[عدنان الحمامي]

المستهل

يامحله الفرح هاي المسيه

موتي ياهند موتي سميه

--------------
الحياة اتشوف طيبها اويمرها

الدمع لو سال مايطفي يمرها

گلت بلچن فرح روحي يمرها

ومًر وبالحسن فرحانه هيه

-------------

يعين الله الذي منه ولف راح

شكو غير الحزن عدنه ولف راح

مثل هذا الفرح گلبي ولف راح

فرح للحسن والفرحه هنيه

------------

يربي اهموم الي فرج يسرها

وروحي حب ابو محمد يسرها

انولد هاليوم ميلاده يسرها

وتبارك والده حامي الحميه

------------

شكثر روحي البقيع اتطوف وديت

وتشم اترابهم للذي وديت

لچن ويه نسيم الهاب وديت

تهاني بالحسن لاأمه الزجيه

------------

يفوز ابدنيته للناس يحسين

وشرايين الگلب بالفرح يحسين

اهنيك بعضيدك والله يحسين

واگول امبارك العباس اخيه

---------------

يچف الكرم عالوفاد منهل

من مثله اله اشراف منهل

هله بنور الحسن ياناس منهل

يشع نوره وغدة مكه ضويه

--------------



سيد عدنان الحمامي


-*-*-*-*-*-*-*-*- فريق المنتدى

[جارية العترة]

اقتباس يربي اهموم الي فرج يسرها وروحي حب ابو محمد يسرها انولد هاليوم ميلاده يسرها وتبارك والده حامي الحميه

مبارك مولد سيد شباب اهل الجنة وبمولده اارك لكل الموالين وابارك لسيدنا سيد عدنان واهلا بكم طولتم الغيبة
طيب الله انفاسكم سيدنا

[زاهر المعموري]

اللهُم صل ِ على سيدنا محمد وعلى اله الطيبين الطاهرين..
بارك الله فيك جميل ماكتبت بحق السبط الآول للنبي (ص)
الآمام الحسن المجتبى (ع),,
موفقين لكل خير
أخوكم زاهر

[الزهراء قدوتي]

ماشاء الرحمن القصيد ة روعة
سلم الباري يمناك