[جارية العترة]

في رثاء عبد الله الرضيع ( )

[frame="9 80"]

هاك اشرب يعبد الله دمـع عينـي

شحّ الماي يبنـي بينـك اوبينـي

_________________

شح الماي اجيب الماي گلي امنين

يبني مابگه غيـر الدمـع بالعيـن

ريت البين يعبد الله خذاني البيـن

بيدي اتمـوت هالدنيـه تراوينـي

_________________

تراويني الدنيه اتنـازع ابهالحـال

يازهـرة حياتـي ونبعـة الامـال

جمر اضماك يحرگ يبني بالـدلال

يچويني احس اضمـاك يچوينـي

_________________

يچويني واعايـن حالـك ابرهبـه

وعينك بس عله امك يالولد تربـه

راح اعصر اعيوني المايهن شربه

واخذ شريان گلبي اللـي يغذينـي

_________________

يغذيني القهر يبني واينن الـروح

واهزمهدك ييمـه بالالـم والنـوح

موهينه يعبد الله امن اديه اتـروح

بسواد الحـزن يوليـدي تخلينـي

_________________

تخليني ابحزني وحسرتي ا وروعي

ويظلن كل وكت دم تهمل ادموعـي

تسع تشهر مهد صارتلك اضلوعي

ييمـه ومـن اناغيلـك تسلينـي

_________________

تسليني چنت سلـوه يبعـد امـك

يعبدالله وچنت كل ساعـه اشتمـك

ليل انهـار اناطـر گاعـده يمـك

اعاين وجهـك الهمـي ينّسينـي

_________________

تنسيني اهمومي من اعايـن ليـك

عيني افراش الك وجفونها اتغطيك

لو من الهوه يوليدي اخاف اعليك

والياذيـك احـس يايمـه ياذينـي

_________________

شلون اليوم عنـي تبتعـد عنـي

وليش ام المنايـه اخذتـك منـي

يعبـدالله ييمـه ينگطـع ظـنـي

وايامي بعـد مـدري اشتراوينـي

[/frame]

[جارية العترة]

[mark=#6b2c62]
في يوم العاشر من محرم
[/mark]

[frame="9 80"]
ليـل اومـا مثـل هاليـل- - - موادع والدمـوع اتسيـل
صـحــت يحـسـيـن- - - اروحـــن ويــــن
موادع والدمـوع اتسيـل
_________________
خويه حسين هـذا الليـل- - - مثلـه ابــد ماشفـنـه
من چلچل ظلامه انشـوف- - - رهبه ابظلمتـه او خفنـه
آنـي والحرايـر خـوف- - - خويه حسيـن وارجفنـه
ولحظات العصيبـه هـا- - - يمانحملـهـا تعـرفـنـه
بالشـر هيسـت روحـي- - - اعليّه هاجـت اجروحـي
تــــبچي الـعـيــناروحـــن ويــــن
موادع والدمـوع اتسيـل
_________________
خويه اوگلـي باصحابـك- - - عنـدك نيـه تنشـدهـم
تتباصر اوياهـم شـوف- - - يـاراي الـذي عـدهـم
باچر والحـرب لوصـار- - - يصمـد خويـه واحدهـم
يـولا عالعهـد يحسيـن- - - والهالـيـوم رايـدهــم
يطمنـوك اويطمنـونـي- - - بـلچن تغمـض اعيونـي
يـهـالـطـيـبـيــن- - - اروحـــن ويــــن
موادع والدمـوع اتسيـل
_________________
يخويه او بالخيم زفـرات- - - مـن الحـرم اسمعـهـا
انظـر للربـاب ابعـيـن- - - علـه اليرضـع مدامعهـا
ماترضـه تنـام اللـيـل- - - بـاچر خـاف يودعـهـا
ايناغـي بالمهـد ليـهـا- - - اتسمعـه چن يودعـهـا
يبـنـي حـيـل مابـيـه- - - وعينـك شابحـه اعليـه
مــــاي امـنـيــن- - - اروحـــن ويــــن
موادع والدمـوع اتسيـل
_________________
خويه چن دليلـي احتـار- - - مصايـب چنهـا ملتمـه
رمله يـم ابنهـا اتلـو- - - بستـرك ربـي وتشـمـه
اتگله اوليدي هذا اليـوم- - - ذخـر ردتـك لبواليـمـه
چنهـا اوصيـة امـوادع- - - ودلالـي كـثـر هـمّـه
تودعه اوبالصدر حسـره- - - وبـاچر خـاف متنظـره
تـعـبـت اسـنـيــن- - - اروحـــن ويــــن
موادع والدمـوع اتسيـل
_________________
راحـت يـم ابوفـاضل- - - زينـب والدمـع يجـري
خويـه اتكلـفـت بـيـه- - - وانتـه اتكفلـت خـدري
مصباح الصبـح لوصـار- - - خافـن ينهـدم صـبـري
بيـه اشلـون ياعبـاس- - - وانـه امــدلله تــدري
اختـك ياهـو يرعـاهـا- - - وتحـتـار ابيتـامـاهـا
يــريــت الـبـيــن- - - اروحـــن ويــــن
موادع والدمـوع اتسيـل
[/frame]

