[الامين]

[size="5"][يافرات الماجرف عاليها وبدمعه يزحف للحرم يرويها
ليش مايك مايفيض علل جرف
يكصد خيام الرسول بهل ضرف
حتى تروي كلوب عطشى وتنعرف
بالوفه لحسين وتواسيها
تدري سبط المصطفى يمك نزل
جيش امية حاله عنك ونعزل
كلوب حره نزلت بهذا المحل
ليش مايك مااجه يرويها
مو اجه العباس اخذ منه وطلع
ليش مايك مابقى بجوده او وكع
حتى اكولن شرب عبدالله وشبع
من لذيذك جبدته تطفيها
تروي جبد الطفل عبدالله وتكول
آنه من مايي شرب ابن البتول
حتى يوم الحشر يم جده الرسول
تفتخر مايك سبك راميها
انت لو عندك وفه بهذا المصاب
جان اجيت وبللت ريج الرباب
ليش مات الطفل ضامي بلاشراب
ياندم ينفع ندم تاليها
ليش ياشط الفرات اتدللت
من اجاك حسين ضامي وماكلت
ضامي كلبه من العطش وتحملت
جرعه منك بالوفه تنطيها
آيماي النهر جا عنك شكول
شنهو عذرك من اجاك ابن البتول
عياله كلها من العطش كامت تجول
كلوب جمرة من الضمى مخليها
انت لو من صخر مايك جا جره
وتكصد حسين وتبلل منحره
منذبح عطشان ضامي علثره
وانت كل سبخة ارض ترويها
بقلم
الامين
/size]

[torbat karbala2]

بسم الله الرحمن الرحيم

اقتباس ليش ياشط الفرات اتدللت من اجاك حسين ضامي وماكلت ضامي كلبه من العطش وتحملت جرعه منك بالوفه تنطيها آيماي النهر جا عنك شكول شنهو عذرك من اجاك ابن البتول عياله كلها من العطش كامت تجول كلوب جمرة من الضمى مخليها انت لو من صخر مايك جا جره وتكصد حسين وتبلل منحره

ابيات مؤثرة جداا سلمت اناملك

[الامين]

torbat karbala2
الغالية
لك مني الف شكر لمرورك الجميل
تحيات
الامين

[جارية العترة]

بسمه تعالى
اللهم صل على محمد واله
اخي الكريم ماشاء الله ابداع

اقتباس انت لو عندك وفه بهذا المصاب جان اجيت وبللت ريج الرباب ليش مات الطفل ضامي بلاشراب

استمر في العطاء الولائي هنيئا لك اخي
بانتظار المزيد

[الامين]

تحياتي لكم اجمعين والف شكر للمرور العطر