[جارية العترة]

[mark=#00ffff]قصـــــا ئـــــد عشـــــرة عاشــــــــــور[/mark]

[frame="9 80"]

[glint] هلالــيـة [/glint]

هلال الحزن لوهليت- - -نايحه تخلي ابكل بيت
دم انـــحــــور- - -يــاعــاشــــــــور
---------
هلال الماسي والحزن- - -چم نايبـه اتراوينـي
اتذكرني بنحوراخوتي- - -تنزف اشوف ابعينـي
ماسلم بيك اليرتضـع- - -يـهـلال لتبجيـنـي
ابچيت اشكثر من الالم- - -ياصوره اللي اتنسيني
ياصوره ظلت بالعيـن- - -انگطعن لخويه الچفين
وخــوف اوجــور- - -يــاعــاشـــور

---------



يهـلال ريتـك لاتهـل- - -لاتطـلـع اولاشفـنـاك
يعصرنه يهـلال الهظـم- - -من يمر بينـه طـرواك
اعيوني اليتامه اتهل دمع- - -يهـلال لا مـا تنسـاك
واطفال اخوتي اتسحگت- - -بالطف تشاهـد عينـاك
عبـدالله لمـن ذبحـوه- - -من دم وريده ايشربـوه
مــومـــعـــذور- - -يــاعـــاشـــور

---------


اتذكرنه يهلال ابصـور- - -ضيعـت كـل الاحـلام
تذكار ظل ثوب العـرس- - -عدنه اويه شمعة جسـام
رمله اعله ابنها ماغمض- - -لحظـه جفنهـا اولانـام
يهـلال ظلـت تنـتـح- - -حرموهـا منـه الظـلام
ام اوضناهـا مـذبـوح- - -بالحزن ظلـت والنـوح
اتـــوج ابـخــور- - -يــاعـــاشـــور


[/frame]

[جارية العترة]

[mark=#aa00ff] هـلالــيــة[/mark]


[frame="9 90"]

[gdwl]يهلال الماسي والحزن والهم- - - بدرك لاطلع ريت البدر لاتم[/gdwl]

من دنياك ريت اتغيب للتالـي- - - يالبيك العزيز افگدته والغالـي
زينب انه زينب واشجره بحالي- - - ارماد الخيم شفته أبكربله والدم

__________________

يهلال الحزن من ريت لاشفناك- - - جبتلنه النوايب لاهله ابطرواك

يهلال اشتظن يهلال هم أنساك- - - بيك اليرتضع يهـلال مايسلـم

__________________

يهلال اشكثر چم بدر بيـك الغـاب- - - چم طفله وطفل چم أخو راح وشاب

شيفيد الدمع لوله الدمـع ينسـاب- - - وأعليه النهار أمن الحـزن اظلـم

__________________

أظلم كل نهار اللي يمـر بيّـه- - - لحسين امن أذكره وجثته مرميه

ومن طاح العلم وچفوف راعيه- - - حيلي ابطيحته يهـلال يتهـدم

__________________

انهدم حيلي اعله اخوتي الراحوامن ايدي- - - بيهـم هيبتـي وهمـه فـرح عـيـدي

ورمله مـن شفتهـا أتصيـح يوليـدي- - - أبعرسـك ردت افـرح هالفـرح ماتـم

__________________

ماتم ريت گبل الطف خلـص عمـري- - - ولا صوت اسمعت خويه انكسر ظهري

وحده حسين ظل يهلال خـو تـدري- - - على العباس اخويـه اشلـون يتالـم

__________________

يتالم أخويه حسين لعضيـده- - - حامل رايته من راح من ايده

والاصعب وأشد ابطيحة اوليده- - - عالتربان جسم الاكبر اتخـذم

[/frame]

[جارية العترة]

[mark=#0055ff]في خروج الحسين (ع)من المدينه الى كربلاء[/mark]


[frame="9 90"]
يالماشي بعيالك ---- وين السفر وين
والمكه عايفها تبچي مشارفها
وين السفر ويـــــــــن
__________________

