[جارية العترة]

[mark=#00f7ff]في وفاة الامام الحسن (ع[/mark]


[frame="9 80"]


يحسين الحسن مسموم هل دمْعَّـك
ومن تبچي اعله كيفك خاف ليسمعك
مسموم يابو محمد مظلوم يابو محمد

__________________


ابهيده يـم اخـوك الحسـن مـن اتنـوح
ليسمعـك يّمـن چنـت إلهـا لمـك روح
يحسين انته گلبـك مـن گبـل مجـروح
والليله طويت اعله الحسن ضلعك / مسموم

__________________


يحسيـن الحسـن چبـده انگطـع بالسـم
وبعيـنـك تشـوفـه شـلـون يـتـألـم
حيلـك هـاي اظـن يحسـيـن يتـهـدم
من شفت الحسن چن رايد ايودعك / مسموم

__________________


ايودعك رايد وچف القـدر سَمَّـه
بروحه أينازع اوبلچن تجـي يَمَّـه
صعبه اعله الأخو لو ودَّع ابن أُمه
اولوداع الحسن حگ يختلف وضعك
مـسـمـوم يـابــو مـحـمـد

__________________


وضعـك يختلـف مِـن شـاهـدت حـالـه
وعيـنـك عالحـسـن يحسـيـن هَمّـالـه
الاخو لو راح أمنيـن تجيـب أخـو ابدالـه
ايصدعك فگد اخوك شلون ميصدعك / مسموم

__________________



أيْصدعك فگد أخوك الحسن إي يحسين
وأنْتَّه مـن گبُـل مفجـوع بالضلعيـن
بالآلام عِشـت إو بالمآسـي أسنيـن
واليوم ألمصاب اللي جـرّه أيروعـك
مسموم يابو محمد مظلوم يابو محمـد

ـــــــــــــــــــــــــــــــــــــ


ايروعك هالمصاب المامثيله امصاب
فگد أمُك أمس والأبو داحي البـاب
والليله عضيدك چبـده بالسَـم ذاب
مدري يامُصاب ألمُفجـع أيْجزعَّـك
مسموم يابو محمد مظلوم يابو محمد


[/frame]

[جارية العترة]

[mark=#00fff2]من رثاء الامام زين العابدين (ع)[/mark]

[frame="9 80"]

ياصوره ياصوره بعيوني ياصـوره
آنه عليل وشاهدت بعيوني ياصـوره

__________________


ياصوره بعيونـي شفـت وانساهـا - - -روس اخوتي اعله ارماح وآنه اوياها
لو عمتي وتشاگف ابسـوط اعداهـا - - -وانـه اعايـن هالعـدو اتـولاهـا



شتموهـا شتمـوهـابـت علـي شتموهـا
هالنايبه اعليها اصبرت بعيونـي يـاصـوره

__________________


شفت المصايب والألم برض الدم - - -شفت العدو ابخيله علينه اتقـدم
شفت الرضيع امن الذبح ماسلما - - -لسان المآسي ابهالمحن يتكلـم



عن حالـي عـن حالـي يرويهـا عـن حـالـي
چم عثره بالحومه اعثرت بعيـونـي يـاصــوره

__________________


اتعثر ابين الجثـث بيـن الخيـل - - -متناثره اجساد اودمه انحور اتسيل
خان الصبر بيه انهدم مني الحيـل - - -وليل المآسي خيم اعلينـه الليـل



مرعوبـه مرعوبـه چم طفلـه مرعوبـه
ضاعن عليهن دوّرت بعيونـي ياصـوره

__________________


طفله تفر امن الخيـم مستعـره - - -وبذيالها نار المصيبه اموجـره
راحت لبوها حسين شبگت نحره - - -راسك تگله وينه يبن الزهـره



بچتـنــي بچتــنــي هالطـفـلـه بچتـنــي
اتسولف اويه الجثه انظرت بعيـونـي يـاصــوره




انظر ابعيـن الفاجعـه وتحسّـر - - -لو صخر چان امن المآسي اتفطر
لمن شفت جاسم اويمـه الاكبـر - - - وعمي ابوفاضل ابدمـه امعفـر



