|
الله يا شهر الرحمة والغفران
اللهم صلى على محمد وآل محمد وعجل فرجهم شهر الطاعه هذا وشهر غفران الزلل صارت ايامه الشريفة للبشر مضرب مثل *** دونك ايامه الفضيله وللشهر نستعرضه يوم الاول بدره يسطع وازدهر وجه الفضه يوم بيه الناس مدوا چفهم لچف الرضه بايعوا والبيعة تمت والعهد بسمه اكتمل *** ثاني يوم الباري حقق غاية ارباب العقول بي فتح مكه يصادف وابتهچ گلب الرسول حيث هذا اليوم بيه انتصرت الخمسه الاصول وابفتح مكه الاراضي اثمرت عگب المحل *** ويوم ثالث صار يحمل امل للوادم فسيح وابمثل هاليوم عيسى استقبل النور الفصيح انزل الانجيل ربنه وسلمه لصدر المسيح وابتشر عيسى بن مريم حين انجيله نزل *** ويوم رابع صار يحمل طابع اهوال وخطر دارت جيوش اليهود وطوگت سيد البشر وابمثل هاليوم خندق الهم الباري حفر وصارت الخندق تحيطه اسهام وسيوف واسل *** ويوم خامس يوم سقطت بي الجمرة الثانيه نزلت اعلى ابليس جمره اويه الرياح العاتيه واصبح الشيطان موضع للأيادي الراميه ما يتم حجك لون ما ترجم الأسس هبل *** ويوم سابع صار موضع للغصص والنايبات يوم ابو طالب توفى وروحه ركنت للممات چان طود ابظله يحمي الهادي سيد الكائنات واعله هادينه محمد هالمصاب اصبح جلل *** ويوم ثامن ذكرياته للرضا صارت تعود حيث اسم الرضا اتسجل وانضرب فوگ النقود هبت اعله الشيعه نسمه امن الرضا وكسرت قيود واصبح الشيعي مقامه آمن ورايه استقل *** وعاشر ابرمضان ناره بالضماير مسعره يوم لوعه وحزن ، ماتت بي خديجة الطاهره والنبي ابغيبة خديجه امن الجفن مدمع جره وباتت الحره خديجه اموسده ابحجر الاجل *** ويوم حادي عشر رمز الوحده والتأليف صار يوم بيه الهادي خاوه الهاجروا ويه الانصار للموده وللتآخي وللوئام اصبح شعار والنبي ابهذا التآخي لمجمل اهدافه وصل *** ويوم ثاني عشر كرر ربنه نفس الحادثه وابمثل هاليوم سقطت بي الجمرة الثالثه هالغصب رب الجلاله اعله المخالف باعثه واصبح الشيطان موضع للرمايه ابلا جدل *** ويوم خامس عشر بيه الگلب بالفرح انفتن وابمثل هاليوم صادف فرح ميلاد الحسن تبعث الامه تهاني للرسول المؤتمن فرح مولد سبطه الاول كل گلب بيه انشمل *** ويوم سابع عشر لاحت شعلة العز والنصر يوم وابمطلع نهاره صادفت وقعة بدر رجع من عدها محمد للمدينه منتصر وبيرغ الاسلام عالي ابچف ابو الحمله انحمل *** ويوم ثامن عشر يوم البيه تحصيل الاجر شرف للعالم نهاره وليلته ليلة قدر ليله يصبحها السلام لحين مطلع الفجر بالشهور بألف تنعد فاز من بيها ابتهل *** ويوم تاسع عشر اضحت هالعوالم مظلمه ابسيف ابن ملجم تصوب وانطبر حامي الحمه طاح بالمحراب لاچن شيبه مخضوب ابدمه وطاحت اركان الديانه من وگع خير العمل *** ويوم عشرين ابنهاره تنخمد نار العذاب ثاني ليلة قدر تمسي وبيها تحصيل الثواب الباري عالهادي محمد بده ابتنزيل الكتاب فاز كل مؤمن حياها وبالعمل فكره انشغل *** حادي والعشرين يوم الحزن والهم والمصاب نور ابو الحسنين حيدر عن سمه الانظار غاب واندفن سر المعاجز بين اطباق التراب وبالشهاده امن الحياة لعالم الموت انتقل *** ثاني والعشرين يوم البيه بارينه انعبد يحوي ليلة قدر لاچن ثالثه ابحكم العدد صرح المعبود عنها وابفضايلها شهد ليله تمتاز ابفضلها وبيها تحقيق الامل *** ثالث وعشرين يحمل ذكريات ابطلعته للحسن گصدت الشيعه وبيه حفت شيعته صافحوا للبيعه چفه واخذ منهم بيعته وانتصب ثاني خليفه من بعد مير النحل *** ويوم الثلاثين آخر يوم من هذا الشهر صادفت وقعة حُنين وبيها دين الله انتصر وانكسر عسكر هوازن برض أوطاس وخسر وخاتمة رمضان فرحة عيد والنصر الحصل لشاعر جابر الكاظمي |
اللهم صل على محمد وآل محمد زاد الله في حسناتكم وكفر سيئاتكم وتقبل صيامكم لا عدمنا هذا التألق المتواصل. أخوكم: شعاع المقامات |
شكرا لكي على الجهد المبذول
|
اللهم صلى على محمد وآل محمد وعجل فرجهم مشكوريييييييييييييييييين وتسلموووووووووووووووووا على المرور غفر الله لكم في هذا الشهر الشريف وجعلكم من حجاج بيته الحرام في هذا العام وفي كل عام موفقين للخير |
| الساعة الآن »10:15 AM. |