[جارية العترة]

[mark=#3d7033]
ليلة العاشر من محرم
[/mark]


[frame="9 90"]

اشلون تطبگ هالمسيه اجفونها- - -وهالحراير بـاچر ايروعونهـا
_________________
للفجر ساعات هالليلـه جـزن- - -وصار ليل افراگ بيه يتوادعن
وخاف لوطرّ الفجـر يتروعـن- - -اتشوف بالمصرع جثث بعيونها
_________________
الليله أم اتشوفها ويـه الأبـن- - -ابلهفه حاظنته تشم نحره اوتون
اتگله ليل افراگ ريته لايجـن- - -اولا تخيب امك عليك اظنونهـا
_________________
ليل يرهب والحـرم متروعـه- - -اتشوف بنت اويه ابوها اتودعه
خوف ترجف لاتحـل الفاجعـه- - -ومن حنان الوالـد ايحرمونهـا
_________________
الليله چم ام خايفه اتهل الدمـع- - -والبواچي ابكل خيمهن تنسمـع
منهن اتنوح ابحظنها اليرتضع- - -ام مرضعه الخوف غير لونهـا
_________________
كلهن ابهاليل سرحـن بالفكـر- - -اشلون من هالليل يطلعله فجـر
چم مصيبه الهالحراير تنتظـر- - -لو تـروح اميسـره بظعونهـا
باچر ايشوفن خيمهـن تلتهـب- - -باچر ابياحـال لمـن تنسلـب
باچر اسياط الحراير تنضـرب- - -وسوده كل وحده تصير امتونها
_________________
آه ياليل الـوداع اشگد صعـب- - -بالوجل ياليل أمسه كـل گلـب
اليوم يمنه الزلم باچر بالغـرب- - -وزينب الحره العده ايشتمونهـا [/frame]

[جارية العترة]

[mark=#a63c3c]ليلة العاشر من محرم[/mark]

[frame="9 80"]

