[mahdi_2000]

يرسم ورده دمع إعيوني...لون الورده يشبه لوني...عاشق حيدر لتلوموني

أجـمـل مـيـلاد مـيـلادك يـغـالي...و آنه ابهاليوم سموني المغالي
سـاكـن بـالـروح و إتعيش إبيالي...غيرك ما أحب يالدوم إعله بالي
يـا أول حـب حـبـك حـيـدر...كـلـمـا أكبر حبك يكبر
آنـه الـعـاشـق و يـعـرفـونـي...عـاشـق حـيدر لتلوموني

هايم و الشوق ماخذني إعله جنحه ...ما شايف ليل يضوي مثل صبحه
قـلبي المجروح بإسمك نسه جرحه ...وجينه إشموع يا فرحه إعله فرحه
عـرش الـظـالـم طـاح هـالـلـيله ...ساعة مولد حامي إدخيله
يـا نـاس الـحـب صـار إفـنـونـي...عـاشـق حيدر لتلوموني

بـيـت الـمـعـبود مريم ما تدخله ...عالكل ممنوع بس حيدر يقبله
و الـحـايـط ظـل شـاهـد لليسأله...و القبله إتريد يولد بيها قبله
وسـط الـكـعـبـه تـولـد كـعـبـه...و الما يقنع خالف ربه
هـذا الـواقـع لـتـكـفـرونـي...عـاشـق حـيدر لتلوموني

شـرف لـلـبيت صارت هالولاده ...عمود الدين و أركان السياده
يـا أول سـيـف يـا أول قـيـاده...يـا ثالث نور يا ثالث شهاده
يـجـري إبـدمـي عـشـقـي الأول...أشـعـل شمعه بهذا المحفل
غـيـر الـرافـض شـيـسـمـونـي...عـاشـق حيدر لتلوموني

يـا أغـلـه الناس و أغله من حياتي...عامود الدين يا صومي و صلاتي
آخـر كـلـمـه ألـفـظـهـا بمماتي...خير الأعمال يالحبك نجاتي
و آنـه بـقـلـبـي شـايـل رسـمـك ...نايم صاحي ألهج بإسمك
هـايـم بـالـحـب لـتـصـحـونـي...عـاشق حيدر لتلوموني

طـبـع الـمـحـبوب يشتاق الحبيبه ...روحي بلياك حزنانه و غريبه
فـاز الـوالاك و الـجـنـه نـصيبه ...و الما والاك مو طاهر حليبه
هـاي الـلـيـلـه لـيـلـة عـيدي...ورده الحيدر شايل بيدي
ويـن الـحـسـاد و يـشـوفـونـي...عـاشـق حيدر لتلوموني




نسئلكم دعاء بحق زهراء علية السلام


الشاعر السيد عبدالخالق المحنّه


منقول للاستفادة

[الحوررر]

السلام عليكم ورحمة الله وبركاته
اللهم صل على محمد وآل محمد وعجل فرجهم
سلمت يمناااااااااااك على النقل
الجميل والرااااااااااااااائع
وأسأل الله العلي العظيم
أن يفرج عنك همك وغمك
ويكشف كربك يااااااااااااااااااارب
ودمت في حفظ الرحمن ورعايته