چفـيـنـه چفـيـنـه مـن شفـت چفيـنـه
ساعتها عالموت اشرفت بعيـونـي يـاصـوره

__________________


وللكوفه اخذونه يساره بياحال - - -كل الأرامل بالحزن والأطفـال
ايباري ضعننه هو نفس الچتال بحبال چتفوها اليتامه بحبـال



قيدوهـا قيـدوهـابالحبـل قيـدوهـا
عماتي وعليهن خفت بعيونـي ياصـوره




[/frame]

[جارية العترة]

[mark=#00fff2]في حق الامام السجاد (ع )[/mark]


[frame="9 80"]
عليل وماشفت غير الحزن و الهم - - - - ورماد الخيم ونحـور تنـزف دم

__________________


عليل ابعلتي ابطف كربله محتار- - - التهبت خيمتي وبذيالي تلهب نار
لون ماعمتي زينب تدفع الاخطار- - - عني وانه حيل امنين الي اتهدم

__________________


حيل امنين وآنه ابخيمتـي مطـروح- - - بفراش المرض بس جسد مابيه روح
وابويه واخوتي كل نحر تم مذبـوح- - - ابخيل ونار لخيامـي العـدو اتقـدّم

__________________


لااگدر اگوم اوانهـض ابكيفـي- - - ولامن الغمد اگدر اجر سيفـي
چان امن العده والله خذت حيفي- - - واعليهم اسوي انهارهم اظلـم

__________________


اظلم صار ذاك اليـوم بعيونـي- - - عليل اوبالحبل عدواني چتفونـي
اشاگف بالسياط ابقسوه ضربوني- - - حتى امن الذبح هم ماردت اسلم

__________________


اسلم من رحت مچتـوف للكوفـه- - - وراس حسين عيني امعلگ اتشوفه
وعفت جثته العدو امگطعها بسيوفه- - - وصدره الشمتـه فاطمـه يتهشـم



يتهشم الخيل السّحگت صـدره- - - فصلت كل ضلع لحسين وتكسره
وعبد الله رضيعه نايم ابكتـره- - - ذنبه اشچان بيه هالگوم ماترحم

__________________


ماترحم الگوم الهجمت اعلينـه - - - لبويه حسين حرگوا كل صواوينه
بين الموت بين السبـي ظلينـه - - - وبگلوب اليتامه امنصّب المأتـم




[/frame]

[جارية العترة]

[mark=#aeff00] في وفاة الأمام محمد الباقر (ع[/mark]

[frame="9 90"]
الباقر ابسّم ختم عمره من بعد محنته - - - -اوصبره اعليه بچت فاطمه الزهره
__________________


يادمع النواظـر سيـل عالخديـن - - - -وداوي اجروحها لمّ الحسن وحسين
هوه لاچبـد راح الهـا لاچبديـن - - - -ولاضلع انكسر الهـا ولاضلعيـن
كربلـه اضلـوع الـهـا بيـهـا - - - -خيـل اجــت لعـبـت عليـهـا
كــل ضـلـع لـمـن تنـظـرها - - - -عليـه بچت فاطـمـه الـزهـره

__________________


حگها لو بچت و الضلع يتألـم - - - -وتتذكر مآسيها ابمـراره اوهـم
اچبود الها الزچيه امگطعه بالسم - - - - ياچبد الذي مـن الغـدر يسلـم
الله چم بـــدر غـيـبــوا - - - -الله چم نـحــر گطــعــوا
وحسيـن مـن نـزف نحـره - - - -اعليـه بچت فاطمـه الزهـره

__________________


چم امصاب الچ يافاطمه اولوعـه - - - -وچم فجعه يبنت الهادي مفجوعـه
صدر حسين ابنچ فصلوا اضلوعه - - - -وچفين الأخو امن ازنوده مگطوعه
چفـوف ابـو فاضـل گطيـعـه - - - -وذبـح الحسـيـن اورضيـعـه
ماسلـم مــن رغــم زغــره - - - -اعليـه بچت فاطـمـه الـزهـره