هذا الليـل ريـت الليـل لا خيّـم

خويه حسين باچر لاشمـل ملتـم

_________________

هذا الليل خويه حسين شيخبـرك

آنه اختك وصبري من عزم صبرك

يمصباح النوايب لايطـرّ فجـرك

والطول الدهر ياليـل ظـل أظلـم

_________________

ظل اظلـم يليـل الفجـر منريـده

ولاتفجع حسيـن ابذبحـة اوليـده

اخويه ايموت حته اليرتضع بيـده

ونحور اخوتي عالترب تنـزف دم

_________________

تنزف دم اشوف انحور عالغبـره

حته حسين اخويه ارويحة الزهره

راسه مايظل بالجسد بـس نحـره

الخيل اتسحگه وبحسين ماترحـم

_________________

لاتگطـع يليـل ابزينـب الامـال

چم راس ابصباحك عالرمح ينشال

لاتسلـم خيـم لاحـرم لااطـفـال

حتـه اليرتضـع ياليـل مايسلـم

_________________

لايسلـم رضيـع ولاخـدر النـه

وچفيـن الگمـر يتگطعـن منـه

وساعات المحن مدري شيراونّـه

بيها حسين اخوي ابهالمحن يعلـم

_________________

يعلم باليصير اعلينـه واليجـري

والليله انشده وحسرتي ابصـدري

آنه امخدره اولو ينسلـب خـدري

ابزينب يا اخو بيهـا بعـد تهتـم

_________________

من يهتم يخويه حسيـن بعيالـك

لو حزّ منحـرك يحسيـن چتالـك

وعباس الـذي ماعـاد لأطفالـك

امصيبه مابعد منها اشـد واعظـم

__________________

خويه حسين اختك رايده اتشمـك

وتقبلك تريد أوصيـه مـن امـك

وهذا الليـل مانامـه اظـل يمـك

من هالساعه خويه الحيـل يتهـدم

[/frame]

[جارية العترة]

[mark=#2d5f7a] في مصيبة الحسين ( )[/mark]


[frame="9 80"]

اشجابچ والطريق ابعيد يالزهـره

لوليدچ اجيتي الهشمـوا صـدره

_________________

اشجابچ والطريق ابعيد وشجـابچ

اموشحه بالسواد امگبعه بمصابچ

عن حسين ليش ايطوّل اغيـابچ

كل ام للأبـن يافاطمـه اتحضـره

_________________

اتحضره الأم لبنها مايظل وحـده

شلون حسين عفتيه عالترب خده

ماجيتي اوشلعتي السهم من چبده

صبرتي اشلون گلبچ هاكبر صبره

_________________

صبره ماخلص گلبچ واجيتي ليـه

مو عطشان صاح حسين وسمعتيه

اوياچ الماي يم حسين چا جبتيـه

من العطش ظل للمـاي ينتظـره

_________________

ينتظـره يريـد المـاي يتـروه

وضربوه بالحجر ماعدهم امـروّه

صابه ابجبهته واعله الارض يهوه

وچتاله گطع يـم الحسـن نحـره

_________________

نحره ينگطع والراس فوگ ارماح

وظلت جثته وظعن الفواطـم راح

ومن ذاك الظهر لليـل للمصبـاح

اوليدچ جثته ابلا دفـن عالغبـره

_________________

عالغبـره ثلـث تيـام وبـدمـه

لاظلـن بناتـه ولااخـت يـمـه

وحته مااجت وعليـه بچت امـه

وعن حسين حيدر والده اشعـذره

_________________

شعذره چان حيدر ماحظـر لبنـه

ليش ابلا غسل چا ياهو اليچفنـه

لو جاي اويغسل حسيـن ويدفنـه

ويلم الضلـوع اليمـه المكسـره

[/frame]

[جارية العترة]

[mark=#a31414]
في حق الحسين ( )
[/mark]
[frame="9 80"]


