[ابومحسد]

كَالولي بسَّكْ دَمعْ
كَالولي بسَّكْ دَمَعْ = موخافْ تِعمَه الــعينْ
كَتلهُم اطفي الجّمُرْ = والدّمع هوّ الدَّيـــنْ
منْ ابجي طول العُمرْ= ما أوفي آنه احسينْ
****************
كَالولي بَسَّكْ حزنْ = يكفي بعَــــــدْ ياصـــاحْ
كَتلهم اسمه الفَـــرحْ = من أحَزنْ آنه ارتاحْ!
الحسين هـــو الأمَلْ= ول كل قُفُـلْ مِفتــــاحْ
****************
كَالــولي بسَّك لَطُمْ = تلـطُمْ اسنينْ اشْصـــار!
كَتلهُمْ ادمي الصَّــدرْ = مهمــا جــَرالي اوْصارْ
احسينْ هو الذُّخـــرْ= اوبايدَه يطـفيّ النـَّـــارْ
*************
كَالــولي بسَّكْ مـَـشي= مــــاتتعـَـبْ ابمَمْشاك!
َكَِلنهه اونكَــولْ اوْبَعدْ= بأرواحـــنه نِــفــْــداكْ
المِشه ابيـــادهْ إلــه= يلكَه الشَّفــــاعَـه اهــناكْ
***************
او كَالولي بسَّكْ تــوِنْ= ونَّه اعلــه ونَّه اتموتْ!
كَتلهـُــــم ْاللّي يـِــوِنْ= ابحــسينَّـــه مَبــخُــــوتْ
صَكْ مِنْ عــلي والده= للجنَّه بيـه ايــفـــــــوتْ
**************
اوكَــالوْ اوكَـــالــوْ بعــدْ = الشِّيعـــه تـــره ايغـالــونْ!
خلِّصــــوْا كـــلّ العُمـرْ = ايـنـوحـــونْ ويلطمــــونْ
كل مَلكْ بل كـــل نبي= بعـــالي السّمــه يبجــونْ
********
الحســـين مـن النّـبي=هــــالـــرُّوحْ مِـنْ هالـــرُّوحْ
من نحــره شَمّـــه اوبجـــه=يدري تـــره مَذبــــوحْ
بسْ دمّــه ثــوره يظلْ= لكـــل ثــائــــر او مَجــروحْ
الشاعر
ابومحسد

[خادمة بنت المصطفى]

اقتباس كَالــولي بسَّكْ مـَـشي= مــــاتتعـَـبْ ابمَمْشاك! َكَِلنهه اونكَــولْ اوْبَعدْ= بأرواحـــنه نِــفــْــداكْ المِشه ابيـــادهْ إلــه= يلكَه الشَّفــــاعَـه اهــناكْ ***************

سلمت يداك اخي واجرك على سيد الشهداء

[ابومحسد]

بسم الله الرحمن الرحيم
السلام على سيد شباب اهل الجنة
شكري لك ياخادمة بنت المصطفى
بوركتم ودعائنا لكم
اللهم ارزقنا شفاعة الحسين
ابومحسد