[خاتم سليمان]

بِسْمِ اللهِ الرَّحْمنِ الرَّحِيمِ
اللهم صل على محمد وآل محمد وعجل فرجهم والعن أعدائهم
السلام عليكم ورحمة الله وبركاته ....

عظم الله أجورنا واجوركم بمصاب أبا عبدالله الحسين ارواحنا له الفداء....



قصيدة راااائعة جداً كلماتها تفجع القلب....

شلون انساك الماي شلون اشربنه

نادت زينب الحره .... لاچن تجذب الونه
شلون اهنى بشراب الماي.. وحسين إنحرم منه

شلون أشرب وضوگ الماي.... وحسين إنچتل عطشان
حسين المرد دلالي.. من شفته على التربان
يلوج ينازع بروحه... سلبوه وبگى عريان
شلون انسى الگظى ضامي ... بن أمي حسين المچنى
شلون انساه.... الماي شلون اشربنه

-------

مصاب حسين مثله مصاب ... لا صاير ولا يجرى
ياهو الگبل ابو اليمه... ظامي وانگطع نحره
وادي كربلا والماي ..... مهر الزاچيه الزهره
وحسين إنذبح عطشان..... والماي إنمنع عنه
شلون انساه.... الماي شلون اشربنه

----

آنه أم الحزن زينب.... ونيران الحزن بحشاي
تسري وعگب عين حسين... ماريدن بعد دنياي
آنه الفارگت جثته... ورحت ميسره ويا عداي
خليته وردت جسمه... بيدي الگبره أنزلنه
شلون انساه... الماي شلون اشربنه

-----

آنه اللي شفت نارين..... لاچن نار أشد من نار
نار الحرگت خيمنه.... ونار حرگت باب الدار
آنه اللي شفت صدرين... واحد صوبه البسمار
واحد كربلا تخربك.... شلون الخيل رضنه
شلون انساه... الماس شلون اشربنه

----

چم مصاب دهري الصاب... گلبي وانجسم نصين
آنه الحزن ذوبني.... وآنه الشاهدت طشتين
چبد الحسن واحد بيه... واحد بيه راس حسين
وسهام الدهر گلبي... بفگد حسين صابنه

-----

آنه اللي وگفت مرتين..... والمرتين أذني
وگفه بمجلس إبن زياد... متشمت نشد عني
وگفه الثانيه بمجلس.... يزيد الكسرت وني
وماظل من هلي واحد... بذيچ الساعه يحشمنه
شلون انساه ....الماي شلون اشربنه

----

آنه اللي فجعني البين... بهلي وصرت مفجوعه
آنه الشاهدت چفين ........للعباس مگطوعه
آنه الشفت اخويه حسين..... كلها مكسره ضلوعه

آنه المانسيت حسين..... آنه زينب الكبرى
آنه البالصبر مثله..... وصبري نبع من صبره
آنه الدهر دولبني.... وبحسين شعمل دهره
ما خلاني ويا حسين.... لمن طاح اودعنه
شلون انساه.... الماي شلون اشربنه

----

إنجان السهم فت گلبه... أنا مصيبتي بالسهمين
آنه الشاركت همه.... حسين الشارك بهمين
آنه الرضعت وياه..... وغذاني حليب أمي
شبيدي لو مايطح بيد.... جرعة ماي أشربنه
شلون انساه... الماي شلون اشربنه

----

عيني لا تسهرين... نامي الليالي
چا المن تبارين... فاجده الغالي
عبدالله چان وراح.. والمهد خالي
وتغير وممرود... من عگبه حالي
روحي... نوحي... آنه الرباب الفاجده وليدي

چانت حياتي وياك... روضه وضويه
يابني بظلام الليل.. عينك إتريه
وبوجهك الوضاح... من تصد ليّه
شمس السعد بالنور.... تشرگ عليّه
روحي نوحي... آنه الرباب الفاجده وليدي

-----

وبناظري مطبوع... يوليدي رسمك
وعلى الگلب مكتوب ...يوليدي إسمك
وعلى الثدي مطشوش.. . يوليدي دمك
وبمسمع مناغاك... من ماتت أمك

يوليدي شلون انساك.. وتعبت برباك
ولو يبني تالي الليل... درن ثداياك

نايكم وگول تعود... وبمهدك الگاك
وإنت بلحد مدفون.. وتأكد البال
لو بيدي چنت وياك... أنزل بلحدك
وخوفي تبات الليل... يوليدي وحدك
وظهري الكسرته عليك... لو ردت ثديك
وبيدي أكف له رتاغ ليغطي خدك

زينب من الخيمه طلعت بيديها
تجود ونخت راعي العلم واليها
لنگمر هاشم عونچ يناديها
وبچفه الرايه المنشوره

نادت يابن مير النحل يمشكر
مشحون وادي كربلا من العسكر
مدري شتريد الگوم هالتتكاثر
جيمان الكوفه الغداره

ناداها يختي لا تهمچ هالگوم
مازال انا المتكفلچ والملزوم
وانه بن عودچ بالحرايب معلوم
وبيوم الكون يعرفوني

نادت فلاها بالخطر بوجودك
مامون گلبي يابن ابويه بزودك
ادريك حاول مرجله من عودك
ياسور المانع يا هيبه

ادريك راضع من ثدايه النيبه
والحرب لو گل وكثر ماتهيبه
لاچن اخبرنك خبر يا هيبه
من عگب الزهره المظلومه

عودك نده عمك بدمع مسچاب
عد لي انساب العرب يابن الأطياب
واخطب لي من عدهم زچية أنساب
ومعرب أصلك يا عينه

ياهلي الخله تگوم الها العمام
ما على الذله نواضرهم تنام
يا هلي هذي الأرامل والأيتام
تعتب ولا تسمعون عتابها

يا هلي لو چان عتبي على الصخر
حن على حالي وتفسر وانفطر
ايست ودموعها تجري حمر
موت اهلها من يرد جوابها



نسألكم الدعاااااء

[جارية العترة]

اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ. اللهُمَّ الْعَنْهم جَميعاً
كل الاجر والشكر لك خاتم لطرحك القصيدة
توضح حالة مولاتنا العقيلة صلوات الله عليها