[شيباني]

هـاك عـرض الحال يـبـن المصطفى
وانـتـه بـيـه اعـلم ولاعـنـّك خــفـــه
**********
هاك عرض الحال عن ضلع اوصدر
إشلون حملن من وره الباب العـصر
اه يـبـسـمار الـضـلع بــي يــنــكـسـر
اطـراف للـزهـره ابـولـمـهـن راجفه
**********
راجفه اعضاها اوسكط منها الجنين
اوبالـضلع بـسمار زاد الها الـونـيـن
صاحـت الحـﮒ يا أمـيـر الـمؤمـنـين
عايــن ابـعـيـنـك دمــاي الــنــازفــه
**********
عـايـن إبـعــيـنـك يـحـمـاي الــحـمـه
إنـصـاب بـالـبـسـمـار ضلع الفاطـمه
بـضـعـة الـهـادي تـحــنـت بـالــدمـه
إوعـلى عـتـبـة دارك الـمحسن غفه
**********
ابباب دار المرتضى المـحسـن وﮔـع
اوعلى أعـتاب الباب ناضـرهـا دمـع
هـنـا يـفـضه صاحـت العـظم الوجع
سـوط ﮔـنـفـذ فـوﮒ ظهـري إمرادفه
**********
سـوط ﮔـنـفـذ فـوﮒ بـسمار الضـلـع
جـرّه مـن بـت الـنـبـي الـدم والـدمع
وإعـلى بـاب الـدار نـار الـتـرتــفــع
وجّـر بـﮕـلـبـي لـهـبـهـا اولاطــفـــه
**********
وجّـر بـﮕـلـبـي لـهـب مـن كـسـرتـه
ياضـلـع مـكـسـور ضـلـعـي فـدوتــه
وإعـلى باب الـدار مـحـسن طـيحـته
ريت روحي اتصيـرلـجـروحه شـفـه
**********
ريـت روحي اتـصـيـر للـزهــره ذره
اوﮔـبـل ضلـعـﭻ ريت ضلعي كـسّـره
أنـشـد إبـنـﭻ شـنـهـي عـنـﭻ صبّـره
اولـيـش صار ادهـور ثارﭺ عـايـفـه
***********
ادهـور يبن الهادي مرت وإنـﮕضت
صـدر بالباب اوصدر خيل اسحـﮕـت
طفـل بالعـتـبه اوطفـل نحـره اندمـت
والشمـر حـز راس ابـوك إبمرهـفـه

خادم الحسين
عبد الرزاق الشيباني

[جارية العترة]

اهلا وسهلا وعظم الله اجركم مولاي خادم سيد شباب اهل الجنة روحي فداه لي عودة سريعة ان شاء الله للموضوع يشرفنا وجود السادة خدام ابي عبد الله صلوات الله عليه