[alsamawi]

اه يا ليل المصــــيبه
ريت فجرك لاتجيبه
خاف اظل بلا ولي لوشفت هامت علي
ريت فجرك لاتجيبه
************
عيوني ياليل المصــــــــيبه ** ما تمل من الســــهر
شما تطويل أ وياهه ترضه ريتك اطول دهــــــر
تخاف من ايطر صباحـــك ليها يتعنه الخبـــــــر
وناعي الاحزان بدمعتــــه ايصيح والينه انطبر
تدري ياليل الحزينه
أمدللة حيدر ولينـــه
وﻋﮕبه بالهم تبتلي لوشفت هامت علي
***************************
ارد اسولفلك يليلـــــــــي خاف ماعندك عِلــــم
من يطر فجرك عليـــــه راس عودي ينجســم
ريض وبالك يليلـــــــي للصبح جدمك يهــــم
هذا جرحك حدر ظلعي من اسولف ﭔﻠﮁــــــــم
بيك ودعت اﻠزﮁــيه
وبالحزن رديت اليه
تريد تاخذ كل هلي لو شفت هامت علي
***************************
انه زينــب ونــــته تدري بجال ابوي امدللــــــه
ونته تدري اخلاف عينه دمعتي اظل هاملــــــه
فوﮒ هم الزهره ﮔلبـــي بهم ابوي اﺗﮁملـــــــــه
فراﮔﮫ ياليل المصايـــب ﻤﮕدر انه اتحملـــــــــه
ياذنب ﮔلي الجنـــــــيته
وعل اﻠﮕلب همك بنيته
ومن ايروح ايظل خلي لوشفت هامت علي
****************************

شلون اضـمد جرح ﮔلبي ﮔلي باﮁر لو نـــــزف
شلون ابوي بعيني اشوفه مخضب ولونه انخطف
شلون اعوفه ايروح عني ويسكن بوادي النجـــف
شلون اردن للمدينــــــه اﺼﻔﮒ اﮁفوف الوسف
واليناشدني ﺷــﮕﻠﮫ
والنشد لتظن احمله
وظيمي ماظن ينجلي لوشفت هامت علي
*****************************
ارد انشدك يا دليــــــــل المثل دلالي انفجــــع
ﮁم سهم صابه زمانــي وماخمد ونه وهجــع
ﺤﮝﮫ لو هشم اظلوعــه اليله ﺑﻓراﮔﮫ اوﮔـــــﻊ
هم شفت ميت يليلــــي لهله من ﮔبره رجــع
وانه عل لوالي شبديه
لوخذت روحه المنيـه
ومايرد من ﮔبره الي لو شفت هامت علي
****************************
عل الصبح ملهوف ﮁنك ليش يا اليل الحزن
تريد تحرمنه من ابونــه وما الومنك تظـــن
ﻠﮕظي عمري عليك كله اعتب واﺑﮁﯥ واون
والدليل اخلاف حيــــدر عينه ماتغفه ويعــن
شلون اعذرنك يليلي
ونته المحير دليلـــي
ولا ﺘﮕلي اتحملي لوشفت هامت علــي
***************************
راح لــــــيل الهم وجاني يا ﺨﻠﮒ هم الصـــــبح
وعل الصبر ظليت ادور ودري ضاع ومايصـح
ياجرح اﮔدر اشـــــــــده وانه كل ساعه انجرح
ليش مكتوب عل زينب الف مره تنذبــــــــــــح
من زغر سني حزينه
وكلبي مابطل ونينـــه
وغير دمعاتي شلي لوشفت هامت علـــي
****************************
راح للمسجد وليهـــــــا وراح وياه الكلــــــــــــب
ولاجن بيا حال ظلـــت عينهــــــــا اصـد للدرب
تكله ريتك ترد سالــــم ليهَ والمدمع يصــــــــــب
خاف ابن ملجم يصوبك يلولي وفكدك صعـــــــب
ارتجت الكوفه بهلها
من وكع زينب املها
والسمه دمعه ايهلي من شفت هامت علي
*****************************

[جارية العترة]

اهلا وسهلا بالاخ السماوي حياكم الله معنا
شكرا لطرحكم القصيدة
اه يا ليل المصــــيبه
ريت فجرك لاتجيبه
خاف اظل بلا ولي لوشفت هامت علي
ريت فجرك لاتجيبه
السلام على العقيلة التي رأت مصائب لاتحملها الجبال الرواسي السلام على وليد الكعبة ولعن الله قاتليه
مجددا نرحب بكم الاخ السماوي

[alsamawi]

شكرا لكم على هذا المرور الكريم