[عدنان الحمامي]

بسمه تعالى

سلام عليكم

اسئل الله لكم ولنا النجاة من النار بولاية امير المؤمنين

--

--

--

المستهل

--

بمأتم حزنها والفاجعه -- للصادق اليله اتودعه

بونه خفيه -- جفن الزجيه -- دم يجري مّيه -- يا اسلام

--

عالزهره المصايب هاي -- تگصي ابلا رحم بيها

من راح النبي المختار -- ماسكنت نواعيها

عاشت بالحزن والهم -- وجزعوا من بواچيها

والنوب الدواهي النوب -- كلها دارت اعليها

عمر وتخلصه بهذا القهر -- جار بقساوه اعليها الدهر

فجعه اعله فجعه -- دمعه اعله دمعه -- ظيم التجرعه -- يا اسلام

---

كل اولادها خلصوا -- دار اعليهم المادار

بيهم ينذبح بالسيف -- وبيهم تصلب الاشرار

منهم هاجر الدينه -- بهاي الوسعه والاقطار

هذا الينغدر مسموم -- وچبده تلتهب بيه نار

يشهد عليهم طف كربله -- امست يتامه هالعايله

مهظومه هيه -- وراحت سبيه -- الگوم آل اميه -- يا اسلام

---

لو عرفوا فرد منهم -- وگالوا من بني عدنان

مايسلم هذاك اليوم -- بيه ماترحم العدوان

صار السيف ذباحه -- لو تنبي اعليه حيطان

بني العباس ناس اوغاد -- حتى فگدوا الايمان

ضيعوا وصيته للمصطفى -- بدلت كلامه وتحرّفه

اهل المطامع -- اتريد النافع -- هاي الدوافع -- يا اسلام

--

بني اميه وبني العباس -- عليهم صبوا النقمه

ماسلموا عوالي الشأن -- وهمه للبشر رحمه

مراتب عاليه امن الرب -- وبيهم تمم النعمه

مجدهم ماوصل واحد -- بلاغه ومنطق وحكمه

بيهم تفاخر هام المجد -- رغما على انف اللي يضد

هثمه الكرامه -- ودرب السلامه -- اتحملوا ظلامه -- يا اسلام

--

ساحات الكفاح الهم -- واحد بعد واحد سار

رادوا للمجد والعز -- من رضعانهم وكبار

نفس النهج مسراهم -- احييوا سنة المختار

ومنهم سادس اليمه -- گطعت چبدته الاقدار

والزهره حزنت لمصيبته -- مردوها بالسم الچبدته

بلوعة ضلعها -- بصرخة دمعها -- الصادق فجعها -- يا اسلام

--

جمر السم تلاهب بيه -- ويجود بولم نفسه

الصادق نازع ابروحه -- سبل ايده وخفه حسه

سلمها الحياته اليوم -- أمفارگ شيعته امسه

لاچن خالد ايظل دوم -- ومتغرب ابد شمسه

صادق امين الكل عارفه -- ضل علمه شاهد لا ماخفه

كل المراجع -- علمه تتابع -- وبلا منازع -- يا اسلام

--

سيد عدنان الحمامي

[حامد صوفان]

استشهاد الامام الصادق\و خصوصا الصادق

[جارية العترة]

اقتباس ماسلموا عوالي الشأن -- وهمه للبشر رحمه مراتب عاليه امن الرب -- وبيهم تمم النعمه مجدهم ماوصل واحد -- بلاغه ومنطق وحكمه بيهم تفاخر هام المجد -- رغما على انف اللي يضد

طيب الله انفاسكم سيدنا مع علم الظالمين لهم بمنزلتة الاطهار صلوات الله عليهم وانهم رحمة للعالمين الا ان الحقد اعمى بصائرهم لعنهم الله واخزاهم في الدارين
حياكم الله سيدنا

الاخ حامد صوفان كل سادتنا صلوات الله عليهم استشهدوا صح لسانك .....

[الحوررر]

السلام عليكم ورحمة الله وبركاته
اللهم صل على محمد وآل محمد وعجل فرجهم
جزاك الله خيرا أخي الموالي عدنان الحمامي على الكلمات الجميلة
والروووووووعه
أسأل الله العلي العظيم أن يفرج عنك همك وغمك
وأن يجعل لك في كل خطوة حسنه
وأن ينير دربك بنوره
وصل اللهم على محمد وآل محمد وعجل فرجهم
وأهلك أعدائهم وانصرنا بهم يالله