وين يحسين ابمسيرك وين ولياديره گاصد

اوياك اطفال اوحراير بالحراير وين رايـد

أطويل دربك والمخاطر وناس عالباطل تزايد

وأنته للذل ماتريده اتريد عالعـزّه تجاهـد

ودعت يحسين الوطن- - -أتجاهد أتريد أهل الفتن

ومشيت بدروب المحن- - -والهدف للمجد واحـد

وتشـاهـد اگبـالـك- - -بـس ظلـم يحسيـن

خطـطـت يافـكـره- - -لوناهـض ابـثـوره

وين السفر ويــــــــــــن
__________________

شفت بعيونك مظالـم عشـت أيـام أبالمهـا

جنت بالكوفة اوشفتها اشلون من باعت ذممها

ناس لادين اللزمها اوناس الاطماع التهمهـا

بيها مسلوبه الضماير طاعت ابليس ألحكمهـا

من عهد ابـوك النكثـه- - -ولبـن الدعيـة طاعتـه

الديـن ابطمعهاباعـتـه- - -وعالشريف أتصب حممها

متعـنـي باطـفـالـك- - -الهـم وفــه امنـيـن

والكـوفـه مـاتـنـراد- - -تحكمهـا نـاس اوغـاد

وين السفر ويـــــــــن
__________________

گبل من چان الصميده والدك يشرف عليهم

راد كل الخير الهـم والمنافـع راد ليهـم

كل مشاكلهم يحلها اومايريد العـوز بيهـم

الهم ايقدم عطايه ومارضه أيمدون ايديهم

ابكهف الفقير اصبح شمس- - -علمهـم ابعطـفـه درس

ايعيشـون وبعـزه نفـس- - -والنعـم گامـت تجيـهـم

يـوفـولـك حسـبـالـك- - -مـوشـفـت بالـعـيـن

للعـهـد مــن نكـثـوه- - -والـوالـدك غـــدروه

وين السفر ويـــــــــن
__________________

طلبتك كل العشاير گالـوا أقـدم أحنـه عنـدك

أسيوفنه أمشرعه النصرتك مايصح بينه اليضدك

وانته ابن چتال مرحب والنبي يحسيـن جـدك

دونك انجاهد نضحي ماتظـل بالشـده وحـدك

مانبخل أعليـك الدمـه- - -أي وحگ امـك فاطمـه

والامـر ليـك انسلمـه- - -انعاهدك نبقه اعله عهدك

نتـنـظّـر أهـلالــك- - -بـيــن الميـامـيـن

وانتـه أظعنـت ليهـم- - -امـن الشـر تحاميهـم

وين السفر ويــــــــــن
__________________

ودعت جدك وأخوك أوأمك الزهره أبگبرها

وكل حراير بني هاشم أجت وياك ابصبرها

والمخاطر بيك حاطت وانته تعرفها اشكبرها

ابغايتك للباري عازم خفت لايطغي كفرهـا

الاصلاح چانت غايتك- - -تصلح وضعها الامتك

وتگول هيـه رادتـك- - -ابنهضتك تجبر كسرها

ميهـمـك اجـالـك- - -ميهـمـك الـبـيـن

لـلامـه تصلحـهـا- - -اتغـيـر ملامحـهـا

وين السفر ويــــــــــن
__________________

عاهدت هالامر هذا مااتركه ابگطـع نحـري

وحتى لوخيل المنايه تسحك أتكسره الصدري

وحتى لو دم الضحايه اخوتي أو شباني يجري

درب الــشــهــاده امــواصــلــه

لـــو يـجــري دمـــي ابكـربـلـه

وتــظــل يـتــامــه الـعـايـلــه

هذا درب العدل هذا للعدل ناذر لـه عمـري

[/frame]

[جارية العترة]

[mark=#f200ff]في خروج ظعن الحسن (ع) من المدينه الى كربلاء[/mark]




[frame="9 90"]

طلعت أمن ألوطن يحسين - - -ويـن اتريـد بظعونـك
ودع جــدك أو امــك- - - يبني اوخـل يودعونـك