__________________


بيهن كل مصيبه اتشيبه للـراس - - - -حدچ من گبل يافاطمـه ينـداس
بني اميه اوظلمهم لو بني العباس - - - -تتوارث حقدهم ناس أمرّ من ناس
حلـلـوا لاسـبــب دمـنــه - - - -چي نصيـح الـزهـره أمـنـه
والــذي الحـاقـد يـغــدره - - - -اعليـه بچت فاطمـه الـزهـره

__________________



هليله الدمع ميطفي جمر النار - - - -لوبالباقر انواسي النبي المختار
مصايبكم مثلها بالدهر ماصـار - - - -منكم ماسلم يافاطمـه كـل دار
اليوم ابـو الصـادق نودعـه - - - -مـن دمـه نبچيلـه دمـعـه
چبـدتـه ملتهـبـه جـمـره - - - -اعليه بچت فاطمـه الزهـره

__________________


[/frame]

[جارية العترة]

[mark=#00ffcc] في وفاة الامام محمد الباقر (ع)[/mark]
[frame="9 80"]

الباقر غيبـوا بـدره - -نواسي فاطمه الزهره

__________________

غيبوا يابدرها ليـوم- - - -وبگبره النبي اتألـم

والزهره تهل ادموع- - - ونصب للحزن مأتـم

ياچبد الذي گطعـوه- - - وتلهب بيه نار السم

هذا چبد ابو الصادق- - - من بعد المراره اوهم

بالسم ينختم عمـره- - - نواسي فاطمه الزهره

__________________

لوعات اشكثـر وهمـوم- - - من عدها الرضيع ايشيب

من طف كربله مجـروح- - - سنين اوهالجرح ميطيب

شاهد بالطفوف انحـور- - - شاهدها لبـدور اتغيـب

شاهـد سهـم المثلـث- - - الجده حسين من ايصيب

ينظـر منگطـع نحـره- - - نواسي فاطمـه الزهـره

__________________

اسنين اثلاثه عمره چان- - - الباقر وشحمـل لوعـه

شاف حسين بالميـدان- - - اگباله رضوا اضلوعـه

وچفين الگمر عبـاس- - - من ازنوده مگطوعـه

وحراير كل بني هاشـم- - - وزينب عمته مفجوعـه

تنحب زينـب الكبـره- - - نواسي فاطمه الزهـره

__________________

عـاش ايامـه بـالآلام- - - ومصايب تشيب الراس

من بعد الجره بالطـف- - - وجسم حسين من ينداس

الباقر ماغمـض جفنـه- - - من افعال شـرّ النـاس

لارحمـوه بنـي اميـه- - - وخلفوها البني عبـاس

دمعه من يهـل حمـره- - - نواسي فاطمه الزهـره

بني اميه صـوّر راووه- - - وظلت هالصوّر بالعيـن

بالمصرع عمامه ايشوف- - - كلها امذبحـه وحسيـن

ويامحنه علـي السجـاد- - - ويه الحـرم مچتوفيـن

ويسمع والـده الزينـب- - - عمه ايگلهـا لاتبچيـن

اتباريه وهيه اتصبـره- - - نواسي فاطمه الزهـره

__________________

عگب جرح الطفوف البيه- - - البـاقـر ودّع الامــه

واخذ كـل الألـم ويـاه- - - ابگلبه لوعتـه اوهمـه

جمر السم تلاهـب بيـه- - - چبـد اتگطـع ابسـمـه

وتألـم ضلعهـا اعليـه- - - الليلـه فاطـمـه امــه

هيـه اللـي تحـضـره- - - نواسي فاطمـه الزهـره

[/frame]

[جارية العترة]

[mark=#00f7ff]في رثاء الأمام محمد الباقر (ع)[/mark]


[frame="9 80"]

