الوكت مايوم شفنة راحَ منة
يبوية حسين اخونة راح منة
ولا شفنة بغيــــابة راحم انة
غريبة وبس ألاهي يحن علية
غريبة انة وصرت يا علي وحدي
واتعنة اريد اليوم وحــــــدي
لعند حسين والعباس وحدي
الكبرهم واشجي علي صار بية
اريد اشكي يحيدر من ظلمنة
وتعلم انت بوية من ظلمنة
حرم وايتام دهري من ظلمنة
وبكت عالنوح كل ولد الزجية
بكت عالنوح زهرتنا ترانة
بجرح وادموع احزاني ترانة
وشفت جروحي بس تسعر ترانة
احس بونهة ضل يسعر علية
احس بونها ضل يسعر وبية
ونخيت حسين بالدمعة وبية
صبرت ويعلم الحرة وبيــــة
ويواسوها ويواسوني سوية
يواسوها ويواســـوني عليهـــم
جدي والحسن وانت علـــي هـم
لخوتي وهالكلب بيهم علي هم
مو واحد يبوية همـوم بيــــــة
مو واحد يبوية همومي حـدة
ضعف سنين عمري وصار حدة
وتمنيت بوجودك يوم حـــدة
الشمر لحسين بوية بلا رعيــة
الشمر لحسين يوم الذي حــــازاه
من نحرة وربح وجـــــــــار حازاه
عجيبة الوكت والعـــاداه حــازاه
سيفة بـــــــلا رحــم لبن الزجية
سيفة بـــــلا رحم حـزة وشفتة
ابعيني والعطش هـدة وشفتـة
ذبلت تدري ياحيدر وش فتــة
كسر ظهرة الكمر عباس اخية
كسر ظهرة الكمر لحسين من طـــــاح
وشفت ميلت اخوي وصحت من طاح
ذكرتك ياعلي والسيف من طـــــــاح
بحرب صفين بجيوش ال أميـــــــــة
***************
خادم اهل البيت 
احمد رفيش
مساجلة زينبية 2 .....للشاعر للمتالق احمد رفيش