اخـــت وبچيــــت - - -الــــك حـنـيــت
يـســور الـبـيــت
اروحـــن ويــــن- - -يـخـويـه حـسـيــن
_________________
زينب وبگلـب مجـروح- - -صاحت والدمـع يجـري
عمت عين الدهر يحسيـن- - -فجعني ابمصرعك دهـري
حيل الگلـب ماظـل بيـه- - -خويـه ونهـدم صبـري
عگب العز يخويـه الچان- - -غريبه امحيـره ابأمـري
عــزيــز امــــي- - -كــثــر هــمـــي
مــنــو الـيـمــي
غـبــت عـالـعـيـن- - -يـخـويـه حـسـيــن
_________________
يحسيـن اختـك ابياحـال- - -زينـب واشـبگه عدهـا
لـو تگعـد يبعـد العيـن- - -وبعيـنـك تشـاهـدهـا
اولهـم عـلـي الاكـبـر- - -فگدت يـبـن والـدهـا
وراح ابن الحسن جسـام- - -وظلـت تصـفگ ابيدهـا
نـزيــف اجـــروح- - -صـفــت هـالــروح
تــــون وتــنــوح
عـلــى الطـيـبـيـن- - -يـخـويـه حـسـيــن
_________________
شبانـي چتـل خلـصـوا- - -خويـه مـابگت شـبـان
كلها اعلـه الثـره نومـه- - -بـس انحـور بالميـدان
والخيّـب أمـل اخـتـك- - -يبو الاكبر گمـر عدنـان
ايغيب الگمر عن عينـي- - -مـاچان الأمـل مــاچان
گصـــت هـالـنـاس- - -شـفــت عــبــاس
عـمــد بــالــراس
بــــلا چفــيـــن- - -يـخـويـه حـسـيــن
_________________
لاچفيـن ابـو فـاضـل- - -لارايـه التـرف عـدنـه
لاسيف الـذي هالسيـف- - -يحمي من العـدو حدنـه
صاحوا عالخيـم فرهـود- - -خويـه العـدو فرهـدنـه
والخيـل الأجـت بالنـار- - -الله الـلـي يساعـدنـه
يـخـويـه الــحــال- - -اسـكــت اطــفــال
أصـبــر اعــيــال
جـــرح جـرحـيــن- - -يـخـويـه حـسـيــن
_________________
يحسين الگلـب يحسيـن- - -عگبـك بعـد شيصبـره
بـلچن فاطـمـه امــي- - -يمنـه تحظـر الـزهـره
اتعاين راسـك المگطـوع- - -وجسمـك تنظـر النحـره
وعبدالله الرضيع اهنـا- - -كيرضـع نبلتـه اتنظـره
يــحــزن امــــك- - -تــجــي يــمـــك
تــشــم دمـــــك
ابـألــم و ونــيــنيـ- - -خـويـه حـسـيــن
_________________
ريت الزهره يمـي اهنـاه- - -اواسيهـا اوتواسيـنـي
تنصـب هالعـزه ويـاي- - -اتشاركني ابدمـع عينـي
على مصابك يخويه حسين- - -ابچّيـهـا اوتـبچّيـنـي
وحدي اشلون اظل وحدي- - -ابهالمحـنـه تخلـيـنـي
علـيـنـه اسـيــوف- - -واحـنــه ابـخــوف
تـجــي وتــشــوف
اشـســوّه الـبـيــن- - -يـخـويـه حـسـيــن
[/frame]

[جارية العترة]

[mark=#5e0606]في مصيبة العقيلة زينب (ع)[/mark]

[frame="9 80"]

علي بويه تعال اوليدك اتدفنه

ثلث تيام ميت يظل ماشفنـه

_________________

علي بويه العشاير هاي عادتها

كلها تنتخي اتشيـع اجنازتهـا

يبويه و الهواشم وين لمتهـا

عن حسين واحدهم غفه جفنه

_________________

يحيدر غيرك انحشم بعـد إلمـن

واعلينه المصايب ياعلي التّمـن

جثث عدنه عليها اعيوننه يدمـن

عليهن بويه من حرّ الشمس خفنه

_________________

ماعدنه يبويه بس عليـل اويـاي

للكوفه يساره من خذونـه اعـداي

غاب امن الصبح للظهر عن عيناي

ومن الخوف لجله ياعلي ارجفنـه

_________________

لهناك اواجانـه اودمعتـه بالعيـن

نشدته ياعلي السجـاد عمـه ويـن

لن يبچي اويگلي ادفنت ابويه حسين

على المظلوم آنـه اويـاه سولفنـه

_________________

سولفلي يعمه اوتهل عيني ادمـوع

لميّت المكسر ابصدر ابوك اضلوع

يعمه ابچفه اصبع هم شفت مگطوع

دوّرته اولگيته اتغسلـه وتچفنـه

__________________

گاللها يعمـه اويـجـذب الحـسـره

اسمعت حاچاني ابويه حسين من نحره

يگلي اعله الرضيـع النايـم ابكتـره

على صدري تنيمـه يبنـي والحدنـه

[/frame]

[جارية العترة]

[mark=#2a4596] لسان حال العقيله (ع)[/mark]

[frame="9 90"]

