[عدنان الحمامي]

بسمه تعالى

سلام عليكم

--

-- قصيده -- كعده -- في حق ام البنين ع

--

--


المستهل

---

يالعندك آلام -- من جور الايام

لأم البنين انخاها -- وكت الشدد تلگاها

ماتظل منظام -- من جور الايام

----

ياهو هم اچبير عنده والوكت دوهن افكاره

وياهو مظنوك ابزمانه وقلل العوز اصطباره

وياهو من المرض يشكي والشفه مل انتظاره

لأم البنين ابلهفته -- من عدها يطلب حاجته

والباري يسمع دعوته -- حاله يتغير مساره

جربها فد يوم -- يالعندك اهموم

وشوف الكرامه العدها -- الله الذي امايدها

اتحققلك احلام -- من جور الايام

----

حّره ياحّره المثلها من نسب طيب اهلها

ومن علي اخذت تجارب والصفات الطيبه كلها

بالكرامه الباري خصها عالي عند الله محلها

بالعطه ماتبخل ابد -- ولاتخلف الواحد وعد

أم البنين ام الشدد -- المشكله هيه التحلها

ماتبخل اتجود -- وّفايه الوعود

بالكرم فايض چفها -- شنگول من نوصفها

واشتملي الاقلام -- من جور الايام

------

بالوفه ماصح مثلها حيرت كل واعي فكره

يُمه چان حسين الها ايصيح من راحت الزهره

اخّوه ربتله نشامه اتريد سالم يظل عمره

ايضحوله رادت بالدمه -- ورادت اتجازي فاطمه

وتوفي حماي الحمه -- وهالوفه منها ينظره

شتجيب اللبطون -- خلهم يشوفون

عباس من اتشوفه -- تدري يضحي اچفوفه

وعالظيم مينام -- من جور الايام

-----

اشبولها امن الاسد حيدر مامثلها يصح لبوه

رضعتهم وفه وغيره ابكل نفس زرعت النخوه

كل اخو احزام لاخيه اتگلهم اوبالشده تچوه

لحسين رادتهم ذخر -- ابساحة جهاده والنصر

اوياهم ترف راية بدر -- اجبال لوشافتها تهوه

ابسوح المنايا -- قدمت ضحايا

ابدور اربعه نذرتهم -- ابحب فاطمه ضحتهم

نصروا للاسلام -- من جور الايام

------

هاي هيه ام البنين اوهاي حكمتها وصبرها

امّكرمه ومهيوبه صارت نعجز انوصف گدرها

ابخدمة الزهره او ولدها جاهدت نذرت عمرها

لحسين لمن ودعته -- قربان قدمتله اخوته

ايعود الها سالم رادته -- وبعد ماشافه نظرها

متلهفه العين -- تبچي على حسين

ظلت عليه بالحسره -- سالم يرد تنتظره

بس ردت ايتام -- من جور الايام

--------

----

--

ابوذيه في حقها ع

---

ثدايه الطيب در الوفه داريت

وعليّ دنياي دورة حزن داريت

انه ام البنين شكثر داريت

وفديت اشبول للزهره الزجيه
--
سيد عدنان الحمامي

[موالية صاحب البيعة]

وعليكم السلام ورحمة الله وبركاته

اقتباس يالعندك آلام -- من جور الايام لأم البنين انخاها -- وكت الشدد تلگاها ماتظل منظام -- من جور الايام

السلام عليك يا أم البدور الأربعة

يا وجيهة عند الله اشفعي لنا عند الله

أعظم الله لكم الأجر شاعرنا الفاضل عدنان الحمامي وبورك هذا القلم الولائي الذي لا يخط الا حبا وولاء ، وأسأل الله بحق سيدتي ومولاتي ام البنين سلام الله عليها أن يبقى هذا القلم محفوظا ومباركا ببركتها

[حوراء المباركة]

نيالكم محتاجه دعاكم

[خادمة بنت المصطفى]

اقتباس هاي هيه ام البنين اوهاي حكمتها وصبرها امّكرمه ومهيوبه صارت نعجز انوصف گدرها ابخدمة الزهره او ولدها جاهدت نذرت عمرها لحسين لمن ودعته -- قربان قدمتله اخوته ايعود الها سالم رادته -- وبعد ماشافه نظرها متلهفه العين -- تبچي على حسين ظلت عليه بالحسره -- سالم يرد تنتظره بس ردت ايتام -- من جور الايام

عظم الله لكم الاجر بوفاة ام الاربعة ام البنين
مااجور اخي وسلمت يداك
--------