[منتظرة المهدي]

رجب على لسان الشعراء




رجب شهر الخير والباري أّمر بالفضيلة يسفر اهلال الشهر





شهر بيه انرسمت آيات الوفه رجب والمعبود بالعز شرَّفه


الفرح بيه اويه الحزن متوالفه وهذي ايامه سجد الها الدهر





اليوم الاول من رجب عطره يفوح ابمثل هاليوم استقر طوفان نوح


يوم بيه الامل للعالم يلوح ابمولد الباقر غصن دوحة مظر





ويوم ثاني من رجب لاح السعد اشلون يوم البي علي الهادي انولد


ويوم ثالث كوكب العصمة انفگد على الهادي وچبد بالسم انفطر





ويوم عاشر يوم ميلاد الجواد خيزران انجبت نبراس العباد


بهالولاده اشرقت شمس الرشاد من الجواد النور بالكون انتشر





ويوم ثالث عشر هالمجد الاثيل اتحقق ابمولد ابراهيم الخليل


ابنفس هاليوم انولد حامي الدخيل ابمعجزة شخصه انفطر ركن الحجر





ويوم رابع عشر كل مدمع جره سال لمصاب العقيلة الطاهره


اتغيبت انوار بضعة حيدره وكل گلب من جمرة النوح استعر





ويوم خامس عشر شائت حكمته وغفر رب الكون لآدم زلّته


امن القدس للكعبة حوَّل قبلته وبعد ارويلك عن الخامس عشر





يوم موضع رحمة المختار صار وعن رسول الله انفتح ذاك الحصار


وتم زواج الطاهره وحامي الجار ومات ابو ايزيد ومضت روحه لسقر





ويوم ثامن عشر يوم النايبات بي نبي ابراهيم اشرف عالمماة


وثالث وعشرين يحمل هالصفات الحسن بالخنجر تصوب وانغدر





ابرابع وعشرين هالصوت ارتفع لباب خيبر چف ابو الحملة قلع


وجعفر الطيار لدياره رجع وفوگ راسه اتلوح رايات الظفر





ابخامس وعشرين لوعتنه تزيد حين نذكر موسى وابرجله الحديد


گضه نحبه ابسجن هارون الرشيد وجرح فگده بكل گلب خلف اثر





وسادس وعشرين شب جمر الغضه اشلون يوم وبيه ابو طالب گضه


وسابع وعشرين بي يزهي الفضه ابمبعث المختار هادي البشر





وثامن وعشرين سبط المؤتمن امن المدينة لكربله شدّ الظعن


ثوره من يثرب ابو اليمّه علن وبده بأوّل خطوه من ذاك السفر




ابتاسع وعشرين هالعالم حزين يوم رحلة زوجة الهادي الأمين


ولخديجه ايسيل دمع المؤمنين ابفگد أُمهم هالدمع يجري حمر





للأديب جابر الكاظمي

[BAGHDADY]

مشكورة
على
الكلمات
الرائعة

[عاشقه خدام الحسين]

[منتظرة المهدي]

في صفحتي

موفقين للخير