يحسين العمر يحسين راح اويـاك- - شلون اتريدني عگبك اظل وانساك

يادمـع النواظـر سـيـل عالخـديـن- - -اوداوي اجروح گلبي اعله العزيز حسين

والراح امن اديه امنين اجيبـه امنيـن- - -من ايدي رحت يبن امـي ويـن الگاك

_________________

الگاك ابوسط روحي ابوسط چبدي- - -عزيز او أعز منك تدري ماعندي

ماانساك يبن امـي وحگ جـدي- - -علمني الصبر واصبر على فرگاك

__________________

اشلون انساك وآنه اشكثر باريتك- - -عزيز امك يخويه حسين ناديتـك

ميته ولاصرت من يـوم خليتـك- - -على التربان خويه منذبح بضماك

__________________

بضماك وسهم چبدك واعاين ليـك- - -اختك وبضلع امي قسمت اعليـك

تنهض ردت خويه وحيل ماظل بيك- - -لعيالـك والمخيـم تصـد عينـاك

_________________

كلمن گال اصبر لابعـد عينـك- - -ولالحظه التمرّ يحسين ناسينـك

وسفه اعله الفراگ البينه اوبينك- - -فرقتنه يخويه ابلا رحـم دنيـاك

_________________

ياعبرة اعيوني الماصفت لاليل- - -من همي وحزني اللي يهد الحيل

مايطفي الجمر من العيون اتسيل- - -واتصوّر يخويه حالتي ابليـاك

[/frame]

[جارية العترة]

[mark=#50c783] في حق رقيه بنت الحسين (ع) [/mark]

[frame="9 90"]

رقيه والدمع مافارگ اعيونـي - - -واسوني يشيعه ابحزن واسوني

_________________

واسوني ابدمعكم آنه بنت حسين- - -رقيه والعمر ياشيعه خمس اسنين

ياهو اتشوف ابوها ينذبح بالعين- - -وآنه شفت ابويه انذبح بعيونـي

_________________

بعيوني شفـت كـل اخوتـي نومـه- - -انحور امگطعه ابلا روس بالحومـه

مهظومه اعله اخوتي اشلون مهظومه- - -ياشيعـه اسولـف بعـد خلـونـي

_________________

خلوني اسولف بالطفوف اشصار- - -آنه ابخيمتي والخيمه تلهب نار

اهلي امذبحه ومذبحه الانصـار- - -وعبدالله انذبح بالنبله راوونـي

_________________

راووني اخويه اليرتضع مذبوح- - -نيمته ابحظني وهوه مابيه روح

يم مهده اسمعت امي تون وتنوح- - -يبني اتگله منك ليش حرمونـي

_________________

حرموني اسمعتها وتلطم اعله الراس- - -وعمتي زينب امن اتعاتب العبـاس

يبو فاضل تگله اشرار هاي النـاس- - -ترضه ابخيزرانه ابمتني ضربونـي

_________________

ضربوني تگله او ابچي من اسمـع- - -رحت للماي لختك ماگلـت ارجـع

ورمله اعله الشباب الزفته ابمصرع- - -اتگله بيك يبني اعـداك فجعونـي

_________________

فجعوني لبويه مـن رحـت يمـه- - -على التربان يجري امن النحر دمه

طحت اعليه ابنحره گمت اشتّمـه- - -يبويه ريت گبلك عسن ذبحونـي

_________________

ذبحوني گبلك من عسن ياريت- - -ميته ابكربله گبل اخوتي اتمنيت

اولاللشام آنه اميسـره رديـ- - -تللشامت الحادي حده بضعونـي

_________________

بضعوني حده وطبينه لرض الشام- - -ارامل يم يزيد ابمجلسـه وايتـام

وجابوا راس ابويه ابطشت هالظلام- - -طحت فوگاه ميته ابظيمي شافونـي

[/frame]

[جارية العترة]

باب قصائد الاربعين

[mark=#048021]
في الاربعين
[/mark]


[frame="9 10"]

هذا مصرع اخوتي اودم المناحر- - -هذا گبر حسين ياعمي يجابـر
امگطـعـه چانــت جثـتـه- - -بـچــت عـيــن الـشـافـتـه

