[mark=#2f24c7] في رثاء القاسم (ع) [/mark]
[frame="9 90"]
لتغيـب عــن العـيـن- - -عيـن امــك اربـيـه
يوليـدي گوم وشــوف- - -شـوف اشجـره بـيـه
بالحزن فگدك يبني خلاني- - -چان الامل جسام ترعاني
__________________
اوليدي اواعز امن العمرهو ضوه عيني- - -ذاخرتـه لايـام الكبـر امه ويبارينـي
من چنت اشوفه كل الم شوفته اتنسينـي- - -ام اومسعده بيه چنت فدوه اله اسنينـي
ابـنـي ابـغـلات الــروح- - -هـــوه ثــمـر گلــبــي
جــاســم عــمـود الـبـيـت- - -شـمـعـة ضــوه ابــدربــي
مذبـوح اشوفـك دهــري راوانـي- - -بالـحـزن فگدك يـبـني خـلانــي
__________________
جسام ابني اومهجتي وشكثر باريتـه- - -اما اوياما جاهـدت بالصبـر ربيتـه
ابني واخاف اعليه چنت بعيوني ظميته- - -بجفوني لو شفته غفه لوليدي غطيته
شـوفـتـه عـنــدي عــيــد- - -مگدر عــلـــى افـــــراگه
هــم صــدگ لـيــه ايـعــود- - -ويــــه أمــــه يــتــلاگه
يـولا بـعـد مــن راح ينسـانـي- - -بالـحـزن فگدك يبـنـي خـلانـي
__________________
دنياي وجهتلي سهم والجـرح مايبـره- - -ام اوگلبها اعله الولد ياونّـه التصبـره
خاطرها لمن ينكسر خاطرها شيجبـره- - -مو وكته عني يرتحل عمري على عمره
راح اصـــــفگت بــالـــراح- - -مــــن غـيـبــوا اهــلالــه
ومـنـيـن اجـيـتــه امـنـيــن- - -والـــفـــرگه چتـــالــــه
جاسـم يجـاسـم يلـهـج السـانـي- - -بالـحـزن فگدك يبـنـي خـلانــي
__________________
وين الگه ابني لوردت لبني اشم خـدّه- - -ملهوفه والله الشوفته او گلبي يرف بعده
كلسا يحاچيني الگلب ابنچ جزه وعـده- - -بلچن زماني بيه رحم سالم الي ايـرده
ام بــالــولــد تـــفــــرح- - -امــن اتشـوفـه طــب لـلــدار
لــو غـــاب عـنـهـا يـــوم- - -مـاتـسـتـقــر تــحــتـــار
آنــه شگولـــن راح مـاجـانـي- - -بالـحـزن فگدك يبـنـي خـلانــي
مني المنيه اخذته وفجعتنـي بوليـدي- - -جسام ريحانه الي هوه فـرح عيـدي
شلي ابنظر عيني بعد ياونتـي زيـدي- - -ياحسره حرگي بالچبد عالراح من ايدي
حسـبـالـي افــــرح بــيــه- - -اتــزفــه تــجــي ربــعــه
ابـعـرسـه نـــذر عــنــدي- - -روحـــــي أوج شــمــعــه
منـي يخطـفـه البـيـن يبـلانـي- - -بالـحـزن فگدك يبـنـي خـلانـي
__________________
حگي انوح اعله الابن لالا تلومونـي- - -اوحيد اليه ضنوتي ابعرسه يفجعوني
مذبوح بثياب العرس من يعمن عيوني- - -گبله تمنيت ابلحد ميتـه اويلحدونـي
سـيــوف الـعــده ورمـــاح- - -لــولــيــدي زفـــتــــه
ابـــدم رگبــتــه حــنــوه- - -ابـــنـــي الـمـيـتـهـنــه
محـد أجــه بالغـالـي واسـانـي- - -بالـحـزن فگدك يبـنـي خـلانـي
__________________
وين الذي فگدت ولد خل تجي تواسيني- - -نتشارك ابدمع الحزن مابينها اوبينـي
آنه الذي ذبح الأهل عينـي تراوينـي- - -بس جسد عني من مشه جاسم يخليني
روحـــي اخـذهــا اويــــاه- - - شلــي آنــــه ابــروحــي
اگضـــي الـعـمـر حـســرات- - -وبـــونـــي وبــنــوحــي
والمـوت صوتـه اسمعـت نـادانـي- - -بالـحـزن فگدك يبـنـي خـلانــي
[/frame]
في حق العباس (ع)
وأهل بيته وأنصاره سلام الله عليهم