الزهره من گبرها اتصيح- - -وين اتريد يبني حسيـن

مو هـذا وطـن جـدك- - -وبحضنه ربيت أسنيـن

أديار أهلك عشت بيهـا- - -تظعن بالحـرم لاويـن

أومكه ليش عايفها

بچت يبني مشارفهـا- - -ولو نشدت مضايقهـا

عنك يبو اليمه اشلون- - -وحشه اديارها ابدونك

__________________

وحشه اديارهـا ظلـت- - -يبني حسيـن ماتنـراد

عازم عالمسير اليـوم- - -چنكم عني صرتوا ابعاد

هيجت الالـم يحسيـن- - -وبضلعي الالـم يـزداد

يبني وين منواكم

وين الصوت ناداكـم- - -حرم واطفال وياكـم

ماشي والطريق ابعيد- - -خاف اعداك يولونك

__________________

خاف إعداك يبني حسين- - -گبل ماتوصل أيغـدروك

وانته اطفال هاي أوياك- - -كلها ابعازتـك يـردوك

الحراير ياهو ير عاهـا- - -لوكل أخوتـك عافـوك

يمن عايف وطن جدك

باچرلو صرت وحـدك- - -ولاناصر يظل عنـدك

ابزينب بعد من يهتـم- - -وعنها غمضت اعيونك

__________________

زينب من عگب عينك- - -ياهو اللـي يباريهـا

ولو راح الاخو عباس- - -يبني اعـداك توليهـا

عزيزة فاطمـه امـك- - -زينب عينك اعليهـا

يحسين الاخو هيبه

أتفگد أكبر مصيبـه- - -أمنين ألها أخو أتجيبه

أختك تصبح ابيا حال- - -لو شافت يسلبونـك

__________________

ارجع للوطن يحسين- - -وخلها سالمه اعيالك

الكوفة وحش منبتها- - -ومنها الغدر يدنالك

غدرت گبل بالكرار- - -وبيها اليوم جتالـك

الكوفه صدك مابيها

الباطل سيطر اعليهـا- - -ماهو ابعيده ماضيهـا

نكثت عهد داحي الباب- - -وخلافـه يطلبـونـك

[/frame]

[جارية العترة]

[mark=#00ffdd] في حق العليلة (ع) [/mark]

[frame="9 80"]


عليله اوياكم اخذوني-- - -- وراكم يعمن اعيوني
يهلي اعليه ميهون -- - -- -عن عيني تغيبـون

