين ابمچان امـي
اخر ساعه هاي اوياك- - -عنك ارحـل ابعلمـي
من اتديـره عالقبلـها- - -بهيده لوردت جسمي

حيلي انباد يبو السجاد اي خويه لخيك عين


لاتبجي يخويه حسيـن- - -وتطوي ضلعك اعليـه
امسح دمعك امن العين- - -وهوّ دروعـك اشويـه
موگلبي مردته اشلـون- - -وازداد الألــم بـيـه
ابچينه اهواي عالزهره- - -اعله ابونه الراح فجريه

بالمحراب من انصاب واحنه ازغار متيتمين
__________________


عشنه ايتام خويه حسين- - -امنـه ازغـار عافتنـه
هاي اسنين من العيـن- - -تجري اعليهـا دمعتنـه
ومصيبة ابونه النـوب- - -مّره الغصص جرعتنـه
وجفوف الغدر يحسيـن- - -بالسم خويـه جازتنـه

احس بالروح خويه اتروح منين السم اجاني امنين
__________________




خويه الطشت من يمي- - -عنـي رايـد اتكتـره
خاف اختك تجي زينب- - -چبدي امگطع اتنظره
ماتحمل وهي ابياحال- - -بعدها ابحزن عالزهره
مكسورة گلب يحسين- - -وكسر الگلب شيجبره

صبّرها واجبرها وگلها يختي لاتبچين
__________________


ابهالحظه اجـت زينـب- - -نظرت للحسـن ممـدود
راسه ابحظن اخيه حسين- - -وينازع ابروحه ايجـود
صاحت خويه ابو محمـد- - -لفتنـه النايبـات اردود
مثل امي وابويه اتـروح- - -لينه ابروحتـك متعـود

حسين اوحيد يظل اتريد والعدوان متشمتين
__________________


ريت السم مضه بيـه- - -صاحت زينب اولابيـك
ولااشوفن دمعته حسين- - -من عينه تهل اعليـك
يبن امي العضيد اعزيز- - -اسمعه ابلهفته ايناديك
خويه امودع الله روح- - -عيني مابعـد تلگيـك

الله وياك ودعناك واحنه ابهاذي موعودين
[/frame]