|
|
مشرفة
|
|
|
|
|
|
|
الدولة : جنة الإمام الحسين عليه السلام
|
|
|
|
|
|
|
المستوى : 
|
|
|
|
|
|
المنتدى :
ميزان المنبر الحسيني لشعر أهل البيت (ع)
للطف.. كلنا نروح مشاية
بتاريخ : 24-Jan-2011 الساعة : 02:19 PM
اللهم صل على محمد
وآل محمد وعجل فرجهم والعن أعدائهم
السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صلي على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين
الطف حسين والرايه ............كلنه نروح مشايه
مايهمنه الفزع والخوف ...نزحفلك يحسين ازحوف
حته نحقق هل غايه..............كلنه نروح مشايه
*****************************************
على درب العدل يحسين......توحدنه ابخطاوينه
ونسلك هل درب كل حين ......والصحنك تعنينه
شگد الحاولوا يحسين.........يزرعون الفتن بينه
يمكن فرقوا افراد .............بأفكار التعادينه
ويمكن فرقوا بالدين......وبالرافضه اتسمينه
ويمكن قسموا بينه.....مذهب حيدر ودينه
ويمكن نصبح ابفد يوم ......وهل فتنه تمسينه
شما يمكن نرد لحسين
وبدربك ينور العين
توحدنه علَ هل غايه.......كلنه انروح مشايه
**************************************
وعلى طاري الفتن يحسين ......صرنه انعيش بالفتنه
وشيعة ال ابو سفيان.......گامت تشرب ابدمنه
بأرهاب وذبح وبجور.......وتفجير ابمراقدنه
چم عبد الله ضحيناه .........وچم اكبر وگع منه
وچم رمله يبو الاحرار ........شافت جاسم امحنه
وچم زينب تصيح احسين......الحگ حرگوا اخيمنه
سَلبونه يبو السجاد.......سِلبوا حته موطنه
من شافوا جموع الناس.......صوب احسين تتعنه
كل هذه ونگول افداك
لترابك وحگ عيناك
وحدر احسين فدايه........كلنه انروح مشايه
******************************************
رايات الاجت للطف .......معروفه ابمصادره
شيعه اوقعوا بالدم .......تفديه ابمناحره
اطفال اوحرم وشيوخ......متعنيه ابضمايره
وشبان الاجت يحسين......الهل رايه تناصره
من شافوا بدر هاشم......هل رايه شيصوره
نخوه ومرجله وشموخ.........وبالعزه يوقره
هاك انضر حشود الناس
كل واحد غدَ عباس
لجل الدين والرايه........كلنه انروح مشايه
*****************************************
وحدة معتقدنه احسين.......وبشخصك تمسكنه
طفك علمانه ادروس...........وبالعبره تعلمنه
وبچفوف الوفي عباس.........قررنه اوتوصلنه
ما نرضه العبوديه........ودم احسين حررنه
ولا نرضه يرد ايزيد........ولا ابن زياد يحكمنه
گوم انهض يبو الاحرار ....كلنه انصارك اصبحنه
چم جون التشوفه العين......وچم عابس تخرجنه
من مدرسة ابو السجاد .......كلنه ابحبه جننه
مو انته الصحت يحسين .....وين الي يناصرنه
انصار ونصيح ابصوت
لبيك اوفدينه ابموت
وبهل درب حدايه.......كلنه نروح مشايه
*****************************************
الطف احسين والرايه .....كلنه انروح مشايه
مايهمنه الفزع والخوف...نزحفلك يحسين ازحوف
حته انحقق هل غايه ......كلنه انروح مشايه
بقلم طارق السماوي
نسألكم الدعاء لنا ولوالدينا
|
| توقيع سليلة حيدرة الكرار |
تركت الخلق طـراً في هـواك
وأيتمت العيــال لــكي أراك
فلـو قطعتني في الحب إربــا
لمـا مـال الفــؤاد إلى سواك
|
|
|
|
|