الليله الباقر ايودعنه هالليلـه- -دم امن الگلب لمصابه نبچيله

الليله الباقر الليلـه ختـم عمـره- - - عگب ذيچ المآسي الظلت ابصدره

والنوبه ابدليله اتلاهبـت جمـره- - - من سم السره بيه وانهدم حيلـه

-----------

حيله امن الزغر منهدم منه الحيل- - - والساعة المنيه الدمع منه يسيـل

عمره اربع اسنين ونجه امن الخيل- - - يتيسر ابطف كربله اويـه العيلـه

------------

اويه العيله اسير اوبالنواظر شـاف- - - كل ذيچ الجثث ويه الضعن من طاف

اطفال اويتامه الترتعـش وتخـاف- - - تهل ادموع دمعه اوياهـم ايسيلـه

دمعه ايسيل ويواسي لأبوه دمعه- - - علي السجاد مچتوف وطوه ضلعه

وصوت ام الحزن لوناحت ايسمعه- - - للعباس زينـب سمـع تشچيلـه

--------------

تشچيله و دمعها ايشوفه يتفجر- - - موقف مايحمله الصخر يتفسـر

والباقر عليه هذا الحزن لومـرّ- - - اعيون الفاجعه امصايب تراويله

---------------

تراويله الطفوف ارماد ويه الدم- - - واليوم انختم عمره غدر بالسم

وچبد المصطفى لمصابه يتألـم- - - وام الحسن دمع امصيبته اتهيله

[/frame]

[جارية العترة]

[mark=#00d9ff]في وفاة ألإمام الصادق (ع)[/mark]


[frame="9 80"]

يالمحجوب عن العين- - -تبقه لشوكت صابـر


چبد الصادق ايسموه- - -يالغايب وذر صايـر


---------------




يالغايب الك ياعين- - -تغمض علهظم وتنام


ناس التنتظر فجرك- - -اصبح هالفجر احلام



ناس الحملت الاوجاع




تنهض رادتك فـزاع- - -للحگ مابگاله اشراع


ابموجات الفتن تهنه- - -واحدنه صفه حايـر

---------------


حايـر كـل فكـر حايـر- - -يالمهـدي مچانـك ويـن


يـاسچه التـمـرّ بيـهـا- - -يـادرب المشيتـه امنيـن


مانحمـل بـعـد اكـثـر- - -احملنه امن الدواهي اسنين



يمته الشخصك انشوفه



ايصلي ابمسجد الكوفه- - -وجيشك شاهر اسيوفه


بيهم تاخـذ الثـارات- - -وانته اعله الظلم ثاير



----------



ثايـر للعدالـه انريـد- - -يالغايب دسـل سيفـك


واحنه اوياك حد الموت- - -يالما تطـرد الضيفـك


لو نصبر بعـد اكثـر- - -هـذي ظلـت ابكيفـك



چم ثار الألك چم ثار



چم دار انسبت چم دار- - -چم طفل احترگ بالنار


وحراير كل بني هاشم- - -الهن مايصح ناصـر



--------------




اسمع صوتـه للـوالاك- - -ينـدب بـس يمهدينـه


امصاب المرّ عليك اليوم- - -يالمحجوب مـرّ بينـه


گطعوا چبـدة الصـادق- - -وكل واحد بچت عينـه



بالسم مردوا چبده



ياذنب الذي عنـده- - -هوه المصطفى جده


شيقدم عذر باجـر- - -چتاله الذي جايـر



-----------




جاير عالنبـي جايـر- - -كلمن حـارب العتـره


باچر بالحشر لو صار- - -شينفعه بعـد عـذره


اچبود اتلاهبت بالسم- - -انحور امگطعه الزهره



يالغايب لفاك امصاب



چبد الصادق اللي ذاب- - -غيابك لامته الغيـاب


من غيرك يبو صالح- - -ابسيفه يجبر الخاطر



[/frame]

[جارية العترة]

[glow=#dd00ff]في وفاة الأمام الصادق (ع )[/glow]
[frame="9 80"]