بويه حسين تعال اهنـاه-- - --وسط الدار ظـل يمـي

اخوتي اوياك هم يرحون-- - --بويه اوياك حتـه امـي

بلچي ايظل علي الاكبـر-- - --وابو فاضل يظل عمـي

لولا عالسفـر ناويـن-- - --واحير ابعلتـي اوهمـي

نحيله مرض تدرونـي-- - --شلون الكـم تعيفونـي

ابظعنكم ويـن تـردون-- - --عـن عينـي تغيبـون

-- - --

وحدي مااظـل بالـدار-- - --طفله اشلون اظل وحدي

عليلـه والألـم بـيـه-- - --ودمعي يحفـر ابخـدي

وآنه ابغيركـم يحبـاب-- - --بالدنيا اشيظـل عنـدي

عگب اعيونكم ياريـت-- - --يهلي نايمـه ابلحـدي

اذا صرتوا تودعونـي-- - --تجرح الدمعه بجفونـي

بعد شتشـوف العيـون-- - --عـن عينـي تغيبـون

-- - --

بويـه حسيـن حاچينـي-- - --عگبـك بيـش اتصّبـر

عليله والفراگ النـواب-- - --شحمـل بعـد مــااگدر

بعدني ازغيره عالشوغات-- - --بعدني ازغيره واتمرمـر

يبويه اومن اظل بالـدار-- - --وحدي الحالتـي اتصّـور

احمـل ظيـم تـردونـي-- - --ابسفركـم لاتعذبـونـي

روحي تصبـر اشلـون-- - --عـن عينـي تغيـبـون

-- - --

سفرتكـم طويلـه هـاي-- - --يـوم انتظـر چم يــوم

اتنطـر ابّـاب الــدار-- - --وهـذا اغيابكـم ميـدوم

يهلـي اوماتظـل العيـن-- - --جفنها امن الوسن محروم

ودار اللي خلـت منكـم-- - --يبويه الحزن بيها ايحوم

يهلي انگطعت اظنونـي-- - --بخوتي مـن يودعونـي

اعله اختكـم ماتحنـون-- - --عـن عينـي تغيـبـون

-- - --

يدار الظلت مـن اهلـي-- - --ماريـدچ بعـد يــادار

شنهوا مضيفين اليـوم-- - --عندچ لو هلـي خطـار

ابغفله عـنچ ايرحلـون-- - --اشعدهم چانت امن اعذار

ساروا و المسير ابعيـد-- - --ومنهم ماتردني اخبـار

عليكم مـن ينشدونـي-- - --اگول احبابـي ينسونـي

الوطنكم هـم تعـودون-- - --عـن عينـي تغيبـون

-- - --

ظعن اهلي مشه اوظليت-- - --وسط الـدار محتـاره

عيني عالدرب والبـاب-- - --بلچي اتدگهـا خطـاره

بلچن طارش امن اهلي-- - --يجيني اوحامل ابشـاره

يگلي ظعن ابوچ حسين-- - --سالـم عـاد لـديـاره

ولو مـرّه تفرحونـي-- - --گبل ماميتـه تلگونـي

ومينفع بعـد تـبچون-- - --عـن عينـي تغيبـون

[/frame]

[سليلة العترة]

[mark=#00ccff]في حق فاطمه الصغرى بنت الحسين (ع) العليلة[/mark]

[frame="9 90"]

[gdwl]لوين ابهالظعن ماشين منواكم-- - --عليله اوماظن اگدر ابلياكـم[/gdwl]

عليله اولو مشيتوا من يظل يمي -- - --خلّيه الدار أحير ابدمعتي اوهمي





يبويه اوياك تمشي لو تظل امي -- - -- لو كل اخوتي يرحـون وياكـم

----------

اخذوني يبويـه اوياكـم اخذونـي-- - -- عليله و الدمع لو والف اعيونـي

اعيش اشلون بويه اشلون تردوني -- - --وگلبي مابعد بيـه حيـل فرگاكـم


----------


حيل امنين الـي بضعونكـم ماشيـن-- - -- زغيرونه العمر خوتدري خمس اسنين

وانه ابهالزغر وحدي اظـل يحسيـن-- - -- لابـويـه اخـذنـي والله يرعـاكم


----------


ليش ابقه ابحزن بالدار واتنطر-- - --وعيني للدرب يحسيـن تتفكـر

اجيب الصبر گلي امنين واتصّبر-- - --ولابيـه ادوّر حتـه الگاكــم

----------

الگاكم صدگ يو لا بعـد هيهـات -- - --وليه مابعد يرجـع زمـان الفـات

روحي امنين تحمل ها كثر شوغات -- - --لومن شوفكـم تحرمنـي دنياكـم


----------



عمري لابعد بويه عشت يومه -- - --ولاعگبك اظل ابداري مهظومه

مالومه الدمع يحسين مالومـه -- - --وحگي لورحت يابويه انعاكم

----------

وين ابهالسفر والسفرچنه ابعيد -- - --والامي عليّه لورحلتوا اتزيـد

ماريد العمر من دونكم ماريـد -- - --چنه الكربله هالصوت ناداكـم


----------

ناداكم الصوت الكربلـه تمشـون -- - --شصبر من اودعك والوداع ايهون

اذكروني عليله بويـه لاتنسـون -- - --اتعودون ابسلامه بويـه ارجاكـم

[/frame]

[جارية العترة]

[mark=#00fff2]في مصيبة العليله بنت الحسين (ع)[/mark]
[frame="9 80"]

