متبري من العين ******** لو ما بجت لحسين
شلي بنظرها ***** عيني وصورها
لو ما بجت لحسين
ياعين الحقائق دم دمع ســــيلـي على أصل الحقيقة حسين بس ننحب
لان واقع مصيبة دم ابو السـجاد مـامنهـــــــا خيــال الشيبة المخضب
وبدمـه القلم من خطط التــــاريخ وثــــــق عالخدر وام الصبر زينــــب
هذا القلم لسنين ثبت معاني الدين
ويخط اثرها *** العين وصورها
لو ما بجت لحسين
جريمة اعلى الفكر ليش بهظم ذبحوه لان بيه الدلالة ويزرع الرحمة
ولان بيه المبـادئ صورت اطهـــــار ولان المصطفى جدة نبي الامة
ولان والينة أبـــــوه المرتضى الكرار ولان ذيـج الزجية الطاهرة امة
بغدارة حاطَ البين **** للعترة والطيبين
شينفع عذرها *** العين وصورها
لو ما بجت لحسين
اطبكَـ ياجفن عيـــــن الحقد بالصوت وارجع للزمان وصيح ابد واللــه
واعلة بصوت حيل وصعــد الانفاس يازهراء ياكرارما ننســـــــــاه
وخل لهجة شعورك بالجروح اتصير وهم وضح بيانك بالدمع والاه
واندب يبو الحسنين **** جلماتي بس اثنين
بالهم جمرها *** العين وصورها
لو ما بجت لحسين
هوانا منبع المظلوم جبد حســــــين وعلمنة اعلى الفلك عالي ولا يهوة
ومبتســمات كل هاي الملائك فوكَـ لان عطشان ماكوا بهــــالعلم يروة
ومن تشرق شمسنة اتغيب يا مولاي بس نورك يضل الهالشمس تجوة
وتصرخ ينور العين لجلك يراعي الدين
بجروح أجرها*** العين وصورها
لو ما بجت لحسين
الك بالعالي تعلا ارواح يـا مظلـــــــوم الك تبقى يبو الســـــجاد رايتنة
بالعالي وتعلي ارواح فــــوكَـ أفـــلاك وتهل دموم تمطر حيل دمعتنة
وحك عينك يبو السجاد حتـــــى الموت نبقى انصيح اه يحسين جمرتنة
مايهدة بيها ونين ويشهد اسد صفين
نار بجمرها **** العين وصورها
لوما بجت لحسين
خادم اهل البيت 
احمــــــد رفيش
متبري من العين لو مابجت لحسين ...لطم.. للشاعر احمد رفيش