[mark=#00eeff]بالصادق ياهو ايعزينه
[/mark]
-----------

كل يوم امصاب ايروعنه

لاساعه الينشف مدمعنه

والليله الصادق يفجعنه

والاحزان اتعود اعلينـه

------------------

اعلينـه الاحـزان اتوالفنـه

امصايـب وياهـا اتحالفنـه

چم شوغه اوحسره اللي شفنه

وفجعونـه الليلـه ابوالينـه

----------------

فجعونه اشچم مرّه او مرّه

من يوم الهظموا للزهـره

اباب الدار اوذيچ العصره

وبسمار الباب ايحاچينـه

-----------------

ايحاچينه البسمار اوشاهد

ضلعين انكسرن مو واحد

وعن محسن تنشد لو رايد

دمـه البالعتبـه ايدلينـه

--------------

ايدلينه اشچم روعه اوروعه

بنحور البالطف مگطوعـه

واليـوم الأمـه مفجوعـه

بالصادق چبـده اموذرينـه

-----------

عالصادق مفجوعه الأمه

اتگطع چبده ابشدة سمه

وچبد الهادي الليله ايألمه

ابفگد الصادق هلت عينه

----------

چبد الصادق گطعوه بالسم

وچبد الزهره اعليه يتألم

مفجوعه اونصبتله المأتم

ليها انواسي وتواسينـه

[/frame]

[جارية العترة]

[mark=#0073ff] في حق الامام موسى ابن جعفر (ع )[/mark]

[frame="9 80"]
اتوصيك امك بعد الـروح- - -للكاظـم يوليـدي اتـروح
اطلب منـه اوبالله اتوسـل- - -شعندك حاجه ومشكل ينحل
---------------

يوليـدي امـك جـرّبـت- - -من گبل من چنت ازغيـر
أعليهـا الليالـي دلهمـت- - -مضنوكه بالعيشه اتحيـر
هم العليها امـن العسـر- - -ماينوصف يبنـي اچبيـر
ودعني ابوك انتـه طفـل- - -وهاكُبرك اوليدي اتصيـر
احچيلك يبنـي اشسويـت- - -للكاظم بهمومـي امشيـت
وذاك الحال المـرّ اتبـدل- - -شعندك حاجه ومشكل ينحل
للكاظم يوليدي اتروح
-----------

يوليدي امـك فـد سنـها- - -بذاك الزمان اللـي فـات
رمدت اعيوني امن القهر - - -وماشوف بيهـن هيهـات
لادوه ينفعـنـي بـعــد- - -انحبست ابعيني الدمعـات
يبني ابعباتـي اتحزمـت- - -واثنين اخـذت الرايـات
لموسى ابن جعفر طبيـت- - -اگعدت ابضريحه وبچيـت
وگتله الغيـرك لاماانـذل- - -شعندك حاجه ومشكل ينحل
للكاظم يوليدي اتروح
--------------

يوليدي وانـه ابحضرتـه- - -واشتم عطـر ورياحيـن
لحظه واحس عيني بـرت- - -وراح الرمد مـن العيـن
مـن عگب مامتعلعـلـه- - -ابهذا الرمد صار اسنيـن
الوادم البالحضره اسمعت- - -صاحوا يرمده اتشوفيـن
طلبوا صحت منه امـراد- - -يگضي الحاجه الكل گصاد
وامر المتعسـر يتسهـل- - -شعندك حاجه ومشكل ينحل
للكاظم يوليدي اتروح
-----------------

إي يبنـي لتظـل ابقلـق- - -بصـدرك تظـل الآمــك
وچبير همـك لـو نمـت- - -وسوده تشـوف احلامـك
بعدك شباب اعله الوكـت- - -اومستقبـلـك جـدامـك
للكاظـم امشـي ابهمتـك- - -ويمـه تفـك احـزامـك
يطرد من گلبك هالخـوف- - -تعناله يوليـدي اوشـوف
اي يبني عالباري اتوكـل- - -شعندك حاجه ومشكل ينحل
للكاظم يوليدي اتروح
--------------

يبنـي اسولفلـك بـعـد- - -بالشلـل واحـد منصـاب
ابعتبته الكاظـم شاهـدت- - -من گلبه وجهلـه اعتـاب
گلـه اجـيـت ابعلـتـي - - -واليجـي يمـك ماخـاب
ساعتها من جسمه الشلل- - -يبني وحگ عينك غـاب
گام اعله حيلـه وفرحـان- - -وهلهلـت كـل النسـوان
اليگصد يبنـي مايتفشـل- - -شعندك حاجه ومشكل ينحل
للكاظم يوليدي اتروح
------------------