لاتنسونـي لاتنسـونـي- - -يعمن من ترحون اعيوني

__________________

يالرايح بويه ابها السفـره- - -گلبي أعليك أشراح ايصبره

يمته ايرد ظعنـك انتظـره- - -يـولا بالظيـم اتعيفونـي

__________________

ماظلـن وحـدي ابليـاكـم- - -اشلون اگدر احمل فرگاكـم

فدوه اخذوني اخذوني اوياكم- - -اشلون ابهالحاله اتخلونـي

__________________

يرضيكم طفلـه اتعيفوهـا- - -وحشه ابها الدار اتخلوها

ماتحمل روحـي تدروهـا- - -بيمن لو رحتوا اتصبروني

__________________

خليلي امن اخواني واحد- - -وگليبي العبد الله رايـد

ايسليني ويمي متواجـد- - -لمن يابويـه اتوافونـي

__________________

اتوافوني بويه ابعودتكم- - -وعيوني اتشاهد لمتكـم

ترضاها اشلون امروتكم- - -مايحمل گلبي اتودعوني

__________________

اتودعوني لا مـا اتصّبـر- - -خلي ايظل چا يمـي الاكبـر

يابويـه ماحـمـل اكـثـر- - -اويه الموت امنازع شوفوني

__________________

خالي اخلافك لو ظل دارك- - -وتعنوا نشـدوا خطـارك

شعرف يابويه إمن اخبارك- - -منواكم ويـن اتخبرونـي

__________________

جاوبها حسين انوديـلچ- - -عمچ عباس ايسر عينچ

يبنيتي اوبطليه لو نينچ- - -گالتله بويـه اتعذبونـي

[/frame]

[جارية العترة]

[mark=#d1afc5] في حب الحسين (ع)[/mark]





[frame="9 80"]