اشلون اجيت اهناه يعمي اشوصلك للغاضريه

اگعد اوخل احچي هظمي اگعد اونبچي سويه

عمي ياجابر شسولـف هاجـت الآلام بيـه

مابيـن حـزنـي اوعلـتـي- - - مابيـن ابچي اعلـه اخوتـي

ياعمـي نشـفـت دمعـتـي- - - اعـزاز راحـوا مـن اديــه

ياجرح بالروح ياجابر اروفـه- - - چم نحر مگطوع بعيوني اشوفه

يـاهـو مثـلـي امصيبـتـه- - - بچت عـيــن الشـافـتـه

_________________

عمي ياجابر اخبرك ظل ابويه حسين وحـده

راد ناصر من ينصره راد اخو ايگوم ويسنده

رادله واحد يعينه راد ماي اويـروي چبـده

ياجـابـر ايـصــد نـاظــره- - - شيشـوف ابويـه اعلـه الثـره

بــس الـجـثـث متـنـاثـره- - - اخـوتـه امذبـحـه اوولـــده

صاح هل من ناصر اومحد يسمعه- - - وسهم صوب چبده ياعمي اويگطعه

امثـلـثـه چانـــت نبـلـتـه- - - بچت عــيــن الـشـافـتــه

_________________

وگع ياجابر ابويه اوحزوا امن الگفه نحـره

اجت خيل اوبالحوافر رضرضت ياعمي صدره

ضلع ماظل عنده سالم كل ضلع منه تكسـره

لـمـن رحتـلـه المـصـرعـه- - - جـثـة ابـويــه امگطـعــه

ومـن چفـه گطـعـوا اصبـعـه- - - ابليـه راس حسـيـن انـظـره

عمي شاركني الحزن وانحب اويايه- - - وبعد اسولفلك على صاحب الرايه

ابعـمـد شـطــروا هـامـتـه- - - بچت عــيــن الـشـافـتـه

____________________

اهناك ابو فاضل يجابر چفوفه المگطعه شفتهن

اوگعت من الظيم يمهن گمت بدموعي اغسلتهن

احفرت گبره ابهظم چبدي چفوفه وياه الحدتهن

ياجـابـر ابچيــت اشكـثـر- - - عـالگاع مـن شفـت الـبـدر

ورايتـه اوجـوده ابكـل كتـر- - - اهـنـاك ظـلـن ماجبتـهـن

عاف عمتي ابكربله زينب غريبه- - - بعد اسولفلك يجابـر يامصيبـه

انطـفـت جـاسـم شمعـتـه- - - بچت عـيــن الـشـافـتـه

_________________

هاي دمعاتي يجابر توگع الدمعه اعلـه دمعـه

اهناك عريس الهواشم حنته وظلت الشمعـه

اهناك ياجابر الاكبر اعمامته اوطاسه او درعه

بيـديـه ادفــن اخـوتــي- - - اليـا اخـو اجـري دمعـتـي

هـم شفـت مثـل امصيبتـي- - - كل اخو امـن ايـدي اضيعـه

اخوتي كلهم يجابـر ضيعتهـم- - - حسرتي ابگلبي تظل آنه ادفنتهم

كـل شبـاب اوكــل فـتـه- - - بچت عـيــن الـشـافـتـه

_________________

بعد لاتنشدني عمـي لاتگلـي الطفـل وينـه

راح عبدالله دفنته ميـت اوماغمـض عينـه

فوگ صدر حسين ابويه شافته اعيوني الحزينه

ماانـسـه لحـظـه صـورتــه- - - هالنـبـلـه لـمــن فطـمـتـه

طـــوگت بـالــدم رگبـتــه- - - اسمعـت مـن نـحـره ونيـنـه

طفل بعده يرتضع من امه حرمـوه- - - سهم اعمه ايصوبه ابهالسهم فطموه

سـهــم يگطـــع رگبـتــه- - - بچت عــيــن الـشـافـتــه

_________________

هاي عمتي اهناه يجابر گوم واسيها ابحزنها

اخوه عدها اسباع چانوا ضيعت هالاخوه منها

گوم صبرها يعمي وبالدمع شـارك اوونهـا

زيــنــب مـثـلـهــا يــااخـــت

دمـــع الـنـواظـر مـــن يـكــت

مـهـظـومـه يـاجـابــر شــفــت

عگب عزتها وخدرها عمي ياجابـر حزينـه

[/frame]