هالساعـه گوم اوبالعجـل- - -للـكـاظـم وتمشـيـلـه
ويـاك هـذي شيلـتـي- - -واعگدهـا يمـه الشيلـه
يوليدي وانته ابحضرتـه- - -اشعنـدك هظـم احچيلـه
وگله يمـن بيـك البخـت- - -- - -رايـد امـرادي الليـلـه
يجليهـا الهمـوم البيـكشماردت منـه ايرضيـك
يوليـدي ايگلـك اتدلـل- - -شعندك حاجه ومشكل ينحل
للكاظم يوليدي اتروح

[/frame]

[جارية العترة]

[mark=#00ffdd] في حق الأمام موسى ابن جعفر (ع)[/mark]


[frame="9 80"]
يالزاير اگصد للكاظم- - -دگ بابـه دگ بابـه
ميرد الطالب ميـرده- - -للكاظم من تدخل عنده

دگ بابه دگ بابه

- - -


يزاير لوردت للكاظـم اتعنـه- - -باب امراد نعرف للگصد عنه
اطلب حاجتك واطلب اشتتمنه- - -چم برهان شفنه اومعجزه منه
اطلب من راعيهـا الحاجـه- - -دگ بـابــه دگ بـابــه
لو واعـد مايخلـف وعـده- - - الكاظـم مـن تدخـل عنـده

دگ بابه دگ بابه
- - -


چم برهـان ماتنعـد براهينـها- - -لأعمه لو يطبله ايرد نظر عينه
الكاظم للموالي ابشدته ايعينـه- - -سولفله يزايـر بينـك اوبينـه
لـو گتلـه معتـاز ايعيـنـك- - -دگ بـابــه دگ بــابــه
چفـك بـس للكاظـم مــده- - -للكاظـم مـن تدخـل عـنـده


دگ بابه دگ بابه

- - -

للكاظم لّـون مظيـوم يالزايـر- - -مايرضه يشوفك منكسر خاطـر
يگضي حاجتك متظل بعد حايـر- - -من مثله مضيفه ابكل وكت عامر
بحر الجـود اوگاضـي الحاجـه- - -دگ بـابــه دگ بــابــه
ايخلصـك لوطايـح بالـشـده- - -للكاظـم مـن تدخـل عـنـده

دگ بابه دگ بابه
- - -



اگصد للمضيف اواعتني يمه- - -واگعد لوتريد ابگبته اتكلمه
همك يالموالي الكاظم ايهمه- - -بيده لليطبله حاجته ايسلمـه
روح اوفك احزامـك يمـه- - -دگ بـابـه دگ بـابــه
الجرح ايامك والله ايضمـده- - -للكاظم مـن تدخـل عنـده

دگ بابه دگ بابه
- - -


يالهمك چبيـر وحّيرتـك دنيـاك- - -ولو عندك عزيز وغاب من عيناك
للكاظم اتعنه واخذ رايـه اويـاك- - -يفرّح مهجتك وللي تريده انطـاك
ميفشـلـك مـــن تتعـنـالـه- - -دگ بــابــه دگ بــابــه
حملـك مـن ايمـيـل ايسـنـده- - -للكاظـم مـن تـدخـل عـنـده

دگ بابه دگ بابه
- - -


اشكثر ناس ابضريحه اتطوفه وبلهفه- - -البيه علّه اوتوسـل علّتـه تشفـه
والماله دوه امن الكاظـم الوصفـه- - -من الله الكرامه الشيعتـه اوعطفـه
جــرب وتعـنـالـه ابـهـمـك- - -دگ بــابـــه دگ بــابـــه
يمـه اتـوسـل بالـلـي اتعـبـده- - - للكـاظـم مــن تـدخـل عـنـده

دگ بابه دگ بابه
[/frame]