انكسر ظهري چثيره اذنوبي يحسين- - -اشلون اهناك باچر ياضـوه العيـن

حـبــك مـعـتـقـد بــيــه- - -نـجـاتـي مـــن الاهـــوال

- - -

اشوف ابعالم الرؤيـه چن يلحدنـي دفانـي

عليّ باب اللحد سدّه ومشوا صحبتي واخواني

ظلام اووحشته ظليت نكير اومنكـر الجانـي

اگعد يالعبد جاوب شجـاوب عگدوا السانـي

مرعـوب اوأصــد بالعـيـن- - -لچن گلبـي نـطـق بالحـيـن

خـادم لبـو اليمـه حسـيـن- - -ابخدمـة حسـيـن عنـوانـي

صحيبي ابوحشتي حب ابو اليمه- - -ينوَّرلي الگبر تنجلـي الظلمـه

ابنـوحـي اوخدمـتـي لـيـه- - -نجـاتـي مــن الاهـــوال

- - -

عافوني اوخفوا بالحين لن حسين يلفاني

يگلي يالچنت تتذكر حشاك اهناك تنساني

حاضر يالمحب يمك شفيع الباري خلاني

وكل الي ذرف دمعه ادخله اوياي بجناني

تطفـي النـار هالدمـعـه- - -وبلحـدك الــك شمـعـه

ترثيـنـي بـألـم تنـعـه- - -تبجـي النـاس تنعـانـي

افرح يالذرفت اعليه الدموع- - -افرح يالكتبت الشعر مسموع

ابلهفـه صـادق اعلـيـه- - -نجاتـي مــن الاهــوال

- - -

ابمد البصر وبلحظه وگفت ابساحـة المحشـر

واشوف النبي واولاده اايمتي اشبحت ليه انظر

النواظر لاحن العباس من شوگي ركضت اعبر

على الوادم وأهم اعليه اشبگه ومنـه اتعطـر

تـلگانـي بـــلا چفـيــن- - -حَظنـي احظنـتـه بالزنـديـن

لــن ذاك السـهـم بالعـيـن- - -مــن يـكــت دم أحـمــر

واجت زينب وسكنه وذيچ الاطفال- - -نظرن للولـي والدمـوع همـال

ودمـعـي اويـاهـم اجـريـه- - -نجـاتـي مـــن الاهـــوال

__________________

العبره اهناك خنگتني مرّ موقف رهيب النـوب

حرمه وحالها يفجـع ملهوفـه تـدور اتلـوب

دم الدموع جريانـه تلطـم والگلـب معطـوب

بس يحسين آه يحسين تصرخ والسمعها ايذوب

اثـاري ام البنيـن اهـنـاه- - -امضيعه اعزيزهـا اوتـلگاه

ابـو اليمـه الطفـل ويــاه- - -نبـل ابمنـحـره مصـيـوب

لصدره ضامه عبد الله وحسين- - -منزوع الچبد بمثلـث البيـن

أمـامـي گمــت انـاديـه- - -نجـاتـي مــن الاهــوال

- - -

يميني انظرت بعيوني بصرت الحشر والوادم

كلها واگفه اهناكه مبغـض محـب والنـادم

لن سمعي دخل له صوت غضوا البصر للقادم

طخوا روسكم يانـاس نظركـم للجـدم لازم

لـن الطاهـره ام حسـيـن- - -بديـهـا رافـعـه الچفـيـن

ومثلـث اوسـهـم العـيـن- - -يـتگاطــرن كـلـهـن دم

اتگله ياالهي اشذنب الچفوف- - -انگطعن ياالهي برض الطفوف

وحزني اوياهـا بيهـا ابديـه- - -نجـاتـي مــن الاهــوال

- - -

اجاها الصوت اشتامرين گالت سيدي المعبود

اريدن شيعتي منك منطيني عليهـا اوعـود

كلها ابجنتك يارب اريد اتجازي يالمحمـود

واطلب مغفره ليهم وبالرحمه عليهـم جـود

تـدري يالـهـي ابــدم- - -واسونـي وتحملـوا هـم

دم اعلـيـه مدمـعـهـم- - -وهاي ادموعهم الشهـود

الهي شيعتي لمصابي ناحت- - -الهي شيعتي بدماها ضحت

وهـذا المحـب جـازيـه- - -نجاتـي مـن الاهــوال

[/frame]

[جارية العترة]

[mark=#db9090]ولائيه للحسين (ع)[/mark]

[frame="9 80"]

