قصيدة اللطم بطور ..... والله ساعة التندب علي
*******
نعي ابوذيات
*************
كريم ال النبي هاليوم ينصاب
واجب كل كلب ياناس ينصاب
مأتم للحسن وانصيح ينصاب
انطفت شمعة عمرنا بهالمسية
************
حِسِنة بالحسن موسوم وسماه
ولجل المجتبى من طاح وسماه
خفت نور الصلاح اليوم وسماه
بحزنها سودت اتواسي الزجية
*************
بس هم الزمن ياجد جبلنة
وكع هاليوم يا طه جبلنـــة
على دفنة لعد كبرك جبلنة
ورموه اسهام نعش ابن الزجية
*************
يبوية الحسن طاح اليوم وانصاب
وهل دمعي عليه دموم وانصاب
بعدلي ايم جور اعداي وانصاب
يخطوها بغدر بالغاضريـــــــــة
*************
***********************
لطم
*********
***************
هاليوم ---- ياجبد صرت أنظرة ---------هاليوم---- ياعلي متحيرة
الجبد الحسن تربا العين------- لو تنظر الجبد حسين
هاليوم---- ياعلي متحيرة
حرت ياجبد انوحاً بوية وانحبلة **مو سهلة المصايب بينة موسهلة
هذا اول جبد مسمـــوم انظرلة** وبعد كدامي جبد حســين بالحملــة
حملات ---- بوية ساعة كربلة -------حملات ----- بوية حضرها الفلة
حملت الحسن خلصت *****ولحسين السبط كربت
وهموم ---- دهر الشوم اتنطرة ------هاليوم ---- ياعلي متحيرة
شواسي ياعلي يادمعة من عيني ****محتــــارة بزماني ولوعة اسنيني
دلينــــي يبوية الدربي دلينــــــي ****وكوي ياعلي صبري انت كويني
لجروح ---- تبدي الما نهاية الها------ لجروح ---- بعدهي وكلبي حاملها
من اول جرحْ الأمنة**** وبالطبرة أحنة اتيتمنة
ومسموم ---- ضنوتك يا حيدرة -------هاليوم ---- ياعلي متحيرة
سموا هالعدا للمجتبـــى جبــــدة ***بعدك ياعلي وحسين هم بعـــدة
وبعدكم انة ابقى بغربة وبوحدة ****ويعين الله الكلب يابوية بالشدة
الام ---- ماضي وحضرلي الحاضر -----آلام ---- من صبري جروحي اتكابر
والتجوة تدري ابصبري ****من صبرك انت وتدري
مالوم ---- كلبي وديني يصبرة ----هاليوم---- ياعلي متحيرة
رسملي جبد اخوي المجتبى الليلة **جبد حســـين ابو اليمة اليهــد حيلة
بارض الغاضرية وسيف يوميلـة **بهظم وبنوح وسياط اهلة والعيلة
بسياط ---- رسمتها ادموع أعيوني -------بسياط ---- تشجيلك منها امتوني
جبد الحسن خطاها*** يابوية ابايد اعداها
مظلوم ---- كلبي وكل مخدرة -----هاليوم ---- ياعلي متحيرة
سموا مجتبانا جبدتة الاوغـــاد **باجر ياعلي لحسين هم تنعــــاد
تنعاد اباشد واعظم لبو السجاد **ينحز منحرة واحنة ابحبل ننكاد
للشام ---- تتفرج علينة الناس------ للشام---- اخذونة العدا والراس
فوك اعلى الرمح شفتة **وجسمة اعلى الثرى عفتة
وانجوم ----تنعى الولد الطاهرة ------هاليوم----- ياعلي متحيرة
ورِسم جبد الحسن دمعاتي بالديوان*** جن راس الحسين يرتل القرءان
موضوع بطشت يابوية والعدوان ***تشتمك ياعلي ونار الكلب بركــان
متكوم ---- بسمك ضل يصرخ دينك -----متكوم ---- وجفوفك ردها وعينك
راس الشهيد ايضربوه ***ياوالدي ويشتموه
الهلكوم ---- نار بكلبي موجََََرة---- هاليوم ---- ياعلي متحيرة
هاليوم ---- ياجبد صرت أنظرة ------هاليوم---- ياعلي متحيرة
الجبد الحسن تربا العين------ لو تنظر الجبد حسين
هاليوم ---- يا جبد صرت انظرة
***********************
********************************
***** نزلة *****
علي وينك تشوف ادموعي البعيني بمصاب الحسن يابوية واســــينـــــي
يبوية طاح اخوي المجتبى مسمــوم وفتوا مهجته وبلوعة ضــل مالــــوم
بسم عدوانة طاحت جبدتة هاليــوم وانة جالجمر دمعاتــــــي تجوينـــي
علي وينك تشوف ادموعي هاليجرن على مصاب السبط جمـرات ما يطفن
انشف دمعي بيش اجفوفي ميكـدرن لان جبدة وكع ما بيــــن جفينـــــي
وكع جبدة يبويــــة وغمض اعيونـة وسكن ون السبط وانهظمت اضعونة
بمصاب الحســـــن يابوية وارونـــــة وابو السجاد ون وضاكت سنينــــــي
ابو السجاد شفتة بمدمعة الســـجاب يون بخفية ياحيدر يداحــي البـــاب
وبعينة يصد يالوالــــــي عالمحــراب ويندب دمعـــة بسمك هيج ونينـي
حمل نعش الحسن يا ابالحســن بالام يم جدنـــــة يريد يدفنة والظـــــلام
منعوا نعش اخونة وارتمة بسهـــام واسهـــــام العدا البنعشــــة تاذيني
وغضب عبــاس شـــــال ابجفة بتارة واســـــــاه الحسين وطفة الـــــة نارة
وكلة اصبر يخويــة انطيك اخبــــارة صبروا اعلى العدا ياخوية يوصينـــي
ما يقبل نشيل الغيض مــا يقبــــل وادريبك تزيح الكـــــون لـــــو تزعل
وامانة وصيتة ياعبـــاس واتحمــــل وانت ساعتك يــــوم الغدر بينـــــي
ورِسمت ياعلي جلماتـك ارض الطف وحرت شنحب يبوية اليـــاجبد ياجف
الحسن راح وبعد عبــــاس والمصحف يبوية بكربلة والعــــــــدا تولينـــــي
توليني العدا يابوية يـــــــوم البين ياخذ مني عباس واخــــــوي حســـين
وابنعش الحسن شفت الصور بالعين رسمني بغربــة وحـــدي وعدا تسبيني
تسبيني يبوية اعداك وهمومـــــي من يــــــوم الضلع مكسور خط يومي
ومن طبرة مصابك صاغت اعلومــي تبـــــدي جروح ما بين اخوتي وبيني
بأرض الطف تميل اجبال لجروحـــي وتنوح افلاك يوم التوكع اصروحــــي
بعيالي التنوح الهيجت نوحـــــــي وبصبري اصيرن راية تدرينــــــــــــي
خادم اهل البيت 
احمد رفيش
*********
صورة الشاعر احمد رفيش
*****
مجلس للحسن ع..... للشاعر احمد رفيش