كلمن خدم لحسين - - باچر قرير العيـن

والزهره تشفع ليها- -بهالخدمه وتجازيه

اسعي يالرايد نجاتـك- - - واربح ابهاي الخدامه

الغيره هالخدمه مذلـه- - - وخدمة حسين الكرامه

واليجّد بالخدمه حصّل- - - يرفع البـاري مقامـه

الهادي گال حسين مني- - - وآنه منه ابنص كلامه

والـي الــذي والاه- - - وعادي الـذي عـاداه

وحبلـه تمسـك بيـه- - - ابهالخدمـه وتجازيـه

اتمسك ابهالخدمه جاهد- - - يالمحب واعلن ولائك

وافتخر عالدنيه كلهـا- - - ابخدمتك طرّز لوائـك

ابذل اشما غالي عندك- - - ياحسين ايظل ندائـك

واسخي بالمال اوبنين- - - وفدوه لو تبذل دمائـك

لاتبخـل المجـهـود- - - جود ابخدمتـك جـود

شتضحـي متوفـيـه- - - ابهالخدمـه وتجازيـه

- - - -

ياشرف هـذا التحملـه- - - يالمحب خدمـه امامـك

لوردت باچر محمـد ص- - - بالحشر يكـرم مقامـك

اتوشح اوشاح الخدامـه- - - ابصدرك اوعلگ وسامك

عابس اوجون اوبريـر- - - اوياهم اعلن عن غرامك

ابساحـة ولاء حسيـن- - - وي صحبتـه الطيبيـن

ابـدم منحـرك افديـه- - - ابهالخدمـه وتجـازيـه

- - - -

عالعهـد يبقـه عهدنـه- - - انجـدده بالـدم نوقعـه

ونهتف ابصوت الـولاء- - - وللسمه السابـع نرفعـه

ياحسيـن وياحسـيـن- - - وخلي كل لايـم يسمعـه

احنه عدنه حسين ثوره- - - حسين عبره حسين دمعه

لمـن يجـي عـاشـور- - - دمنـه يظـل ايـفـور

وكـل شيعـه اتواسيـه- - - ابهالخدمـه وتجـازيـه

- - - -

نبقه اصحاب المبـاديء- - - عدنه نخوه وعدنه غيره

واليحب حسيـن لابـد- - - عايش حسين ابضميره

هوه علمنـه الصمـود- - - ابوجه الاحقاد الشريره

ابدربه قدمنـه ضحايـا- - - سرنه كلنه ابهالمسيـره

قدمـنـه دم انـحـور- - - ومشينـه درب النـور

اتفـوز الـذي اتواليـه- - - ابهالخدمـه وتجـازيـه

- - - -

يالخدمت حسيـن افـرح- - - هالخبـر واثـق اخبـرك

وانته متفانـي ابخدمتـك- - - وانگضه ابهالخدمه عمرك

لو متـت لتظـن تعوفـك- - - فاطمه الزهره تحضـرك

وهيه بعيـون الشفاعـه- - - بت محمدص من تنظـرك

والـزهـره ماتنـسـاك- - - بالوحشـه هيـه اويـاك

وكـل خـادم اترضـيـه- - - ابهالخدمـه وتجـازيـه

[/frame]

[جارية العترة]

[mark=#7b82c7]حسين اللي هويته بنص گلبي لگيته
[/mark]

[frame="9 80"]
حـبــه مــــن بـنـيـتـه -- --ابـنـص گلـبــي لگيـتــه

- - - -

گالوا مات گالوا غاب ابو الاكبـر- - - ثلاثه اعله الترب من صار مبياته
گالوا مات شافوا يرهـب المنظـر- - - لأن مطرت دمه لجلـه سماواتـه
رسم صورة خلوده من دمه المنحر- - - قطب الكون صار اوعالـم ابذاتـه
حـبــه مــــن بـنـيـتـه - - -ابـنـص گلـبــي لگيـتــه




راسه اعله الرمح والراس من كبر- - - سمع حتى العرش ترتيـل آياتـه
من ظل بالشمس وبجسمه المطبر- - - حفظن منهج الله وشرعه طبراتـه
وصدره البالحوافر لمـن اتكسـر- - - اصبح كل ضلع سـور الرسالاتـه
وبـســاحــة مـنـيـتــه - - -ابـنـص گلـبــي لگيـتــه

__________________


يامذبوح مثله عايش اتصـور- - - على هام المجد تعتلي راياتـه
ومن اسمه الطغاة اتهابه تتخدر- - - لأن صوت العداله ابكل ندائاته
واصبح للأبي ولكل شهم مصدر - - -وكل ثائر اشما چانت دياناتـه
وغصـنـه مــن جنيـتـه- - - ابـنـص گلـبـي لگيـتــه

__________________


لاللذله صوت حسيـن يتفجـر - - -رفض چفه المذله وعاف دنياته
حسين السال دمه ابكربله خضّر- - - شموخ اوتعتلي للديـن راياتـه
حسين الكل عبد من الظلم حرّر- - - العبد مخلوق ويه الكل مساواته
دربــه مـــن مشـيـتـه- - - ابـنـص گلـبـي لگيـتــه

__________________


راد الدين يسلم من دعـاة الشـر- - - گبـل ماتندثـر للهادي دعـواتـه
حلم عنده اوصبر من كل صبر اكبر- - - نعم للموت وبعـز كـل خياراتـه
الشهم هذا يعيش ابذلـه مـايگدر- - - وابد ماتسلم الكل طاغـي يمناتـه
اعـــرف كـــل هـويـتـه - - - ابـنــص گلـبــي لگيـتــه

__________________



والباري قسم كعبـة شـرف قـرر- - -حسين يصير گبره اشرف مزاراتـه
وتحت گبته الدعاء اينجي كل مضطر- - - وترابـه يشافـي اليشكـي علاّتـه
اذا أمـه البتـول وبيدهـا الكوثـر- - - ذكرها اكتـاب الله وحتـى توراتـه
لـحــظــه مـانـسـيـتــه - - - ابـنــص گلـبــي لگيـتــه


[/frame]